JEREMIAH 50:6 - LEKHARABU INTHENG (BSI)

⁶ “Kamihei kha kemōng kakhempa’n ram thōia amanhmang kemōng kapō hei kae. Anmani hlam invai heia hmebung inkhat a inphut inkhat a kalôn vaithâm hei, khana an-inn omna anmahngi joa kae.

JEREMIAH 50:6 ပူးပေါင်းရင်းမြစ်များ

HLAHEI 116:7

Kamalung inngam roh, ajârchu Rōngpu kha kei sik hingtuk hrep kaṭha jo.

HLAHEI 119:176

Kemōng inhmang kapōa kalôn-invai jo eng; khava jâra jōng ina nasōk ajōng enroh, ajârchu nadân kha heisak lo tlomak eng.

HLAHEI 23:2

Ama’n kei phi in-êmreng phaichama amanhngat eng, khana tui insimreng tuikhur kadaia aṭhōi eng.

HLAHEI 32:7

Nang chu ka’nthupna hmun che kha kae; inrim khōdeng theina inphut nahuk sik eng. Nang hukmanhringna kha hla vâng inhnaktak a kasak, ajârchu nang in nahrung eng.

HLAHEI 90:1

O Rōngpu, nang chu ahei tik a kan-inn hongkachang ṭhak che.

HLAHEI 91:1

Inhuksōtna sik a Rōngpu hneng akase rakip, Akahratpen sânsōtna thōia aka-om rakip hei khan,

ISAIAH 1:3

Se he’n ankapu anmanhret, shakōrtung he’n akapu’n phi apekna hmun amanhret. Kami Israel tamanhret kanek a antamanhret jo kae. Kamihei chu manhret ṭhak mak hei.

ISAIAH 30:15

Chunghnung Rōngpu, Israel Pathen intheng in, mihei hneng ahri, “Hong inle ruh khana kadai hngera kei ataksen ruh. Khan chu nangni nanratha kangar sik khana inhuk sik chei.” Tâk nangni khanga tlo sik kha hnōm mak chei!

ISAIAH 32:2

Anmani inkhat et kha thlipui khōpui kâra mihei inthupna leh thlihrâng pha in-ungna ka-ang sik hei. Anmani kha nêrdiram a kavadung leh ramhânga hlungpui ka-ang sik hei.

ISAIAH 53:6

Eini nikhenga kemōng hlam invai kapō kachang jo me, eini nikhenga nibing et hlam a kase jo me. Tâk-kha Rōngpu’n khava karâkna kha ama chunga amathlâk jo, eini nikhenga nichen sik a rahōi kasōk karâkna kha.

JEREMIAH 10:21

Ke’n kamasôn hei, “Nihlam kakeihei kamo hei; anmani’n Rōngpu hlamkeina sik a dermak hei. Hiva jâra hin antator mak kae, khana nimihei inthek inchai jo mea kae.

JEREMIAH 13:16

Rōngpu nan-Pathen kha kaja ruh, ama’n khō amanthim mak hma hin, khana tlângbung heia nan-inpai mak hma hin; nan-inhōrna vâr kha khō inthimpak amanchang pek mak hma chei hin.

JEREMIAH 2:20

Chunghnung Rōngpu’n ahri, “Israel, nang in phat kasôttak karatha neina chunga heihnōm mak jo che. kaṭong hi juihnōm mak che khana akamuk hnōm mak che. Tlâng inshâng chung rakip a thingkung ka-êm thōi rakip a, vonchoina pathenhei kha nakamuk joa kae.

JEREMIAH 2:32

Nuhngâk inkhat in aret rangkachek achangmak leh hmōi inkhat in luhôngna ret amahngi tor mo? Tâk-kha kami he’nchu tei torlo kania inphut anhei mahngi jo eng.

JEREMIAH 23:1

Rōngpu mihei kasukset a ankavor inchek vaikarônhei chunga Rōngpu ṭong tan sik hi heituk a ṭit ka-om mo!

JEREMIAH 3:23

Hmebung chunga keini limsyem kamukna khan keini heite abômmak. Israel sik a inthōpuina khachu Rōngpu kan-Pathena inphut rōk kahonga kae.

JEREMIAH 3:6

Reng Josiah’n reng achanglai, Rōngpu’n kahnenga ahri, “Taksenthei kachangmak nuhmei, Israel tatlo hei hi nahmu mo? Amanu kahnenga inphut kasesōt jo, chingbung inshâng heia khana thing bur rakip hnōia noti kachanga kae.

JEREMIAH 33:12

Chunghnung Rōngpu’n ahri, “Hiva ram, nêrdiram kapō, mi leh sha om makna hmun a hin, kemōng kakhem he’n ankemōng khemna sik ramhâng alaka-om sik kae.

JEREMIAH 50:17

Rōngpu’n ahri, “Israel mihei kha, shabakkai in ahnong kachek kemōng kapō hei kae. Hmapena, Assyria rengkalen in abuhlu hei, khava sōa Babylon Reng Nebuchadnezzar in anru asekhōi pek hei.

JEREMIAH 50:19

Ke’n Israelhei anram kamanhlō nôk sik hei. Anmani’n Carmel Tlânga kakek, khana Bashan tinga bu leh thlai ansâk sik khana Ephraim leh Gilead ram a akakek sachi hmuchi rakip antamadu chen a ansâk sik.

EZEKIEL 13:10

“Heirakip kaṭhapet antia kamihei sânkathem he’n hlamlea anṭhōi hei. Heirakip akaṭhapet chu chang hêrmak! Kami he’n hlung kaṭha inmat loa bang kha ansyem khana sânkathemhei khan sunu vânga ankano makhu.

EZEKIEL 34:14

Tlâng leh phaicham heia khana Israel ram a phidông omna hmun rakip a kakhem sik hei.

EZEKIEL 34:15

Kei khet kakemōnghei kakhem kachang sik eng, khana anmani châm inhngana sik a hmun kajongsōt sik. Chunghnung Rōngpu ke’n kahri jo kae.

EZEKIEL 34:16

“A’nhmanghei kha kajongsōt sik hei, akalôn lele hei kha kaheiṭhōi male sik hei, an-intônbi hei kha kakatōm pek sik hei, akanahei kha kaman dam sik hei; tâk-kha khava akathai leh ratha kaneihei kha kamanhmang sik hei, ajârchu kei akadik katlo kemōng kakhem eng kae.

MATTHEW 10:6

Khava kanek a, Israel mihei kemōng inhmanghei hnenga akase sik chei kae.

MATTHEW 15:24

Khava sōa Jesu’n amasôn hei, “Kei Israel mihei kemōng inhmanghei rōk hnenga ajōng-intir eng kae.”

MATTHEW 9:36

Mipuihei kha a-en hei pha, alungset hêr jo hei, ajârchu ankakhem kase kemōng rup kapōa, lungdong leh inthōpui kasea ka-om heia kae.

PETER INKHATNA 2:25

Nangni kemōng hlam invai kapō chei kae, achang ravâng tûnchu kemōng kakhempa nanrathla kahrungpa kahnung kajui sik a aheiṭhōi male jo cheia kae.