JEREMIAH 51:51 - LEKHARABU INTHENG (BSI)

⁵¹ Nangni’n nanti, “Keini hi hmaimôkna kanchen jo khana inzakna anpek jo ung; heite inthōpui kaneimak kachang jo ung, ajârchu ram hlop mihe’n Bek-inna hmun intheng hei anhlōsō jo.

JEREMIAH 51:51 ပူးပေါင်းရင်းမြစ်များ

HLAHEI 109:29

Kei inrepuihei kha inzakna’n makhu hei rasoh; inzakna kha zakkō kapōa inhak hei rasoh.

HLAHEI 71:13

Ani kabuhlu hei kha hmaimôkna leh inzakna chen hei rasoh! Kei kasukset sik a akatlohei kha inzakna leh hmesetna chen hei rasoh.

HLAHEI 79:1

Eh Pathen, jât-hlop he’n naram re anhongsō jo, nabek-inn intheng kha anmanbōk jo, Jerusalem kha anmanset chera andahlon jo.

HLAHEI 79:12

Rōngpu, jât he’n inzakna antapek che kha aja saria male hei roh.

HLAHEI 79:4

Kansir kanpanga ka-om jât he’n inzak anpek ung; anmanuisō ung, sem anmanlo ung.

HLAHEI 89:46

Rōngpu, ahei tik a a’nthup sik che mo? Heitik katlung mo nahnuknat kha hmei kakâng ka-ang ṭhak sik?

ISAIAH 13:1

Hivahi Babylon chungchânga Amoz sapa, Isaiah in Pathena inphut ṭong thangkōi arahlâng kha kae.

ISAIAH 14:1

Rōngpu’n ami Israelhei avea vōi khat alungset nôk sik hei khana ata kachang sik a akadei sik hei. Ama’n anrama ka-om sik a aheiṭhōi male nôk sik hei, ram hlop mihei leh anmani ka-omsap sik a kahong sik hei.

ISAIAH 21:1

Babylon chungchânga ṭong kha hi kae. Nêrdiram kapetan thlisip inher kapōa, ṭit ka-om tak ram a inphut suk manhmangna kha kahong sik.

ISAIAH 47:1

Rōngpu’n ahri, “Babylon, nalen in-ongna inphut jōng ṭum roh, raleia vaiphin kâra in-ong roh. Nang pha khat a nuhngâk intheng inkhat kapōa, mi’n re antator mak khōpui che kae, tâk-kha nang akadông neng leh a’nnêm neng kha changsôt mak jo che! Tûnchu nang sōk kachang jo che!

JEREMIAH 14:3

Mikanei he’n ansōk hei tui kajong sik antir hei, anmani tuikhura kase hei, tâk-kha tui hmumak hei; anmani antuibe karōk a he’nle hei. Katlasam hei inhmak hei, anhmai anmakhua ka-om hei.

JEREMIAH 31:19

Keini nanga inphut a le’nhesōt jo ung, tâk-kha inrangtak a he’nle hnōm jo ung. Nang in karâkna napek sō jo ung pha, kanmalung inrima kanlu kanmankun. Keini hnōise kanchen, inzak ung ajârchu kansinlai khan leikaset jo unga kae.’

JEREMIAH 52:13

Ama’n Bek-inn, reng-innpui, Jerusalema ṭōnpui karônhei inn aro mathlâk jo hei;

ṬAJAISUINA 1:10

Amanu inrepui he’n akarōi buk rakip anchomsō jo. Anmani’n Bek-inna anheihlut kha ahmu hei, Rōngpu’n jât-hlop heihlut sik ahnōm makna hmun akhan.

ṬAJAISUINA 2:20

O Rōngpu enroh! Heisa mo hinghrep a nakarâk ung? Nuhmei he’n antalungset ansahei taksa kha ansâk jo! Thempuhei leh sânkathemhei kha Bek-inn shung khet a anthat jo hei!

ṬAJAISUINA 5:1

O Rōngpu, kanhnenga akasōk hi mandonsōt roh, Ajōng en ung ina, kan-inzakna hi ahmupek ung roh.

EZEKIEL 24:21

hiva ṭong hi nangni Israelhei hneng hripekna sik a: Bek-inn ratha neina chunga nangni inlensak chei. Nangni’n khavakha nan-enhnōm khana nanvaphâk hnōm, tâk Rōngpu’n khavakha amanbōk sik. Khana Jerusalema ka-om nan-innshunga khangdônghei kha re shunga that sik hei kae.

EZEKIEL 36:30

Nanthing kung leh nanhlei kara kamanpung sik, jât-hei kâra nuisō nanchen makna sik a vonṭâm dena om nôk mak ning.

EZEKIEL 7:18

Borapōn invon sik hei khana ahei tik a antaksa innok sik hei. Anlu anvo sik, khana ankhengpet a hmaimôkna anchen sik.

EZEKIEL 9:7

Pathen in anhnenga ati, “Bek-inn kha manbōk jo ruh. Kathi kalōng vânga tetlâng kha mansip ruh. Ṭōn phut jo ruh!” Khava jâra khōpuia mihei kha anthat manphut jo hei.

DANIEL 11:31

Aremi ṭhahrep in Bek-inn ansukset sik. Anmani’n ani tina inthoinahei anmanbâng sik, khana ṭit ka-om tak omchen anmasō sik.

AMOS 7:9

Isaac sōn leh pârhei kamukna hmunhei kha suk manhmanga ka-om sik. Israelhei hmun intheng hei kha a’nhmang chera dahlona ka-om sik hei. Ke’n Jeroboam phung hrui kha kamanbâng sik jo.”

MICAH 6:16

Hiseng hi kasōk sik, ajârchu nangni’n Reng Omri leh asapa Ahab omchen kaṭhamak kha nangni’n nanjuia kae. Nangni’n anmani mantlukna hei nantlo manjôna kae, khava sik a nangni kamanhmang sik chei, khana mi rakip in anhnōise sik chei. Hmun rakip a mihe’n mater tak a antlo sik chei.”

MICAH 7:10

Khavakha kankadōi, “Rōngpu nan-Pathen khon mo ka-om jo?” tia ani kader kankadōi mama hei kha’n anhmu sik khana inzak sik jo hei. Hlam a bōnthlōk kapōa chōnnek a, tor a anka-om kha kanhmu sik hei.