JEREMIAH 6:16 - LEKHARABU INTHENG (BSI)

¹⁶ Rōngpu’n amihei hneng ahri, “Hlam inbâkna hmun a ngir una enruh. Hlam kaṭhapen, hlam marō kha inder ruh. Khana khan se ruh, nangni kamōnga ka-om sik chei.” Tâk-kha anmani’n anhri, “Dâng, keini semak ning.”

JEREMIAH 6:16 ပူးပေါင်းရင်းမြစ်များ

RENGHEI INKHATNA 8:36

marvâna inphut theipek hei roh. Rengpa leh Israel mipuihei setna rangei mandam hei roh. Akadik kha antlona sik a manthei hei roh. Khava sōa, O Rōngpu nang in namihei hnenga ahei tik a ankarōi sik napek jo hei hiva naram shunga hin khō jōng mansûr roh.

THUHMINGHEI INHNINA 19:11

Beklanga ṭong kasōk rakip chu Thempu Kalen Amariah khan achaina ṭong kimna ratha anei sik kae khana sedân chondân langa ṭong kasōk rakip chu Judah ram vaikarôn Ishmael sapa Zebadiah khan achaina ṭong kimna ratha anei sik kae. Khana karôt a ṭong mathlâkna kha ṭōn vânga intlosōt ti kha Levihei ta-ensui sik kae. Malung ngarsōna nei roh, khana hiva mansena che hi tlosōt roh, khana Rōngpu’n dikna langa ngirpek che rasoh!”

HLAHEI 116:7

Kamalung inngam roh, ajârchu Rōngpu kha kei sik hingtuk hrep kaṭha jo.

ISAIAH 2:5

Tûnchu, Jacob sōn leh pârhei, Rōngpu tapek me vâra khan eini se rih!

ISAIAH 28:12

Ama’n nangni nankhenga lung mōngna leh châmhngatna apek jo chei, tâk nangni’n ama ṭong rangei hnōm mak chei.

ISAIAH 30:21

Nangni hlam invaia veiting changting nanse’nchu, nankahnung ting arasa hinga ati nanthei sik, “Hin hlam ka-om. Jui ruh.”

ISAIAH 46:9

Tenlaia omchen kasōk kha mandonsōt ruh; kei rōk hi Pathen eng kae khana kei kapō tûte ralak om mak ti hi hnōm ruh.

ISAIAH 57:2

Hringkhō kaṭha kahmang hei kha mōngna leh inhngatna anchen joa kae.

ISAIAH 8:20

Nang in hing’hin masôn hei roh, “Rōngpu’n amanthei chei kha rangei ruh! Rathla inbekpui mihei kha rangei mak ruh, anmani mantheina khan akaṭha kha sōk mak ning.”

JEREMIAH 12:16

Anmani’n kamihei bekdân hi anmalung pumpuia anrahlânga, kamihei kha pha khat a Baal rahminga intepna sik a antamanthei hei kapōa, hinga an-intep inchu, ‘Rōngpu ahring jâra,’ khan chu anmani kha’m kamihei kâra ṭhen khat kachang sik hei khana hong kakhangtou sik hei.

JEREMIAH 18:12

Anmani’n anmasôn sik, ‘Ethei mak, heisa mo kantabâng sik? Keini kankhenga racham intak leh akaṭhamak kha kantamadu dungjuia kantlo sik.’”

JEREMIAH 18:15

A-e ravâng, kami he’nchu anmahngi jo eng; milimhei hnenga marim katui anro mankhut a kae. Ansena sik hlam a inpai inthlûk jo hei; hlam marō kha hromak jo hei, anmani’n kebi inhmulo hlam anhro jo.

JEREMIAH 2:25

Israel, Pathen hlop kahnung jui lelena khan nakadang manchâr mak roh, achangmak leh nake manchâm mak roh. Tâk-kha nang in nati, ‘Changmak! Kei hong inhetor mak jo eng. Ke’n mihlop-hei pathen kamadu jo hei, ankahnung kalajui sik.’”

JEREMIAH 22:21

Nangni’n nanhōilai Rōngpu’n nanhnenga aleihri jo, tâk-kha nangni’n leirangei mak chei. Nanhringkhō seia nanṭōn tlo kha khavakha kae; nangni’n ahei tik a’m Rōngpu ṭong kha juimak jo tin chei.

