JEREMIAH 50:21 - LEKHARABU INTHENG (BSI)

²¹ Rōngpu’n ahri, “Merathaim leh Pekod mihei buhlu hei ruh! Anmani that hei una suk manram hei ruh. Ke’n ṭong kapek chei rakip kha tlo ruh. Rōngpu ke’n kahri jo kae.

JEREMIAH 50:21 ပူးပေါင်းရင်းမြစ်များ

SAMUEL INHNINA 16:11

Khana David in Abishai leh aṭōn karônhei senghei hneng ati, “Kasapa’num that sik a anirei jo eng; heisik a mo hiva Benjamin chunga inlak nasak? Rōngpu’n hâksêrna sik amanthei kae; kachanga abing rōk a dahlon ruh, khanga tlo rasoh.

RENGHEI INHNINA 18:25

Rōngpu inthōpuina inveiloa nanrama hin re kahongsōa kasuk manhmang kae tia nantamandon mo? Rōngpu khet in re tlona sik leh suk manhmangna sik a amanthei eng kae.”

THUHMINGHEI INHNINA 36:23

“Hivahi Persia Rengkalen, Cyrus ṭongpek kae. Marvân Pathen Rōngpu’n kei hi vânhnōi pumpuia vaikarôn amanṭang jo eng khana ama sik a Bek-inn inkhat Judah ram a Jerusalema syemna sik a amanngan jo eng. Tûnchu, nangni Pathen mi rakip, sonting se jo ruh khana nan-Pathen Rōngpu’n ompui chei rasoh.”

ISAIAH 10:6

Kahnuk inhnat mihei, khōvel jât-hei re kasō sik a ke’n Assyria kha katir. Anmani mipuihei nei kachom sik, inru sik, leh hlamdunga ankachōn rachi sik a katirhei kae.”

ISAIAH 44:28

Ke’n Cyrus hneng kahri, ‘Kei sik a vai karôn sik kha nang che kae; Ke’n kamantlo hnōm che kha nang in natlo sik kae: Jerusalem avea saksōtna sik a khana Bek-inn innhmun kha deng manbukna sik a nang in ṭong namasō sik kae.’”

ISAIAH 48:14

“Nangni nankhenga hong intûp ruh khana rangei ruh! Kakadeisōt mi khan Babylon re asō sik hi, pathen lak inkhatbek in leihridek tor mak; ke’n kamantlo hnōm kha ama’n atlosōt sik kae.

ISAIAH 48:15

Kei ṭongkahri leh ama kabeksōt eng kha kae; ke’n ama hlamkakeia aṭōn hmesōna kamannei.

JEREMIAH 34:22

Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”

JEREMIAH 48:10

Rōngpu ṭōn kha malung pumpuia akatlomak mi kha hâksêr chen rasoh! Achemjâm inlek a mikathat mak mi kha hâksêr chen rasoh!)

JEREMIAH 50:15

Khōpui kimvea hranhla ôn ruh! Tûnchu Babylon insira heikahlut jo. Akur rape bang kachim jo khana inset jo. Ke’n Babylonhei chunga phu kahlō kae. Khava jâra anchunga nanphu kha hlō ruh, anmani’n mihlop hnenga antatlo kapōhrep a anchunga tlo ruh.

JEREMIAH 50:3

“Sak tinga ka-om jât inkhat, Babylon kabuhlu sik a kajōng, khana hleichi nêrdiram amanchang sik. Mihei leh sahei katlânsō sik hei, khana khan tûte om mak jo ning.”

JEREMIAH 50:9

Ke’n sak tinga jât kangar rup khat anmani kabuhlu sik a kahei kachok mathok sik hei. Anmani Babylon ram kadōia in-gôr sik heia kha re anhong buhlu sik, khana antor sik. Anmani shachâng kaleng kathem, anradinna anthe kâp mansôi phunglo hei kha kae.

EZEKIEL 23:23

Chaldeahei leh Babylon rakip, Pekodhei, Shoa leh Koa mihei, khana Assyria mi rakip kaheiṭhōi sik hei. Khava hme kaṭha rether kalûr kalen rakip, apui karôn ṭōnpui karôn rakip khana shakor kachōng hmun inshânga aka-om rakip kamantûp sik hei.

DÂNRABU INHNINA 33:27

Pathen kha heitik a nankahrung kae; bângtik neiloa khan amatu ṭhak chei. Nangni’n hmalang nanjōn pha nankadōihei kha ahnong sōt hei, khana suk manram hei ruh tia amanthei chei.

SAMUEL INKHATNA 15:3

Se ina Amalek-hei vabuhlu hei ruh khana annei rakip suk manhmang pek hei ruh. Heite inkhat dahlon mak ruh; pase, nuhmei, naipang, khana naidông rakip khana ran kemōng, sharîngsei leh shakōrtung rakip thatpet hei ruh.”