JEREMIAH 51:24 - LEKHARABU INTHENG (BSI)

²⁴ Rōngpu’n ahri, “Nangni’n Babylon leh amihei Jerusalem chunga ṭōnse antlona rakip jâra ke’n anchunga katlo malena kha nanhmu sik.

JEREMIAH 51:24 ပူးပေါင်းရင်းမြစ်များ

HLAHEI 79:10

Heisa mo jât he’n, “Nan-Pathen khon mo aka-om?” tia antader sik ung. Anmani’n nasōk-hei thisen anleimasō jâra, jât-hei karâkna napek hei kha keini’n hmu jo rung.

ISAIAH 48:14

“Nangni nankhenga hong intûp ruh khana rangei ruh! Kakadeisōt mi khan Babylon re asō sik hi, pathen lak inkhatbek in leihridek tor mak; ke’n kamantlo hnōm kha ama’n atlosōt sik kae.

ISAIAH 61:2

Rōngpu’n amihei ahukna sik Khana An-inrepuihei antorna sik Apha kha hong katlung jo tia kaphôngle sik a ama’n kei atir eng Ama’n kei malung inrima ṭajai kasui hei lungmōng kathlâk sik a atir eng.

ISAIAH 66:6

Rangei ruh! Khōpui shunga kare inhrek, Bek-inn shunga rasa so Rōngpu’n akadōihei karâkna apekna rasa kae!

JEREMIAH 25:14

Ke’n Babylonhei kha antlona kara kha kapek male sik hei kae, khana jât-hei leh rengkalen he’n ansōk anmanchang sik jo hei.’”

JEREMIAH 50:10

Babylonhei kha anchom sik hei, mikachom hei khan antamadu seng kha an-inrôn sōt sik jo. Rōngpu ke’n kahri jo kae.”

JEREMIAH 50:15

Khōpui kimvea hranhla ôn ruh! Tûnchu Babylon insira heikahlut jo. Akur rape bang kachim jo khana inset jo. Ke’n Babylonhei chunga phu kahlō kae. Khava jâra anchunga nanphu kha hlō ruh, anmani’n mihlop hnenga antatlo kapōhrep a anchunga tlo ruh.

JEREMIAH 51:11

Rōngpu’n Babylon sukset sik a a’ntluk jâra, Media renghei akachok jo hei. Abek-inn anmanset jâra anchunga phu ahlō sik kha, khava jo kha kae. Re kabuhlu ṭōnkarônpa khan ṭong apek, “Nanthe katât man ngei ruh! Nanpho hei mantluk ruh!

JEREMIAH 51:23

kemōng kakhemhei leh ankemōng rup thatna, hlei kakhōi hei leh antahmang shakorhei thatna, khana vaikarônhei leh ṭōnkarônhei vōk manchipna sik a kaleihmang che kae.”

JEREMIAH 51:35

Zion mihe’n hinga hri hei rasoh, “Kanchunga rethat mithat antlo jâra Babylon chunga mô ṭumna kha tlung rasoh!” Jerusalem mihe’n hinga hri hei rasoh, “Keini’n inrengna kanthōk jâra Babylon chunga mô ṭumna kha tlung rasoh!”

JEREMIAH 51:49

Babylon in vânhnōi ralei mihei thina amasō, khana Israel mi katamtak hei thina amasō jâra tûnchu Babylon hi akatlu sik kae. Rōngpu ke’n kahri jo kae.”

JEREMIAH 51:56

Anmani Babylon kasukset sik kahong hei; anremihei kha ansur hei, khana anthe ansai hei ansuk thlek pek hei. Kei hi akaṭhamak karâkna kapek, Pathen inkhat eng kae, arahōi kasōk hrep a Babylon chunga ṭōn katlo sik.

ṬAJAISUINA 3:64

“O Rōngpu! anmani antōntlo dungjuia karâk hei roh;

ṬONGPHÔNG 18:20

Amanu inhmang jâra marvân inpâk ruh! Pathen mihei, sânkathemhei leh sonlehei, inpâk jo ruh! Ajârchu amanu’n nanchunga aleitlona dungjuia Pathen in achunga masetna apek jo kae!

ṬONGPHÔNG 18:24

Pathen mihei leh sânkathemhei thisen kha khōpuia khan a’nhmusōt jâra Babylon kha karâkna apek kae; kadik, raleichunga antathat rakip hei thisen kha khan inhmua kae.

ṬONGPHÔNG 6:10

Anmani’n rasa inhnaktak a an-ôna, “Akahratpen Rōngpu, a’ntheng leh akadik! Keini anthat ung jâra ralei mihei chunga ṭong natan sik leh nakarâk sik hei kha heituk mo alakasôt sik?” anti.