JEREMIAH 52:27 - LEKHARABU INTHENG (BSI)

²⁷ aka-om Babylon rengpa hneng aleiṭhōi hei. Khana khan rengpa’n amanvōk heia amanthat jo hei. Khang’khan Judah mihei kha anrama inphut rehringa ankei jo hei.

JEREMIAH 52:27 ပူးပေါင်းရင်းမြစ်များ

SAMUEL INHNINA 8:9

David in Hadadezer remi rakip atorpek hei kha Hamath rengpa Toi in athei jo.

RENGHEI INHNINA 17:20

Rōngpu’n Israelhei seng kha hnōm mak jo hei, karâkna apek hei, êngkase inrepuihei kut a apek sōt hei, achaina chu ahmai kunga inphut ahnong sōt jo hei.

RENGHEI INHNINA 17:23

Achaina chu Rōngpu’n atlo sik seng kha, asōk sânkathemhei vânga aleigîk dek hei kapōa, ahmai kunga inphut ahnong sōt jo hei. Khava jâra Israel mipuihei kha Assyria ting rekahringa ankei jo hei, khana khan tuning katlung laka-om hei.

RENGHEI INHNINA 23:27

Rōngpu’n ati, “Israel chunga kaleitlo kapōa Judah chunga’m katlo sik: Judah mihei hi kahmit en rekhat a kada sik hei, khana ke’n kakadeisōt khōpui Jerusalem khana kei kamukna sik a hmun kalei ti jo Bek-inn kha kahlonsōt sik hei.”

ISAIAH 24:3

Raleichung hi suk manset leh inhmanga ka-om sik. Rōngpu’n ahri jo kha atlosōt sik kae.

ISAIAH 27:10

Kur kekhum khōpui kha sukset a ka-om jo. Khōpui kha ramhâng kapōa dahlon jo kae. Shahei phi sâkna leh jena ramhâng kachang jo.

ISAIAH 43:28

Khana navai karôn he’n kei hmun intheng anmanchok a kae. Khava jâra Israel chunga suk manhmangna kha kahei rôn kae; kami khet hei inzakna kha kamasō kae.”

JEREMIAH 13:19

Judah thlâng tinga khōpuihei ankakekhumsō jo hei; tûte tlânsōt tor mak jo hei. Judah mi rakip rekahringa anṭhōi jo hei.”

JEREMIAH 20:4

Rōngpu khet in ahri, “Ke’n nang nabi binga leh naṭhōnhei ṭit-inpirna kamanchang sik che, khana nang in mi rakip an-indōipui he’n chemjâm vâng antathatsō hei kha nahmu sik. Judah mi rakip Babylonhei ratha neina thōia kada sik hei; ama’n ṭhahrep athat sik hei, ṭhahrep rehringa aramting aṭhōi sik hei kae.

JEREMIAH 21:7

Tâk-kha nang sik a chu, naṭōn karônhei, khana rea, vonṭâma, hrisea a’nphesōt heia akahring hei sik a chu, Reng Nebuchadnezzar leh nang kathat hnōm naremi kalen he’n ansur sik chei. Nebuchadnezzar in nang athat sik che. Ama’n nangni inkhatbek chunga lungsetna, maritna, lungkhamna neimak chei ning. Rōngpu, ke’n kahri jo kae.”

JEREMIAH 39:10

Ama’n Judah ram a khan saraber, heite kaneimak hei kha adahlon hei, vomhrui rahōn leh hlei apek hei.

JEREMIAH 39:9

Atorna pena, Nebuzaradan, rehlam kakeipenpa khan khōpuia alaka-om mipuihei kha leh ahnenga aheikahlut hei seng kha kurkhum a da sik a Babylon ting akei jo hei.

JEREMIAH 52:9

Reng Zedekiah kha Hamath ram shunga Ribla khōpuia aleika-om Reng Nebuchadnezzar hneng anleiṭhōi, khana khan Reng Nebuchadnezzar in Zedekiah karâkna ṭong amathlâk a kae.

EZEKIEL 33:28

Ram kha ramkarōksaia kada sik, khana anratha neina an-inlensakna kha’m kamanchai sik jo. Israelhei tlânghei kha ramse kachang sik a kha tûte inkhat petan tor mak hei ning.

MICAH 4:10

Jerusalem mihei, nuhmei naiha kaphu kapōa inlet ruh inkōi ruh, ajârchu nangni’n khōpui kha nanda hlona ramhânga aka-om sik jo chei kae. Nangni Babylona kase sik chei, tâk khana khan Rōngpu’n nangni nanka-en kada heia inphut ahuk sik chei.

DÂNRABU INHNINA 28:36

“Rōngpu’n nangni leh nanrengpa kha nangni leh nanpu-nanpahei leiom hêrmakna hmun ram hlopting aṭhōi sik chei; khan thing leh hlunga a’nsyem pathenhei nanrazen sik hei.

DÂNRABU INHNINA 28:64

“Rōngpu’n jât rakip kâra akathek manvai sik chei, ralei bângna inphut abângna inkhat a, khan nangni leh nanpa-nanpu he’n anta leikamuk jenmak pathenhei, thing leh hlunga a’nsyem pathen nanrazen sik hei.

DÂNRABU INHNINA 4:26

Ke’n marvân leh ralei sâkhi sik a kabek hei khachu, nangni’n kaṭong nanjuimak inchu ram a inphut inranga a’nhmang sik chei kae. Nanta hlō sik Jordan rekhat a ram a khan nangni akasôt om mak tin chei.