JEREMIAH 31:21

Hlamlen kha amerchîkna matung roh, nalei sōksōtna hlam kha jongsōt roh. Israel mihei hong inle ruh, Nantadahlon nankhōpuia hong inle ruh.

JEREMIAH 42:3

Eini’n khonting mo akase sik me, heimo nitlo sik ti kha Rōngpu ni-Pathen in amanhmuna sik me der roh.”

JEREMIAH 44:16

“Nang in Rōngpu rahminga namanthei ung hi keini’n rangei hnōm mak ung.

JEREMIAH 50:5

Anmani’n Zion jōnna hlam ander sik a kha khava kajōna kase sik hei. Anmani’n ahei tik a sukkhōi hêrmak sik intepna kei leh annei sik khana sukkhōi hêrmak jo hei ning.

JEREMIAH 7:23

Tâk-kha kei anmani Pathen kachangna sik khana anmani kei mipui anchang theina sik a, kaṭong anjuina sik a chu ṭong kaleipek hei. Khana anmani sik a ṭhatthei achangna sik a, kaṭong pek hei dungjuia an-omna sik a kamanthei hei.

JEREMIAH 7:24

Achang ravâng, anmani’n kaṭong rangei mak hei, anmalung um hlutmak a kae. Jui kanek a, anracham setna leh anmalung ṭhatmak khan tlo sik a amanthei hei jôk kha antloa, akaṭhachet sik hei kanek a akasechet kachang heia kae.

MALACHI 4:4

“Kasōkpa Moses mantheina hei kha mandon ruh, Israel mi rakip hei tajui sik a Sinai Tlânga kaleipek ṭongpek leh dânhei kha.

LUKE 16:29

“Abraham in ati, ‘Nasōpui he’n Moses leh sânkathem annei hei, anmani tahri kha antarangei sik kae.’

JOHN 12:35

Jesu’n amasôn hei, “Vâr kha nankâra pha bongkhat rōkte ka-om sik. Nanchunga khō inthim kha ajōng makna sik nangni’n vâr nanneilai hin nanhlam hro kha manjôn ruh; ajârchu khō inthima ka-om mi khan khonting ajōna akase manhret mak.

JOHN 13:17

Tûnchu nangni’n hiva dikna hi nanmanhret jo; nangni’n hivahi ṭōn vânga nantlosōt inchu heituk a akahōi sik chei mo!

JOHN 5:39

Nangni’n Ṭong intheng rabu shunga kumsôt hringna kanhmu sik tia nanteia nanjong. Khana hiva Ṭong intheng hei hin kachungchânga antahri kae!

ṬŌNTLOHEI 17:11

Khava hmun a ka-om mihei kha Thessalonica mihei kanek a anmalung le’ntheng. Anmani’n ṭong inhri kha malung kahluttak a anleirangei, khana Paul tahri kha akadik khet mo ti hmusōtna sik a nitina Ṭong intheng anleiteia kae.

ROMANHEI 4:12

Abraham hi vun katanhei, ti chu anvuntan chung nôk a khan Abraham in avun tan mak hma hringkhō aleihmang kapōa akahmang hei sik a pa kha’m kachang jo.

DÂNRABU INHNINA 32:7

“Akasesa tenlaia omchen kha mandon ruh; Nannu nanpa hneng heimo aleikasōk, der hei ruh, Upahei hneng hmalai heimo aleikasōk, der hei ruh.

COLOSSIANHEI 2:6

Nangni’n Jesu Christa kha Rōngpua nantahnōm jo achang jâra, ama leh inchun a hring ruh.

HEBREWHEI 11:2

Hmalaia mihe’n Pathen hnōm pekna anta leichen kha antaksen jâra kae.

HEBREWHEI 6:12

Keini’n nanratha akase sik madu mak ung, tâk akataksen leh akadehrat hei, Pathen ṭongtepna kachen hei kha aka-ang sik chei kanmadu.

ṬONGKATANHEI 2:17

Tâk Israel he’n hlamkakeihei ṭonghri leidon mak hei. Israel kha Rōngpu hneng taksenthei changmak jo khana pathen hlop hei ankamuk jo. Anpusōn he’n Rōngpu ṭongpek anleijui, tâk hiva khangtherhei chu inrangtak a kabâng jo hei.