JEREMIAH 51:2 - LEKHARABU INTHENG (BSI)

² Thli’n sapôt asêm manjōng kapōa, Babylon kasuk inhmang sik a ram hlop mi kajōngtir sik hei. Khava kani kha ajōng tlung pha leh, anmani’n arakir rakip a anhei buhlu sik khana ram kha akarōk hêra andahlon sik.

JEREMIAH 51:2 ပူးပေါင်းရင်းမြစ်များ

ISAIAH 41:16

Nangni’n thli chunga nankathok sik hei; thli’n anmani kha atlen sik jo hei. khana thlipui thlihrem in asêm kachek sik jo hei, Khava pha nangni inpâk sik jo chei ajârchu kei nan-Pathen eng kae; Israel Pathen intheng kei hi nanchoi ka-ân sik jo eng.

ISAIAH 43:14

Israel Pathen intheng, nakahuksōt Rōngpu’n ahri, “Nang huksōtna sik Babylon kadōi sik remi kajōngtir sik; ke’n khōpui sōngkot kanam khōi sik, khana anmipuihei ôngna kha ṭapna kamanchang pek sik hei.

JEREMIAH 15:7

Ram shunga khōpui rakip a ke’n sapôt kapōa thlihrâng kâra kakathek chei. Kami nangni kasuk manset chei, nansahei kathat hei ajârchu nanṭhat makna hlam hro kha bângmak chei. Ke’n nansahei kathatpek chei.

JEREMIAH 50:29

The leh sai kachoihei kha Babylon anbuhluna sik a manthei hei ruh. The leh sai kathem mi rakip tirsōt hei ruh. Babylon khōpui kha ûmsi ruh, tûte masō mak hei ruh. Aleitlona kha ahnenga tlo male ruh, milak arazen hei kapōa ama razen ruh, ajârchu Israelhei A’ntheng Inkhat, kei dōina inlensaktak a omchen atloa kae.

JEREMIAH 50:32

A’nlensak najât kha inpai sik a kha katlu sik, khana tûte’n nang mathōtor mak hei tin. Ke’n nakhōpuihei hmei karo mathlâk sik, khana ahneng vena neinâk rakip kasuk manhmangsō sik.”

EZEKIEL 5:12

Nami ṭhen thuma inkhat nat leh vonṭâma khōpui shunga kathi sik hei; ṭhen khat in khōpui vânga chemjâm vâng tuktan sik hei kae; khana achaina ṭhen khat kha thli kâra kachai kathek sik chei khana chemjâm vânga manlōisōt sik hei kae.

MATTHEW 3:12

Ama’n yângjâp akut a achoi, sarahmu ajâp mantheng sik, khana sâng kha sasōr shunga akhum mantûp sik, tâk sarasi hei khachu akathi theimak hmeikhur shunga ahlon manhlut sik hei.”