JEREMIAH 50:29 - LEKHARABU INTHENG (BSI)

²⁹ The leh sai kachoihei kha Babylon anbuhluna sik a manthei hei ruh. The leh sai kathem mi rakip tirsōt hei ruh. Babylon khōpui kha ûmsi ruh, tûte masō mak hei ruh. Aleitlona kha ahnenga tlo male ruh, milak arazen hei kapōa ama razen ruh, ajârchu Israelhei A’ntheng Inkhat, kei dōina inlensaktak a omchen atloa kae.

JEREMIAH 50:29 ပူးပေါင်းရင်းမြစ်များ

SŌKSŌT 10:3

Khava jâra Moses leh Aaron kase heia reng hneng, “Rōngpu, Hebrewhei Pathen in hing’hin ahri, ‘Heichen katlung mo kahnenga ahong inkun mak sik che? Kamipui he’n kei ankamuk theina sik eng masōsōt jo heiroh.

ISAIAH 37:23

Nang in tu mo nahnōise tia namandon? Nang in Israel Pathen intheng kei na-êse eng nakaja mak eng kae.

ISAIAH 47:10

“Nang ṭhatmakna tlona shunga khan nabinga inngamna nanei; tûte’n ahmu mak hei nati. Nasingna leh namanhretna khan hlam kalet a aṭhōi che, khana nabinga nahri, ‘Kei Pathen eng kae, kei kapō tûte om mak.

JEREMIAH 25:14

Ke’n Babylonhei kha antlona kara kha kapek male sik hei kae, khana jât-hei leh rengkalen he’n ansōk anmanchang sik jo hei.’”

JEREMIAH 48:26

Rōngpu’n ahri, “Moab kha ju manrui ruh, ajârchu ama’n adōi enga kae. Moab in amalōk chunga inkhōn sik, khana mihe’n anmanui sik.

JEREMIAH 49:16

Nan-inlensak in ahōn mathlâk jo chei. Nangni mi’n antaṭit sik cheia nantamandon kapōtak a tûte’n ṭitmak jo chei. Nangni hlung karea tlâng inshâng bilik a ka-om chei; hmuvânlai kapōa nangni chung inshângtak a nan-om inum, Rōngpu’n akei mathlâk sik chei kae. Rōngpu’n ahri jo kae.”

JEREMIAH 50:24

Babylon, nang in kei dōina re natlo, namanhret mak inum na’n-ôkna sik châng kadoa khan inkhit jo che.

JEREMIAH 50:26

Arakir rakip a inphut buhlu ruh, asâng bukna sasōrhei kha sukkhōi ruh! Nantachomsōt hei kha sabuk a manbuk ruh! Ram kha suk manhmang ruh! Heite inkhat dahlon mak ruh!

JEREMIAH 50:32

A’nlensak najât kha inpai sik a kha katlu sik, khana tûte’n nang mathōtor mak hei tin. Ke’n nakhōpuihei hmei karo mathlâk sik, khana ahneng vena neinâk rakip kasuk manhmangsō sik.”

JEREMIAH 50:9

Ke’n sak tinga jât kangar rup khat anmani kabuhlu sik a kahei kachok mathok sik hei. Anmani Babylon ram kadōia in-gôr sik heia kha re anhong buhlu sik, khana antor sik. Anmani shachâng kaleng kathem, anradinna anthe kâp mansôi phunglo hei kha kae.

JEREMIAH 51:24

Rōngpu’n ahri, “Nangni’n Babylon leh amihei Jerusalem chunga ṭōnse antlona rakip jâra ke’n anchunga katlo malena kha nanhmu sik.

JEREMIAH 51:3

Anremi he’n anthe ankâp sōtna sik pha pek mak hei ruh a-emak leh anrevon invonna pha manhmu mak hei ruh. Anrether hei kha ṭhenmak hei ruh. Remi rakip suk manhmang hei ruh!

JEREMIAH 51:49

Babylon in vânhnōi ralei mihei thina amasō, khana Israel mi katamtak hei thina amasō jâra tûnchu Babylon hi akatlu sik kae. Rōngpu ke’n kahri jo kae.”

JEREMIAH 51:56

Anmani Babylon kasukset sik kahong hei; anremihei kha ansur hei, khana anthe ansai hei ansuk thlek pek hei. Kei hi akaṭhamak karâkna kapek, Pathen inkhat eng kae, arahōi kasōk hrep a Babylon chunga ṭōn katlo sik.

ṬAJAISUINA 1:9

Amanu intheng makna kha kabeitak a inhmusōt, tâk-kha avâng setna kha heitea donmak a kae. Ama tlâksukna hi ṭit ka-omhêr; tute’num ama bômtor mak. Aka-en kada he’n antor jo, khana Rōngpu hneng inthōpuina sik ka-ônga kae.

ṬAJAISUINA 3:64

“O Rōngpu! anmani antōntlo dungjuia karâk hei roh;

DANIEL 11:36

“Syria rengpa’n alungdo hrep a kachôn sik. Ama’n pathen rakip kanek a, Chunghnung Pathen kanek a’m kalen eng tia inlensak sik. Pathen in akarâkna sik pha ahong mak kârseng ama’n khanga atlo tor sik. Pathen in amantluk kha atlo nger sik kae.

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

OBADIAH 1:15

“Rōngpu ke’n jât rakip chunga ṭong katan sik kani kha hong kanai jo. Eh Edom, naleitlo kapōhrep kha nachunga a’ntlo nôk sik kae. Naleipek hei kha nachen male sik.

THESSALONIANHEI INHNINA 1:6

Pathen in akadik kha atlosōt sik: ti chu nankhōdeng inthei hei kha ama’n khōdeng amanthei sik hei,

THESSALONIANHEI INHNINA 2:4

Ama khan kamuk neinâk rakip leh Pathen inti hei kha ahonghōt sik hei, anchung katōngpena ama abinga hong ka-om sik a kae. Pathen Bek-inn shunga kapha kahlut sik khana in-ong sik Pathen a’nchangsak sik kae.

ṬONGPHÔNG 16:6

Anmani’n Pathen mihei leh sânkathemhei thisen anta leimasō achang jâra, thisen anta-in sik a napek hei. Anmani’n anrahōi kasōk hrep kha antarahlâng kae!”

ṬONGPHÔNG 18:6

Amanu’n arazenna chei kapōhrep a nangni’num ama hneng razen ruh; amanu’n atlo rakip chen inhnia tlopek una male ruh. Nanta-in sik a amantluk pek chei kōklei chen inhnia akahrat juhning mansip pek ruh.