JEREMIAH 51:5 - LEKHARABU INTHENG (BSI)

⁵ Israelhei A’ntheng Inkhat, kei dōina Israel leh Judah he’n antlo jo’num Chunghnung Rōngpu Pathen ke’n dahlon mak hei ning!

JEREMIAH 51:5 ပူးပေါင်းရင်းမြစ်များ

RENGHEI INKHATNA 6:13

Nang in nasyemsōt Bek-inn shunga kamihei kâra ka-om sik eng, khana ke’n dahlon hêrmak hei ning.”

RENGHEI INHNINA 21:16

Manasseh’n ṭhena kaneimak mi hingja athat heia Jerusalem hlamdung heia thisen amanlōng, hivahi Judah mihei limsyem kamukna aṭhōi hei chungchôna atlosa kha kae, khana Rōngpu dōina setna amantlo hei kha kae.

EZRA 9:9

Keini sōk leikachang ung, tâk kansōk changna khan adahlon mak che. Nang in Persia rengkalen kha lungset namanrôn ung khana akahring sik a leh suk manhmanga aka-om jo nabek-inn akasyemther sik a khana Judah leh Jerusalema inhukna kajong sik a nahnōm pek ung.

HLAHEI 94:14

Rōngpu’n amihei kha dahlon mak hei ning; ama tahei kha donloa damak hei ning.

ISAIAH 44:21

Rōngpu’n ahri, “Israel, hivahi mandon roh; nang kasōk che kae mandon roh. Nang kasōk sik chea kasyem che kae, khana ke’n nang mahngi hêrmak che ning.

ISAIAH 51:15

“Kei nan-Rōngpu Pathen eng kae; Ke’n tui-ôngpui kakachok atui in-nông kha rasa kamantlira kae. Karahming kha Chunghnung Rōngpu kae!

ISAIAH 62:12

Nangni “Pathen Mi Intheng hei,” “Rōngpu Tahuksōt mihei,” tia anbek sik jo chei. Jerusalem kha, “Rōngpu Talungset Khōpui,” “Pathen Tadahlon mak Khōpui,” inti sik jo.

JEREMIAH 14:19

Rōngpu, Judah hi pui katluk a nahlon sōt jo mo? Zion mihei hi namater jo hei mo? Keini kandam tor makna sik hrep a heisik a mo sungbi namanrôn ung? Keini’n mōngna sik kan-en, tâk heite akaṭha sōk mak; keini’n damna sik a inhōr ung, khava nek a, ṭitna jôk kahong.

JEREMIAH 14:9

Heisa mo nang hi mi inkhat manhret manloa antasur jo kapōa, inthōpui torna ratha kaneimak remi inkhat kapōa aka-om che? Kadik khet a, Rōngpu nang in na-ompui ung! keini nami ung kae; keini adahlon mak roh.’”

JEREMIAH 16:18

Ke’n ansetna leh anṭhatmakna jâra chen inhnia karâkna kapek sik hei, ajârchu karamshung hi akahringmak jo taksa kalōng kapō, anlimsyem hei khan anmanbōk jo khana akadik mak an-pathenhei kha anmansipsō jo.”

JEREMIAH 19:4

Ke’n hivahi katlo sik kae ajârchu mipui in kei andahlon enga hiva hmun a hin pathen ralak hnenga inthoina antōk a anmanbōk jo, anmani leh anpu anpa he’n khana Judah reng he’num antamanhret phakmak pathenhei hnenga inthoi hei. Hiva hmun hi khō inhret mak hei thisen vâng anmansip phet jo,

JEREMIAH 23:15

Khava jâra Akahratpen Rōngpu ke’n, Jerusalema sânkathemhei chungchânga kahri kae: anmani tasâk sik a ramsai kakhatak, leh tûr anta-in sik a kapek sik hei, ajârchu anmani’n ram pumpuia khōvel omchen kha ramtina anmanpung joa kae.”

JEREMIAH 31:37

Ni khat bōirōk hi tesōt torna a-om pha, khana raleichung inhngatna kung jongsōt tor achang ning, khava pha rōk a khan Israelhei kha anṭōn tlohei rakip jâra khan ahlon sōt sik hei kae. Rōngpu’n ahri jo kae.

JEREMIAH 46:28

Kei nanhnenga kahong sik eng khana kahuk sik chei. Ke’n nangni kaman chek-chaina chei ram a jât rakip hei kha kasuk manram sik hei, tâk-kha nangni chu manhmang mak chei ning. Nangni karâkna pek loa damak chei ning, tâk-kha karâkna kapek chei pha, kadâitak a katlo sik. Rōngpu, ke’n kahri jo kae.”

