JEREMIAH 6:20 - LEKHARABU INTHENG (BSI)

²⁰ Anmani’n Sheba a inphut marim katui khana ram kahlatak a maru-marâng kahnenga anta heichoi kha katei sik mo? Anmani neitōknahei rahlâng mak ning khana an-inthoina hei chunga tlaimak ning.

JEREMIAH 6:20 ပူးပေါင်းရင်းမြစ်များ

SAMUEL INHNINA 15:12

Khana ama’n inthoina atlolai, Gilo khōpuia ka-om David rengpa ṭong-inse hei kâra inkhat Ahithophel kabek sik mi atir hei. Reng dōina ṭōnmantluk kha kangar chet-chet a, Absolom kahnung kajui kha katamsa chet-chet jo hei.

RENGHEI INKHATNA 10:10

Rengnu’n Solomon hnenga kutchoi ahei rôn seng kha apek jo: sana kilograme 4,000 kakhe, marim katui, hira-mukta katamtak. Amanu kutchoi apek marim katui hin pha ralak a aleirahlâng kanek a katampena kae.

HLAHEI 40:6

Nang in inthoinahei leh tōksōt hei madu mak che; akapu maichâm chunga pumro sik a dermak che a-emak leh set inthengna sik inthoina dermak che. Khava kanek a naṭong hri katheina sik kōr napek eng,

HLAHEI 66:3

Pathen hneng hri ruh, “Naṭōn tlohei hi heituk-hrep a a’nlak mo! Naratha hi hingtuk hrep kahrat ti chu nakadōihei kha nahmai kunga ṭittak a inkun hei.

SŌKSŌT 30:23

“Marim katui pen thingdi rōdi hei inlo roh - myrrh atui kilograme 6, ṭhingṭhe kilograme 3, phikung marim katui kilograme 3,

ṬONGCHÎK-HEI 15:8

Mikaṭha he’n derna annei pha Rōngpu malung katlai, tâk mikaṭhamak he’n ahnenga anta heichoi inthoinahei kha amater.

ṬONGCHÎK-HEI 21:27

Mikaṭhamak he’n tōk sik anta heichoi neinâk kha Rōngpu’n amater; adek a anmalung mandon intheng loa antlo’nchu.

ISAIAH 1:11

Ama’n ahri, “Nang in hiva inthoinahei seng kei hneng natōk hi kamadu sik hei tia namandon mo? Nang in nakemōng leh ran kaṭhahei thai inthoina naro hei kanek a katluk a kanei. Kei sehratche, kemōng leh kehei thisen kha kaning ache jo.

ISAIAH 60:6

Midian leh Ephah ram a inphut sharîngsei katamtak kahong sik hei, Sheba ram a inphut, sana leh marim katui anhongrôn sik. Mihe’n Rōngpu ṭōntlo ṭong kaṭha kha anhri sik.

ISAIAH 66:3

“Mihe’n antamadu kha antlo. Inthoina sehratche inkhat anthat a achangmak leh mihring inkhat antōk innum anmani sik a in-angtling; kemōng inkhat antōk a achangmak leh ui inkhat arîng anmahertan inum; hmuchi kara antōk a a-emak leh vōk thisen antōk inum; marim katui antōk a a-emak leh limsyem hneng ander inum thakhat hei kae. Mater ka-om tak kamukna omchenhei hi anmani’n tlaina anneia kae.

JEREMIAH 14:10

Rōngpu’n hiva mihei chungchânga ahri, “Anmani’n kahnenga inphut tlânsōt sik anmadu, khana anmani anbibinga inkhimtor mak hei. Khava jâra anchunga kamalung tlaimak. Antlo ṭhena kha kamandonsōt sik, ansetna chunga karâkna kapek sik hei.”

JEREMIAH 14:12

Anmani’n thlai anhngōi inum inthōpuina sik a anṭapna kha theipek mak hei ning; anmani’n ro-inthoina leh hmuchi inthoina atōksōt inum, anchunga tlaidek mak ning. Khava kanek a, ke’n re leh vonṭâm leh hrise vânga kaṭha manram sik hei kae.”

EZEKIEL 20:39

Chunghnung Rōngpu’n ati, “Tûnchu, Israel nankhenga malung katlâia om ruh! Se ina nanlimhei kha razen hei ruh! Tâk-kha ke’n kagîk chei kae khava sō leh kei ṭong nantajui sik eng kae khana nanlimhei hneng kutchoi tōkna nanneia kei rahming hmeset pekna nantatlo khachu akahai sik chei kae.

EZEKIEL 27:22

Sheba leh Raamah invei katlo he’n naneinâk kha sum-êng, sana khana marim katui akaṭhapen hei leh anthleng.

HOSEA 8:13

Anmani’n kahnenga inthoina antōk khana khava hme kha ansâk. Tâk-kha Rōngpu kei chu anchunga tlaimak eng, tûnchu ansetna kha kamandonsōt sik khana karâkna kapek sik jo hei; Egypt a katir male sik jo hei!

HOSEA 9:4

Khava ram hlop shung heia khan anmani’n Rōngpu hneng vomhrui ju tōkna nei tor mak hei ning, a-emak leh an-inthoina heichoitor mak hei ning. Anthlai kasâk rakip kha thi ninga thlai sâkna kapōa, amannim sik hei. Khavakha anmani von khopna sik rōk a kachang sik; inkhatbek um Rōngpu Bek-inna tōkna tia inlomak ning.

MALACHI 1:10

Akahratpen Rōngpu’n ati, “Nankâra mi inkhat in Bek-inn kot-hei akhâra heite akahnem mak hmei kha nangni’n kamaichâm chunga nanmansûk mak jo’nchu tia kamandon jo. Kei nanchunga tlaimak eng; kahnenga nantaheichoi tōkna kha rahlâng mak ning.