JEREMIAH 50:2 - LEKHARABU INTHENG (BSI)

² “Ṭong hi jât-hei hneng manthei hei roh! Phôngsōt roh! Ṭong hi amerchîkna pek roh khana phôngsōt roh! ip a damak roh! Babylon katlu jo! Apathen Marduk kha suk mathlâk a ka-om jo. Babylon limhei kha anhmai manjûm jo hei kae; amanu mater ka-om limhei kha suk rabun jo hei kae!

JEREMIAH 50:2 ပူးပေါင်းရင်းမြစ်များ

HLAHEI 64:9

Ankhenga kaṭi sik jo hei, Pathen taleitlo kha anmandon sik jo, aṭōn leitlo hei kha anhri sik jo.

HLAHEI 96:3

Alûrna kha phung leh jât-hei kâra hrimanthang ruh, aratha neina ṭōnhei kha mi rakip hneng phôngsōt ruh.

HLAHEI 97:7

Limsyem inmuk rakip inzakna apek hei; pathen rakip in Rōngpu hmaikunga inkun hei.

ISAIAH 12:4

Mipuihei hla hi ansakna sik kani lakahong sik, “Rōngpu kha manpâk ruh! A’nthōpuina sik a ama bek ruh! Ama’n atlona hei kha jât rakip hneng manthei hei ruh! Ama heituk akalen mo manthei hei ruh!

ISAIAH 13:2

Hmebung kakekpet inkhat chunga repōnlek matung ruh! A’nlensak khōpui sōngkot-hei kabuhlu sik a achîkna inkhat a remihei hneng ôn ruh khana nanbân kalek ruh.

ISAIAH 21:9

Manhret manloa, hinting anmani kahong jo hei! Shakor kachōng inhni-hnia re kahngâkpa khan ṭong kha amathlung jo, “Babylon kapûr jo! Antakamuk limsyem rakip raleia inchek-chaia ka-om jo hei,” ati.

ISAIAH 37:19

Khana an-Pathen he’m aro manvâm sō jo. Khava Pathen um aka-emak hei kha, thing leh hlung vâng mihringhei kut a ansyem hei kae.

ISAIAH 39:1

Hiva pha hin, Babylon rengpa, Baladan sapa, Merodakh Baladan khan Hezekiah rengpa nat kha aleithei, khava jâra ama’n chithi leh kutchoi ahei manrôna kae.

ISAIAH 46:1

“Hivahi Babylon Pathenhei inchaina jo kae! Bel leh Nebo pha khat a anleikamuk hei, tâk tûnchu khahei kha shakōrtung tarôn sik a anmantluk jo hei, akachâm neng ranhringhei ṭhōm chunga phurhrik inkhat kae jo hei.

ISAIAH 48:20

Babylona inphut sōksōt ruh, ning leh hnōma om ruh! Inpâktak a ṭong kha ông manthang ruh; hmun rakip a manthei hei ruh: “Rōngpu’n asōk Israel kha ahuk jo!” ti ruh.

ISAIAH 48:6

“Ke’n kaleihri heirakip kha tûnchu katlung jo; kahri kha kadik jo tia akahnōm sik chei kae. Tûn omchen ther ahei kasōk sik kha kahri pek sik chei, tûn mak hma kaleihri mak omchen kae.

JEREMIAH 10:11

Nangni mipui chei in anmani manthei hei ruh ti chu ralei leh marvân kasyem mak, pathenhei kha suk manset sik hei kae. Anmani kha raleichunga hin omsôt mak hei ning.)

JEREMIAH 10:15

Khahei kha hnemna kase hei kae donmak sik hei kae; anmani enmansinna sik a Rōngpu kha ajōng pha, suk manhmang sik jo hei kae.

JEREMIAH 31:10

Rōngpu’n ahri, “Jât-hei, kaṭong hri hi rangei ruh khana kaṭonghei hi akahlatak tui-ôngpui pang heia vahri manthang ruh. Ke’n kamihei kaleichai kathek hei, tâk-kha ke’n kamantûp nôk sik hei, kemōng kakhem inkhat in ankemōnghei akhem kapōa kakhem sik hei.

JEREMIAH 4:16

Anmani kha jât-hei inkôk sik leh Jerusalem hnenga ram kahlatak a inphut inrepuihei kajōng jo hei tia akahri pek sik a kahong hei. Hina inrepuihei hin Judah khōpuihei kadōia khōtlâng an-ôn sik.

