JEREMIAH 51:8 - LEKHARABU INTHENG (BSI)

⁸ Babylon kha manhret manloa katlu jo khana sukset jo kae! Achunga ṭajai sui ruh! A’ntônna bia kano sik hlei vajongpek ruh, damthei um aja a kae.

JEREMIAH 51:8 ပူးပေါင်းရင်းမြစ်များ

ISAIAH 21:9

Manhret manloa, hinting anmani kahong jo hei! Shakor kachōng inhni-hnia re kahngâkpa khan ṭong kha amathlung jo, “Babylon kapûr jo! Antakamuk limsyem rakip raleia inchek-chaia ka-om jo hei,” ati.

ISAIAH 47:11

Mahâmsetna nachunga jōng katlung sik, nahmitphe dôi inkhatbek in khâmtor mak ning. Inhmangna kha manhret manloa nachunga jōng katlung sik, narahmanga nalahmu mak inhmangna kae!

ISAIAH 47:9

Tâk-kha pha khat a, ni khat rōk a, hihei seng hi hong kasōk sik. Nang in hmitphedôi khaseng nahmang inum napuise leh nasahei inhmang sik hei.

JEREMIAH 46:11

Egypt mihei, Gilead a vase ruh, khana hlei leh ai vajong ruh! Nanhlei leh ai rakip hnemna kase kachang jo hei; heite inkhat in amandam tor mak chei ning.

JEREMIAH 48:20

Anmani’n anmasôn sik chei, ‘Moab katlu jo, ama sik a ṭap ruh, hmaimôk inpek jo. Arnon Tuidung panga khōtlâng ôn ruh, Moab sukset kachang jo vati ruh.’

JEREMIAH 48:31

Khava jâra kei Moab ram a aka-om rakip leh Kir Heres a mihei sik a kaṭap sik eng.

JEREMIAH 50:2

“Ṭong hi jât-hei hneng manthei hei roh! Phôngsōt roh! Ṭong hi amerchîkna pek roh khana phôngsōt roh! ip a damak roh! Babylon katlu jo! Apathen Marduk kha suk mathlâk a ka-om jo. Babylon limhei kha anhmai manjûm jo hei kae; amanu mater ka-om limhei kha suk rabun jo hei kae!

JEREMIAH 51:41

Rōngpu’n Babylon chungchânga ahri, “Vânhnōi ralei pumpui tamanpâk khōpui kha re tuk a mihe’n anhlō khum jo. Jât-hei hmit-enna heituk a Babylon kha enngam ka-om mak jo mo!

JEREMIAH 8:22

Gilead a hlei leh ai om mak mo? Khana khan thempu om mak hei mo? Khan chu, heisa mo kamihei akadam mak jo hei?

EZEKIEL 30:2

Ama’n ati, “Akathithei mihring, Chunghnung Rōngpu ke’n kahri ṭong hi sânsōt roh khana phôngsōt roh. Hiva ṭonghei hi ông pum a nahri sik kae: Ṭit ka-om kani kha kajōng jo!

DANIEL 5:24

Khava jâra Pathen in hiva ṭonghei hi inzet sik a kut hi ajōngtir kae.

DANIEL 5:31

khana akum 62 katluk jo, Medehei reng Darius in reng ratha neina kha amatu jo.

NAHUM 3:19

Nanat intônbi mandamna sik om mak, nakôkna bi kha dam tor mak jo. Nang sukkhōina ṭong akathei rakip in inpâk a ankut ankaben. Abângna kase narahe-setna inphut tu mo inkhat a’nphesōt jo aka-om mo?

ṬONGPHÔNG 14:8

Ngeva 2 tlukna khan hma-inkei kha ahei juia ahri, “Amanu katlu jo! Babylon kalen kha katlu jo! Amanu’n mi rakip aju apek heia aman in hei, ama juhning, hurna ju kha kae!”

ṬONGPHÔNG 18:2

Ama’n rasa inhnaktak a a-ôn: “Amanu katlu jo! Babylon Kalen kha katlu jo! Amanu kha tûnchu a’nthengmak rathla ravaihei kha’n anhnong jo; a’nthengmak mater ka-om va rakip omna kachang jo.