JEREMIAH 6:12 - LEKHARABU INTHENG (BSI)

¹² An-innhei kha milak hneng inpek sik hei, khana anhleihei leh annuhmeihei kha’m inpek sik heia kae. Ke’n hiva ram mihei hi karâkna kapek sik hei kae.

JEREMIAH 6:12 ပူးပေါင်းရင်းမြစ်များ

THUHMINGHEI INKHATNA 21:16

Ngeva khan ramhânga kangira, chemjâm akut a amatua Jerusalem suk manhmang sik a a’ntluk kha David in aleihmu. Khava sōa David leh mipui hlamkakeihei, ankhenga borapōn akasi hei, inkun heia anhmai raleia anmakhup jo.

ISAIAH 10:4

Nangni rehmun a anthat sik chei, achangmak leh rehringa ankei sik chei. Kha achang jo’num Rōngpu hnuk natna kha labâng dekmak ning; karâkna pekna sik a akut akalâng hi sik.

ISAIAH 5:25

Rōngpu kha amihei chunga ahnuk kana, khana karâkna sik a abân arazit a kae. Tlângbung innok sik hei, khana akathi kalōnghei kha hlampuia inchap dâk a indahlon sik hei. Kha achang inum Rōngpu hnuknat kha labâng mak ning, karâkna pekna sik a abân alakalek hi sik a kae.

ISAIAH 9:12

Nisō ting Syria khana tlaitlâk ting Philisti he’n Israel madena sik anbei ka-âng jo hei. Kha achang inum Rōngpu hnuk natna kha la’nchai mak; karâkna pekna sik heia akut akalâng ṭhak a kae.

ISAIAH 9:17

Khava jâra Rōngpu’n retherhei kha mantlânsōt mak hei ning, khana renghmei leh nu leh pa kase inkhatbek chunga lungsetna malârmak ning, ajârchu mi rakip Pathen neimak hei, ṭhamak hei, khana antahri rakip akaṭhamak rōk kae. Kha achang inum Rōngpu hnuk natna kha la’nchai mak ning, tâk karâkna pekna sik a abân alakalâng ṭhak sik.

ISAIAH 9:21

Manasseh mihei leh Ephraim mihei inkhat leh inkhat inbuhlu hei, khana anmani inchun heia Judah anbuhlua kae. Achang ravâng Rōngpu hnuknat kha la’nchai dekmak, karâkna pekna sik a akut alakalâng hia kae.

JEREMIAH 15:6

Mipui nangni’n kei adonmak jo chei; nankahnung nansungsi jo eng. Khava jâra kabân karajit a karachi rachen chei ajârchu kahnuknat ka’nkhâmna kachâm jo eng.

JEREMIAH 21:5

Ke’n kator chenna, kahnuk natna, kahrângna, kahnuk inthakna leh inṭhōia nang kadōia re katuk sik che.

JEREMIAH 38:22

Khana khan Judah innpuia aka-om nuhmeihei ankhenga Babylon rengpa ṭōnkarônhei hneng antakei hei kha kahmu hei. Anmani’n ansepum a antahri ṭong kha rangei roh, ‘Rengpa ṭhōn kaṭhapen he’n ama kha hlam kalet a anṭhōi jo, achunga vai anrôn jo. Khana tûnchu akehei bōnthlōk shunga kahlut jo, ama kha aṭhōn he’n andahlon jo.’”

JEREMIAH 38:23

Khava pha ke’n kahrisa, “Nannupui hei seng leh naipanghei ankhenga Babylon ting anṭhōisōt sik hei, khana nangkhet um anmani kut a inphut tlânsōt tor mak tin che. Nang Babylon reng in khum mi inkhat a akei sik che, khana khōpui hi ro manvâma ka-om sik.”

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

JEREMIAH 8:10

Khava jâra anhleihei kha akapu ather hei hneng khana annuhmeihei kha pase ahlop-hei hneng kapek sik jo hei. Mi rakip, akalen leh akasin in malung intheng loa sêr jongna sik antlo jo. Sânkathemhei leh thempuhei kapha’num mi anhōn heia kae.

ṬAJAISUINA 2:8

Zion bang kachim sik kha Rōngpu’n amantluksa jo kae; Pui katluk a manhmangna sik a ama’n tena anei jo kae. Bang leh inn inshâng hei kha tunchu inhmanga ka-omsap jo hei.

ṬAJAISUINA 3:3

Khana ave-avea lungsetna kasea avōk eng.

ṬAJAISUINA 5:11

Zion Tlâng khet a kannuhmeihei ansur heia ansetpui hei; Judah khō rakip a kansa nuhngâk-hei anhnōmna sik a rumhrat a anmaṭhit hei.

ṬAJAISUINA 5:2

Kankarōi hi miram mihei kut a ka-om jo; miram mihe’n kan-inna ka-om jo hei.

ṬAJAISUINA 5:3

Kanpahei kan-inrepui he’n anthat jo hei, khana tûn kannuhei renghmei kachang jo hei.

EZEKIEL 35:3

Chunghnung Rōngpu ke’n kahri hi mipui manthei hei roh: “Edom tlâng, kei hi nang kadōi eng kae! Ke’n nang ramkarōk kamanchang sik che.

EZEKIEL 7:24

Hinahin jât kaṭhamak pen hei kha kaheiṭhōi sik hei khana nan-innhei kha anchen sik hei. Ke’n jât-hei kha nankamukna hmun heia kaheiṭhōi manhlut hei pha, nanmi ratha kaneipen hei kha an-in ngamna inhmangsō sik jo.

MICAH 2:4

Khava pha kha ahong pha, mihe’n nangni thuhming kha inrengna tekhing inkhat a anhmang sik, nangni taleithōk chungchânga hiva inrengna hla hi anmani’n anhongsak sik: Keini inhmang cher jo ung! Rōngpu’n kanram alopek jo ung Keini rehringa anikasur hei hneng apek jo ung.”

ZEPHANIAH 1:13

Annei ansum mi’n anchom sik khana an-innhei sukmathlek sik hei kae. An-inn sakna shunga khan anmani om tor mak hei ning khana anvomhrui lingna rahōnna inphut theitui inmak hei ning.”

ZEPHANIAH 1:4

“Jerusalem leh Judah mi rakip kakarâk sik hei. Baal kamukna kha a’nchaina sik a kasuk manhmang sik, khava razenna kanei thempuhei kha tûte inkhat in mandonsōt mak jo hei ning.