JEREMIAH 50:12 - LEKHARABU INTHENG (BSI)

¹² tâk-kha nangni khet khōpui kalen khachu suk mannem sik jo khana hmesetna aratō sik jo kae. Babylon kha jât-hei kâra akasin pena ka-om sik; tui om makna nêrdiram kachâr hongkachang sik.

JEREMIAH 50:12 ပူးပေါင်းရင်းမြစ်များ

ISAIAH 14:22

Chunghnung Rōngpu’n ati, “Ke’n Babylon kabuhlu sik, kasuk manhmang sik. Ke’n heite ṭhenmak ning, naipang inkhatbek um, akahring om mak ning. Rōngpu ke’n, kahri kae.

ISAIAH 23:13

Tyre khōpui ramshahei tachōn rachia kasyem kha Assyria changmak hei, Babylonhei kae. Tyre berte hei kahlō leh rekur kasukhōi khana khōpui suk manset a akadahlon hei kha Babylonhei kae.)

JEREMIAH 12:14

Rōngpu’n ahri, “Ke’n kami Israel kapek hei ram akasukset, Israel inhnaipui hei hneng hri sik ṭhahrep kanei. Ke’n khava mikaṭhamak-hei kha anram shunga inphut, kahar phoisōt kapōa kalosōt sik hei, khana Judah kha anmania inphut kahuksōt sik a kae.

JEREMIAH 15:9

Asa 7 a’nhmang jo hei nu khachu insam hla jo, akaphu insam jo. Amanu sûnṭim kha, jân khō inthim kachang jo; ama inzak jo, amalung kana jo. Tûn katlunga alakahring nangni ke’n nankadōihei kalamanthat sik chei. Rōngpu ke’n kahri jo kae.”

JEREMIAH 22:6

“Kei hnenga chu Judah reng-innpui hi Gilead kapōhrep a khana Lebanon tlânghei kapōhrep a akaṭha kae, tâk hiva hmun hi akarōksai, tûte omakna kamanchang sik kae.

JEREMIAH 25:12

Khava sōa Babylon leh arengpa kha ansetna jâra karâkna kapek sik hei. Khava ram kha kasuk manhmang sik khana ahei tik a inhmanga ka-om sik.

JEREMIAH 49:2

Kha’num apui karôn khōpui Rabbah mihei kha re innok rasa kaman theina sik hei pha kha kahong jo, inhmanga dahlona ka-om sik hei khana ankhō kasinhei kha hmei in akâng mathlâk sik hei. Khava sōa Israel in aram kha ahnenga inphut aleikalo heia inphut alomale nôk sik.

JEREMIAH 51:43

Khōpuihei kha hmit ena enngam om mak, tui om makna ram kachi tûte om makna, mihring inlôn phung makna hmun anpō jo.

JEREMIAH 51:47

Khang’khan ke’n Babylon limsyemhei chunga ṭōn katlona sik pha hong katlung jo. Aram pumpui inzakna kamanchen sik, khana amihei seng thatsō pet sik hei kae.

GALATIANHEI 4:26

Tâk-kha marvân Jerusalem khachu masōa ka-om, khana ama kha ninu kae.

ṬONGPHÔNG 17:5

Amanu machea khan rahming inkhat ṭong in-ip manhmuna inzet: “Babylon Kalen vânhnōia mikase rakip leh noti rakip hei annu.”