JEREMIAH 7:19 - LEKHARABU INTHENG (BSI)

¹⁹ Tâk-kha kei rōk malung natna akachang mo? Changmak, anmani anbinga malung natna leh anbinga inzakna kha anta heichoisōt kae.

JEREMIAH 7:19 ပူးပေါင်းရင်းမြစ်များ

EZRA 9:7

Kanpu kanpa heia inphut tûn katlunga, nami keini kaset hêr jo ung. Kanṭhena jâra kanrenghei, kanthempu hei miram renghei kut a leikatla jo hei, keini anleithasōt ung, anleichom ung, khana rehringa anleisur jo ung. Khana tuna kanka-om kapōa hin inzakna katluk set a kanleichen jo.

JOB LEKHARABU 35:6

Nang in setna natlo’nchu, Pathen sik a asetna omdek mak. Nang in sukṭhena katamtak nanei inum, ahnenga atônna aka-om sik mo?

ISAIAH 1:20

Tâk-kha kaṭong nanjuimak inchu akathi sik a da jo chei kae, Rōngpu ke’n kahri kae.

ISAIAH 1:24

Khava jâra tûn, rangei ruh; akahrat, Chunghnung Rōngpu Israelhei ratha kanei Pathen in ahri hi rangei ruh: “Kei nanchunga phu kahlō sik, khan chu nangni’n kei asuk manbōi nôk mak jo tin chei.

ISAIAH 45:16

Lim kasyem hei seng kha inzakna anchen sik; ankhenga themmôna pek sik hei kae.

JEREMIAH 15:9

Asa 7 a’nhmang jo hei nu khachu insam hla jo, akaphu insam jo. Amanu sûnṭim kha, jân khō inthim kachang jo; ama inzak jo, amalung kana jo. Tûn katlunga alakahring nangni ke’n nankadōihei kalamanthat sik chei. Rōngpu ke’n kahri jo kae.”

JEREMIAH 2:17

Israel, nabinga hivahi namasō kae Ke’n hlamdunga kaṭhōi chelai, Rōngpu na-Pathen kei hi nang in nadahlon enga kae.

JEREMIAH 2:19

Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 20:11

Tâk-kha Rōngpu, nang chu kei langa ka-om che, akalen leh akahrat che kae, kei kasuk inrim hei chu katlu sik hei. Anmani ahei tik a hmaimôkna anchen sik, ajârchu anmani’n chung sōkna nei tor mak hei. Anmani nuisō chen kha mahngi thei chang hêrmak ning.

JEREMIAH 22:22

Nanhlam kakeihei kha thli’n atlen sik jo hei, nangni leh nanta’nthlop pui hei kha rehringa ankei sik hei, nankhōpui kha hmaimôkna leh inzakna anpek sik, nangni’n akaṭhamak nanheitlo kara kae.

JEREMIAH 25:7

Tâk-kha Rōngpu khet in, nangni’n aṭong rangei hnōm mak chei ati. Khava kanek a, nanlimhei khan anhnuk nanmannat pek a, nanbing chunga karâkna kha nantamathlung kae ati.

JEREMIAH 3:25

Inzaktak a katlu sik unga kha kan-inzakna khan amakhusi jo rasoh. Keini leh kanpu kanpa he’n Rōngpu kan-Pathen kadōia setna kanleitlo ṭhak jo; aṭongpek-hei kha juitet mak jo ung.”

JEREMIAH 44:3

ajârchu anmi he’n ṭōnse antloa kahnuk anmannat a kae. Anmani’num, nangni’num khana nanpa-nanpu he’num anta leikamuk phungmak pathen ralak-hei hneng inthoina antōk a anrazen jo heia kae.

JEREMIAH 8:19

Rangei roh! Ram shung rakip a, kamihei ṭa rasa kha kathei, “Rōngpu kha Ziona om mak jo mo? Zion rengpa kha khan om mak jo mo?” anti. Rōngpu anrengpa khan ahei masôn hei, “Heisa mo nanlim kamuk a kahnuk nanta mannat khana hnemna kase ram hlop pathenhei hneng a’nkun chei.”

JEREMIAH 9:19

Ziona ṭap rasa so rangei roh: “Keini inhmang jo ung! Keini katluk a inzak jo ung! Keini kanram kandahlon sik jo; Kan-innhei insetsō jo hei,” anti.

EZEKIEL 16:26

Nakhō navena mi kahurtak, Egypt hei kha jekhum na’nchunpui hei, nang noti changna khan kei kahnuk namannat a kae.

CORINTHIANHEI INKHATNA 10:22

Khana Rōngpu thangsetna sik eini’n nitlo sik mo? Ama kanek a eini kahrat me tia a’ndon me mo?

DÂNRABU INHNINA 32:16

Lim ankamukna khan Rōngpu thang amanset; Ṭhatmak antlona khan ama ahnuk anmannat.