JEREMIAH 4:6

Ziona hlam kha khingpek hei ruh! Inhukna sik a tlân ruh! Sôt mak ruh! Sak tinga inphut insuksetna kalentak Rōngpu’n inrengna kha ahei rôn sik.

JEREMIAH 46:14

“Egypt a khōpuihei, Migdol, Memphis khana Tahpanhe heia hivahi phôngpek hei roh: ‘Nanbinga inhrungna sik a intluk ruh, nantanei rakip re shunga suk manhmang sik jo kae!

JEREMIAH 50:46

Babylon kha atlûk pha, ralei akimve akanok mantlir rasa hong kasōk sik, khana inrima pengna rasa kha jât-hlop he’n anthei sik.”

JEREMIAH 51:12

Babylon kurbanghei buhluna sik a mêrchîkna nei ruh. Repa hngâkna kha manngar chet ruh! Repa kahngâk da hei ruh! Akabuhlu sik a rerup da hei ruh!” Rōngpu’n Babylon mihei chunga, atlo sik tia ahri kha atlo jo kae.

JEREMIAH 51:27

“Buhluna sik mêrchîkna kha pek hei ruh! Jât-hei tathei sik apengkun tum ruh! Babylon dōina re kakōn sik jât-hei intluk ruh! Ararat, Minni, khana Ashkenaz rengramhei kha re kabuhlu sik a manthei hei ruh. Buhluna hlamkakei sik a kadei ruh. Khâikhuhei kapōa shakorhei kha vaṭhōi hei ruh.

JEREMIAH 51:31

Babylon rengpa hneng ṭong inthlung mi abân bâna kahong heia akhōpui bâng rakir manlia kakōi jo tia anhong manthei.

JEREMIAH 51:44

Ke’n Babylon pathen Bel karâkna kapek sik, khana amarûk a anei ahao hei kha kamansōsōt sik hei, jât he’n avea kamuk nôk mak jo hei ning. “Babylon kurbanghei kachim inset jo hei.

JEREMIAH 51:47

Khang’khan ke’n Babylon limsyemhei chunga ṭōn katlona sik pha hong katlung jo. Aram pumpui inzakna kamanchen sik, khana amihei seng thatsō pet sik hei kae.

JEREMIAH 51:52

Khava jâra, ke’n Babylon limsyemhei chunga ṭōn katlona sik pha kha katluk jo tia kahri kae, khana ram shung pumpuia a’ntôn hei khan inkōi sik heia kae.

JEREMIAH 51:8

Babylon kha manhret manloa katlu jo khana sukset jo kae! Achunga ṭajai sui ruh! A’ntônna bia kano sik hlei vajongpek ruh, damthei um aja a kae.

JEREMIAH 52:31

Evilmerodach in Babylon reng achang kum a, ama’n Judah Reng Jehoiachin kha kurkhum a inphut aleimasōa alungsetna aleimalâr. Khavakha khum mi inkhat a Jehoiachin anṭhōisōtna kum 37 thla 12 kani 25 tlukna aleikasōk omchen kae.

JEREMIAH 6:18

Khava jâra Rōngpu’n ahri, “Rangei ruh, jât-hei, kamihei chunga heimo ahong kasōk kha manhret ruh.

DANIEL 1:2

Rōngpu’n ama kha Reng Jehoiakim amansura Bek-inn shunga karōi ṭhahrep amanchoma kae. Ama’n ahei surmi ṭhahrep Babylona apathenhei bek-inna aheiṭhōi hei, aheichomsōt karōi kha abek-inn karōi bukna ada hei.

DANIEL 3:14

Ama’n anhnenga ahri, “Shadrach, Meshach, khana Abednego nangni’n ka-pathen kamuk sik leh kamatungsōt limsyem hneng inkun sik hnōm mak chei ti hi akadiktak mo?

ZEPHANIAH 2:11

Rōngpu’n anmani amanpir sik hei. Ama’n ralei pathenhei kha heite manchang mak ning, khana jât rakip in ama kha anram et a ankamuk sik jo.

ṬONGPHÔNG 18:2

Ama’n rasa inhnaktak a a-ôn: “Amanu katlu jo! Babylon Kalen kha katlu jo! Amanu kha tûnchu a’nthengmak rathla ravaihei kha’n anhnong jo; a’nthengmak mater ka-om va rakip omna kachang jo.