JEREMIAH 6:13 - LEKHARABU INTHENG (BSI)

¹³ Anmani akasin leh akalen ankhenga malung intheng loa sêr hlona antlo; thempuhei leh sânkathemhei kapha’num mipui anhōn hei.

JEREMIAH 6:13 ပူးပေါင်းရင်းမြစ်များ

ISAIAH 28:7

Sânkathemhei leh thempuhei kapha’m ju inrui heia anhek anhek a kalôn hei. Anmani’n ju an-inreia inhmak heia inpai inthlûk heia kae. Sânkathemhei kha ju inrui rei heia Pathen in hmangtalâr ajōngtir hei kha manhret mak jo hei, thempuhei kha inrui rei heia ṭongtan hi tanthei mak jo hei.

ISAIAH 57:17

Kei, anmani setna leh anphâmhrai set jâra anchunga kahnuk leikana, khava jâra ke’n karâkna kapek heia kaleidahlon jo hei. Kha’num anmani anracham kasea antamadudu antloṭhak a kae.

JEREMIAH 14:18

Kei hleiheia kase pha, re shunga antatha hei mihring kalōng kahmu hei; khōpui heia kase pha, sâk loa akathi mi kahmu hei. Sânkathemhei leh thempu he’n anṭōn tlona insaler hei, tâk-kha anmani’n heimo antatlo manhret mak hei.”

JEREMIAH 17:11

Malung intheng loa sêr kahao mi kha, ratui chu thlâkloa valak-hei ratui aka-o, va inkhat kapō kha kae. Ahringkhō aṭima anei kha amanhmangsō sik, a’nchaina ama kha heite emak ning, tâk-kha mikamo kachang sik.

JEREMIAH 2:26

Rōngpu’n ati, “Inru ansur pha leh inzak aratō kapōhrep a Israel mi pumpui nankhenga nanreng hei, nanṭōn katlohei, nanthempu hei, khana sânkathemhei inzakna nanratō sik a kae.

JEREMIAH 2:29

Nang inphinna kha heimo kae? Heisa mo kei nadōi eng?

JEREMIAH 2:8

Thempu he’n, ‘Rōngpu khon mo aka-om?’ tia inder mak hei. Kathempu khet he’n amanhret mak jo hei. Vaikarôn he’n kei kadōia inṭang hei; Sânkathem he’n Baal rahminga ṭong ansân akahnem mak limsyem ankamuk hei.

JEREMIAH 22:17

Tâk-kha nang chu nabinga phâmrai setna rōk kha nahmu; ṭhena kaneimak nathat hei khana namihei hnuk kasetak a nasuk manrim hei. Rōngpu’n ahri jo.

JEREMIAH 23:10

Ram shung hi Rōngpu hnenga taksenthei kachangmak mi kasip jo hei; anmani akaṭhamak hringkhōa ka-om hei khana anratha neina kha ṭhatmak a anhmang jo. Rōngpu’n ahâksêr jâra ram khan ṭajai asui, ramhâng hei kha kachârsō hei.

JEREMIAH 23:11

Rōngpu’n ahri, “Thempuhei leh sânkathemhei kha pathen kaneimak hei kae; Bek-inn shunga ṭōnse antatlo kha kasursōt hei.

JEREMIAH 27:15

Rōngpu atak-khet in anmani kha tir mak hei eng, ama rahminga nanhnenga maleisei antahri kae ati. Khava jâra ama’n nangni ahnong sōt sik chei, khana nangni leh sânkathem khava maleisei kahri hei seng kha anthat sik chei.”

JEREMIAH 32:32

Judah leh Jerusalema ka-om mihei, anrenghei leh hlamkakeihei, anthempuhei leh sânkathemhei seng in ṭhatmak antlo jâra khan.

JEREMIAH 42:1

Khana remi rakip hlamkakeihei, Karea sapa Johanan khana Hoshaiah sapa Azariah inveina mi rup rakip kahong heia

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 8:10

Khava jâra anhleihei kha akapu ather hei hneng khana annuhmeihei kha pase ahlop-hei hneng kapek sik jo hei. Mi rakip, akalen leh akasin in malung intheng loa sêr jongna sik antlo jo. Sânkathemhei leh thempuhei kapha’num mi anhōn heia kae.

ṬAJAISUINA 4:13

Tâk-kha hivahi kasōk jo, ajârchu anthempuhei kaset hei khana ansân kathemhei ṭhena annei, ṭhenakase hei thina sik antlo jâra kae.

EZEKIEL 22:12

Nanmi ṭhahrep in sêr pek a mikathat ka-om chei. Ṭhahrep in ansōpui Israelhei hnenga sêrpûk masōa sêrthōi kalo khana anmani heia inphut hnemna jonga mikahao ka-om jo chei. Anmani’n kei anmahngi jo eng.” Chunghnung Rōngpu’n ati jo.

EZEKIEL 33:31

Khana nang in heimo nahri sik antia ṭong inngei sik mi katamtak kahong hei, tâk-kha nang in tlo ruh nati hei khachu heite tlomak hei. Anbeia chu lungset ṭong anhri, tâk-kha an-inphâmna leh anhnemna jong khachu bângmak hei.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MICAH 3:5

Sêr kapek hei hneng mōngna ka-om sik antia inhâksêr hei, akapek mak hei hnenga re kahong sik tia maṭhitna annei heia kamipuihei kha sânkathem he’n anhōn heia kae. Khava kapō sânkathemhei hneng Rōngpu’n ati,

LUKE 16:14

Khahei seng kha Pharisee he’n anthei pha Jesu kha anlei enkada a kae, ajârchu sêr anmadua kae.

TIMOTHY INKHATNA 3:3

ju inrui mi akachangmak, innâk-inse kakaimak, tâk nunkahōi leh malung kadai akachang sik kae; sêr indu akachangmak sik kae;

PETER INHNINA 2:1

Hmalai mihei kâra sânkathem kadikmak le’nlâr hei, khava leh in-anghrep a mi’nthei kadikmak hei nankâra ahong inlâr sik hei kae. Anmani’n ankahuk ankapu kha hnōm mak heia, khana insena kadikmak insuk-inpaina anheirônsōt sik, khana manhret manloa anbinga insuk inhmangna antamasō sik kae.

PETER INHNINA 2:3

Khava mi’nthei kadikmak hei phâmraiset jâra semsōt thuhming antahrina inphut hnemna anjong sik. Aheitik a sik a tûnchu anṭong Katanpa kha intluk jo, khana Ankasuk inhmangpa kha kathōisōt jo.