JEREMIAH 50:20

Khava pha kha ahong pha, Israel shunga setna inti inhmu mak jo ning khana Judah shunga ṭhatmak om mak jo ning, ajârchu ke’n hringkhō kaṭhen pek jo mihei kha karangei mandam sik jo hei. Rōngpu ke’n kahri jo kae.”

JEREMIAH 51:19

Jacob Pathen khachu, anmani kapō changmak; ama chu heirakip kasyempa kae, khana Israelhei hi ama mikhet sik a akadei jo hei kae. Chunghnung Rōngpu kha arahming kae.

EZEKIEL 8:17

Rōngpu’n kahnenga ati, “Akathithei mihring, khavakha nahmu mo? Hiva Judah mihei hi nang in hina nahmu jo mater ka-om omchenhei hi antloa ram shunga intuk inthatna antamanpung rōk hin tlai tor mak hei. Changmak, anmani hiva Bek-inn shunga kapha lakahong nger sik heia kha khanga anvatlo hi sik a kae, khana kahnuk antamannat chet hi sik kae. Enroh, kei dōina heituk a akaethei chenna inzak antapek jo eng mo!

EZEKIEL 9:9

Pathen in amasôn eng, “Israel leh Judah mihei ṭit ka-om tak setna ṭhena kha antlo jo. Ram pumpui shunga mi anthat jo khana Jerusalem hi tloṭhena vâng rōk a anmansip jo. Rōngpu ke’n anram kadahlon pek heia, anmani hmumak jo hei eng tia anmani’n anti.

HOSEA 1:10

Israel mihei kha tui-ôngpui nêrdi kapō hongkachang sik hei, tei torlo leh tetor mak hongkachang sik hei. Tûnhin Pathen in anhnenga, “Nangni kami changmak chei,” ati, tâk-kha anhnenga, “Nangni akahring Pathen sa chei kae,” atina pha kha lakahong sik!

HOSEA 2:1

Khava jâra na-Israel changpui hei kha, “Pathen mihei” leh “Rōngpu talungset hei,” ti jo hei roh.

HOSEA 2:3

Ama’n abângmak inchu ajōng intet ninga kapōa akarōkpet a kada sik kae. Ama kha ram kachâr heite keklo inkhat kapōa kaman om sik, tui kahrea kathi sik.

HOSEA 4:1

Hiva ram a ka-om mihei chunga Rōngpu’n mô pekna inkhat anei. Israel, kaṭong hri hi rangei roh: “Ram shunga hin hlamrinna, khana inlungsetna om mak a kae, khana mipuihei hin kei hi Pathen tia ahnōm mak hei.

HOSEA 4:2

Anmani’n intepna hei ansyem khana anvōkkhōi bât; maleisei, mithat, inru, jông leh kik antloa kae. Invōk-inthat hong katam jo, mihring inthat hi inkhat bânna inkhat hong kapung jo.

MICAH 7:18

O Rōngpu, nang kapō Pathen lak om mak; akahringa ka-om namihei setna narangei mandam pek hei. Are-rea sik hnuknat pum a om mak che, tâk nalungsetna injônjet kha keini manhmu sik a inpâk che.

MICAH 7:20

Tenlaia kanpu kanpahei hneng naṭong leitepna kapōa, Abraham leh Jacob sōn leh pârhei, namihei hneng nalungsetna injônjet leh taksenthei nachangna kha namalârpek sik jo hei.

ZECHARIAH 12:6

“Khava pha, Judah phung mihei kha ram a achangmak leh hleipuk a sâng kahmin kâra hmei kasûk kaman-ang sik hei, ankimvea ka-om jât-hei ansuk manhmangsō sik hei. Jerusalem mihei khachu khōpui shunga huksōt a ka-om sik hei.

ZECHARIAH 12:8

Khava pha Rōngpu’n Jerusalema ka-om mihei kha ahuk sik jo hei, ankâra akatlasam pen kha’m David kapōa kahrat sik jo. David sōn leh pârhei khan Rōngpu ngevahei kapōa, Pathen kapōhrep a hlam ankei sik jo hei.

ZECHARIAH 2:12

Judah hi vōi khat nôk aram intheng shunga Rōngpu karōipui lakachang sik, khana Jerusalem hi alungsetpen khōpui kachang sik.

SAMUEL INKHATNA 12:22

Rōngpu’n inthenga intepna anei, nangni dahlon mak chei ning, ajârchu nangni hi ama mi manchang sik cheia intluk a kae.