JEREMIAH 52:3 - LEKHARABU INTHENG (BSI)

³ Rōngpu’n Jerusalem leh Judah chunga ahnuk kana reia ahmit hmua inphut ahnong sōt heia kae. Zedekiah’n Babylon reng Nebuchadnezzar dōina re aleitlo,

JEREMIAH 52:3 ပူးပေါင်းရင်းမြစ်များ

A’NPHUTNA 4:14

Nahmai kunga inphut khana ram hinna inphut nahnong sōt jo eng. Raleichunga inn leh hlei kaneimak kachang sik jo enga kha kalôn lele sik jo eng. Kei ani kahmu sōt mi rakip in anthat sik jo eng.”

A’NPHUTNA 4:16

Hivasōa Rōngpu hmaikunga inphut Cain kha ram kahlatak a kasesōt jo. Ama’n Eden nisō intongting “Lôn lelena” inti ram a khō avasât jo.

SAMUEL INHNINA 24:1

Rōngpu kha avea Israel chunga ahnuk kana jo, khana David kha ankasu inrim sik a amathok nôk jo. Rōngpu’n ahnenga ati, “Se in a-Israel leh Judah mi aja tei hei roh.”

RENGHEI INKHATNA 10:9

Rōngpu na-Pathen kha manpâk a om rasoh! Ama’n nang Israelhei reng amanchangna che chunga heituk a akatlai mo ti amalâr. Ajârchu Israelhei chunga alungsetna hi ahei tik a sik a kae, dân leh akadik kha nahmangna sik a anmani reng amanchang che kae.”

RENGHEI INHNINA 17:18

Rōngpu kha Israel chunga ahnuk kana, ahmai kunga inphut hmunhlop a ahnong sōt jo hei, Judah rengram rōk aṭhen a kae.

RENGHEI INHNINA 17:20

Rōngpu’n Israelhei seng kha hnōm mak jo hei, karâkna apek hei, êngkase inrepuihei kut a apek sōt hei, achaina chu ahmai kunga inphut ahnong sōt jo hei.

RENGHEI INHNINA 17:23

Achaina chu Rōngpu’n atlo sik seng kha, asōk sânkathemhei vânga aleigîk dek hei kapōa, ahmai kunga inphut ahnong sōt jo hei. Khava jâra Israel mipuihei kha Assyria ting rekahringa ankei jo hei, khana khan tuning katlung laka-om hei.

RENGHEI INHNINA 24:20

Rōngpu’n Jerusalem leh Judah mihei chunga ahnuk kana reia ahmit hmua inphut ahnong sōt jo hei.

THUHMINGHEI INHNINA 36:13

Zedekiah khan Reng Nebuchadnezzar chunga adōi jâra ama’n Zedekiah kha rumhrat tak a ṭongpek ajuina sik a Pathen rahminga inhâksêrna amanneia kae. Ama khan Rōngpu Israel Pathen hneng ahong inhe sik leh malung athleng sik kha rahe kasetak a leihnōm mak.

EZRA 4:15

napu, napa hei phat a anta leimazet lekhahei kha manjongsōt hei roh. Khanga natlo’nchu, hiva khōpui hi re katlohrat khana tenlaia inphut renghei leh ramṭhen vaikarônhei chunga khōdeng theina kapek hei kae tia nahmu sōt sik. Amihei hi ahei tik a vairôn intak heia kae. Khava jâra khōpui hi anta leisukset jo kae.

ṬONGCHÎK-HEI 28:2

Jât inkhat in setna atlo pha, anvaikarôn inthleng vângvei sik hei. Tâk-kha jât inkhat in manhret theina aneia, mandonna kanei hlamkakeihei annei pha hong kahrat a, thōkna annei tor sik.

MI INTHEIPA 10:16

Ram inkhat in arengpa kha khangdông achanga khana aram vaikarônhei khan jânsôt rehōi antlo’nchu khōdeng theina adea kae.

ISAIAH 19:4

Ke’n Egypt mihei kha ankasu inrim sik, anchunga vai karôn sik êng kasetak reng inkhat kut chunga kapek sōt sik hei. Akahrat Rōngpu ke’n kahri kae.”

ISAIAH 3:1

Tûn, Rōngpu, Chunghnung Rōngpu’n Jerusalem leh Judah a inphut mihei inngaina rakip hei kha alosōt sik jo hei. Ama’n anbu leh antui,

ISAIAH 36:5

Ama’n ader, “Ṭonga inbektōa hri hnâm hin rekahrat rekathem inchangsak tor sik tia mo namandon. Khavakha ahnemna kase kae. Assyria inrepuina sik, tu’n mo nang a’nthōpui sik che?

JEREMIAH 15:1

Khana Rōngpu’n kahnenga ahri, “Moses leh Samuel hei kapha’num hin anngira kahnenga anmani sik anngek inum, ke’n hiva mihei chunga lungsetna inkhatbek manhmu mak jo hei ning. Manse jo hei roh, kahmit hmua inphut mansesōt jo hei roh.

JEREMIAH 7:15

Ke’n nan-innkō Israel mipui kalei hnongsōt hei kapōa, kahmit hmua inphut nangni kahnong sōt sik chei kae. Rōngpu ke’n kahri jo kae.”