JEREMIAH 7:10 - LEKHARABU INTHENG (BSI)

¹⁰ Nangni’n kamater omchenhei hi nantloa, khana kabek-inn shunga kahong cheia kahma kangir cheia nanhri, “Keini inhuktak a ka-om ung!”

JEREMIAH 7:10 ပူးပေါင်းရင်းမြစ်များ

RENGHEI INKHATNA 9:3

Rōngpu’n ahnenga ati, “Naderna kha kathei jo. Nang in nasaksōt Bek-inn hi ahei tik a kei kamukna sik a kaman thengsōt jo. Ke’n ahei tik a ka-ensui ṭhak sik khana kahrung ṭhak sik.

RENGHEI INHNINA 21:4

Rōngpu’n ama kamukna sik atina Bek-inna khan limsyem kamukna maichâm asak jo.

THUHMINGHEI INHNINA 33:4

Rōngpu’n ahei tik a ama kamukna hmun kae aleitina khan ama’n Bek-inn shunga khōvelhei maichâm asyema kae.

THUHMINGHEI INHNINA 33:7

Ama’n limsyem inkhat Bek-inn shunga aleimatung, Pathen in David leh asapa Solomon hnenga hinga ṭong aleihrina hmun a khan, “Hiva Jerusalema, hiva Bek-inn shung hi, Israel phung 12 hei ramṭhen pumpuia inphut kei kamukna sik a kakadeisōt hmun kha kae.

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ISAIAH 48:2

Achang inum nangni inlensak cheia hinga nanhri, khōpui intheng mi ung kae Israel Pathen chunga a’nngai ung kae arahming Chunghnung Rōngpu inti chunga khan ka-om ung nanti.

JEREMIAH 32:34

Anmani’n kei kamukna sik a antasak Bek-inn shunga khan anmani mater ka-om limsyemhei kha anda heia, anmanbōk joa kae.

JEREMIAH 34:15

Kani ṭhahrep rōk lakae, nanmalung nanthlenga kamalung tlaina sik nantlo jo. Nankhenga nan-Israel changpui hei masōna sik kahnōmpet chei, khana kei hmaikunga, kei kamukna Bek-inn shunga intepna inkhat nansyema kae.

JEREMIAH 44:9

Judah khōpui heia leh Jerusalem hlampuia, nanpu sōnhei, Judah renghei, annuhmeihei ṭōnse leitlo rakip kha nantamahngi jo mo?

JEREMIAH 7:11

Kabek-inn hi inruhei inthupna hmun inkhat a nantamandon mo? Nangni tatlo hei kha ke’n kahmua kae.

JEREMIAH 7:14

Khava jâra ke’n Shilo chunga kaleitlo kha nangni tataksen kabek-inn chunga hin katlo sik jo kae. Hiva nanpu sōnhei leh nangni kapek jo chei hmun a hin Shiloa katlo kapōa katlo sik kae.

JEREMIAH 7:30

“Judah mihe’n ṭōnse kha antlo jo. Anmani’n kamater limhei kha, kabek-inn shunga anmatung heia anmanbōk jo.

EZEKIEL 20:39

Chunghnung Rōngpu’n ati, “Tûnchu, Israel nankhenga malung katlâia om ruh! Se ina nanlimhei kha razen hei ruh! Tâk-kha ke’n kagîk chei kae khava sō leh kei ṭong nantajui sik eng kae khana nanlimhei hneng kutchoi tōkna nanneia kei rahming hmeset pekna nantatlo khachu akahai sik chei kae.

EZEKIEL 23:29

Anmani’n anmater che jâra naṭōn leitlona rakip kha anchom sik che khana pōn kasea nakarōk a, noti kapōa ankeisō sik che. Nang maduna leh noti changna khan

EZEKIEL 23:37

Anmani’n mipuisehei leh indu hei khana mi anthat a kae, limsyemhei leh indu hei khana sapa antanei pek eng hei kha anthat jo hei. Anmani limsyem hneng kasapa inthoina antōk hei.

EZEKIEL 23:39

Limsyem kamukna sik a kasahei inthoina antōk ning hei khan anmani ka-Bek-inna kahong heia anmanbōk a kae!

EZEKIEL 33:25

“Chunghnung Rōngpu kei ṭonghri hi manthei hei roh: Nangni’n hme kha thisen ashunga a-ompuma nansâk. Nangni’n limsyem nankamuk. Mi nanthat. Ram hi heikhonga mo nanram manchang sik a nantamandon?

EZEKIEL 33:31

Khana nang in heimo nahri sik antia ṭong inngei sik mi katamtak kahong hei, tâk-kha nang in tlo ruh nati hei khachu heite tlomak hei. Anbeia chu lungset ṭong anhri, tâk-kha an-inphâmna leh anhnemna jong khachu bângmak hei.

EZEKIEL 5:11

“Achang jâra, kei akahring Pathen kachangna, hivahi Chunghnung Rōngpu ṭong kae, nang in ka-Bek-inna ṭhatmak rakip leh mater ka-om ṭōn natlo jâra, ke’n lungsetna kasea kasuk mathlâk sik che.

DANIEL 9:18

Eh Pathen, kantahri arangei pek roh; keini ajōng enroh, keini inrengna kan-omna leh narahming karôn khōpui inrimna hi jōng enroh. Keini’n akadik kantlo jâra changloa, nang in lungset kathem nachang jâra derna hi kannei che.

HOSEA 6:9

Thempuhei kha mi kahlō inru rup kapō hei kae. Hmun intheng sena hlam a Shechema kapha mi anthat a kae. Hiva ṭhatmak hi tlo mông rung tia antloa kae.

AMOS 4:5

Se ruh, Pathen hnenga inpâkna nanbuhlom kha tōkna nei ruh, khana inthoina ralak nanheichoi hei jâra inlensak ruh! Hiva kapō hi nangni tatlo hnōm kha kae.

ZEPHANIAH 1:5

Innphu chunga akakea kani leh thla khana ârsihei kamukna akaneihei kha kamanhmang sik hei. Kei inmuk hei khana kei kajui sik a intepna kaneihei, tâk-kha Molech pathen rahminga intepna kaneihei kha’m kamanhmang sik hei.

MALACHI 3:15

Eini’n nihmu khachu, mi inlensak-hei kha mikahōihei kae. Mikaṭhamak-hei kha ankakhang rōk kha changmak a, anṭhatmakna vânga khan Pathen dehratna kha enmansinna annei, khana inphut sōksōtna annei.’”

MATTHEW 23:13

“Nangni Dân ojahei leh Phariseehei heituk a ṭitpek ka-om chei mo! Nangni a’nṭhat hlemsak-hei! Marvân Rengram kot kha mihei hmaikunga nankhârpek hei; nangni nanbinga’m hlutmak chei, akahlut sik a a’ntluk hei um nangni’n nankhâr hei.

JOHN 13:18

“Ke’n nangni nankhenga chungchânga kahri changmak; ke’n kakadei jo hei kha kamanhret hei. Tâk-kha ṭong inthenga, ‘Kabu kasâkpui mi kha kakadōia inṭang,” inti kha hui akatlung nger sik kae.

JOHN 18:28

Jîngkâr hmatak a Jesu kha Caiaphas inna inphut ram vaikarôn Pilate innpuia anṭhōi jo. Jehudi hlamkakei he’n Rakan Kût thlai ansâk theina sik bekdân dungjuia anmani inthenga an-om sik anmadua reng-innpui shunga chu hlutmak hei.