JEREMIAH 5:6 - LEKHARABU INTHENG (BSI)

⁶ Khava jâra ratua inphut shabakkai he’n anthat sik hei; nêrdiram a kahne he’n ahar-ahak a ankeihler sik hei, rûtnu’n ankhōpuihei anhlō sik hei. Khava mihei khan ansōksōt inchu anmani ankeihler sik hei ajârchu ansetna katam hêr jo khana ave-avea Pathena inphut inhesōt heia kae.

JEREMIAH 5:6 ပူးပေါင်းရင်းမြစ်များ

THUHMINGHEI INHNINA 36:14

Khava chunga, Judah hlamkakeihei, thempuhei, khana mipuihei khan ankimvea aka-om jât ralak-hei limsyem kamukna setna omchen kha anleijui jo hei, khana Rōngpu ama khet tamanthengsōt Bek-inn kha anmanbōk joa kae.

EZRA 10:10

Thempu Ezra kangirsōt a anhnenga ṭong ahri. Ama’n ati, “Nangni taksenna kase kachang jo chei khana jât-hlop jōr nan-ompui heia Israel chunga themmôna nanheichoi jo.

EZRA 9:6

Ke’n kati, “Eh Pathen, na-âng shunga kalu chung manhnget sik inzak hêr eng. Kansetna hei kha kanlu atlumbit a inbuk jo hei; marvân inshâng kapōa inshâng jo.

JOB LEKHARABU 10:16

Ke’n chung sōkna heikhat kavanei inchu, shabakkai kapōa nahnong ri eng; kei suksetna sik a ṭōn-inlak kapha natlosōt heia kae.

HLAHEI 104:20

Jân pha nasyema, khō ahon’thim pha ramsha rakip hei kha hong kasōk hei.

HLAHEI 80:13

ramvok he’n khavakha anchōn kahnur jo, khana ramsha he’n khopna annei jo.

ISAIAH 1:23

Nahlam kakeihei kha indōipui leh mi’nru hei ṭhōnhei kae; anmani’n kutchoi pek leh sêrmarûk sâk rōk antloṭhak a kae. Anmani’n nu leh pa kasehei kha ṭong tanna inna hukphung mak hei, khana renghmei he’n anṭong anmalâr pha rangei pek mak hei.

ISAIAH 59:12

“Rōngpu, nang kadōia kanṭhena katamtak ka-om. Kansetna khan amaher jo ung. Keini’n khahei seng kha kaṭha nenga kanmanhret jo.

JEREMIAH 14:7

Kamihei kahnenga kaṭap hei, ‘Kansetna he’n amanṭhe unga achang inum, naṭong tepna kapōa, a’nthōpui roh. Keini pha katamtak nanga inphut katlânsōt jo ung, nang kadōia setna kanleitlo jo.

JEREMIAH 2:15

Shabakkaihei kapōa ahnenga inhrung hei; aram kha nêrdiram anmanchang pek, akhōpuihei inram kachang jo hei, dahlonpet a ka-om jo hei.

JEREMIAH 2:17

Israel, nabinga hivahi namasō kae Ke’n hlamdunga kaṭhōi chelai, Rōngpu na-Pathen kei hi nang in nadahlon enga kae.

JEREMIAH 2:19

Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

JEREMIAH 25:38

Shabakkai in akhur adahlon kapōa Rōngpu’n amihei adahlon jo hei. Ṭit ka-om re leh Rōngpu hnuknat khan ram kha nêrdiram amanchang jo.

JEREMIAH 30:14

Nan-inlungset he’n anmahngi jo chei, anmani’n adonmak jo hei. Ke’n nangni inrepuihei kapōa kabuhlu chei; nankarâkna kha inhnak ajârchu nansetnahei katam hranghra khana nanṭhat makna kalen hêr.

JEREMIAH 30:15

Nan-intônna jâra inphin mak ruh; nangni sik damna om mak jo. Ke’n hing’hin karâkna kapek chei kae, ajârchu nansetna katam hranghra khana nanṭhat makna kalen hêr.

JEREMIAH 4:7

Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 49:19

Shabakkai inkhat Jordan panga ratu hmanga inphut a, phidông kekna ahei kasōk kapōa, kei kahong sik eng, khana Edomhei kha anrama inphut sōkphutrōia kamanphut sik hei. Khava pha ke’n hlamkakei inkhat kakadeisōt khan jât-hei chunga vai arôn sik kae. Kei leh tetor sik tu mo aka-om? Tu’n mo kei adōingam sik eng? Vaikarôn tu’n mo kei adōitor sik eng?

JEREMIAH 8:5

Kha achang inchu, kamihei, heisa mo kahnenga hong inle hêrlo cheia keia inphut a’nhesōt jo chei? Nangni’n nanlimhei nankakō tlit a, kei hnenga he’nle sik kha hnōm mak chei.

JEREMIAH 8:7

Urôk bek inum inlena pha anmanhret; vaṭhu hei, pengler hei khana vakeng he’n hmun inthonna pha anmanhret. Tâk-kha kamihei nangni chu, nanchunga kavairôn dânhei kha manhret mak chei.

ṬAJAISUINA 1:5

Aka-en kada he’n chung sōkna annei; anratha neina shunga anmatua kae. Atlo setna katamtak jâra Rōngpu’n inrengna apek kae; asahei kha ansur heia anṭhōisōt jo hei.

EZEKIEL 16:25

Nahme ṭhatna kha dôp shunga na’nbepui. Hlam kahro rakip hnenga nataksa inpek sōt che khana ani tina noti omchen natlosa chet-chet a kae.

EZEKIEL 22:27

Ram vaikarônhei kha kahne’n anshathat antakeihler kapō hei kae. Mikahao changna sik a anmani’n mi anthat a kae.

EZEKIEL 23:19

Amanu hi hma kanek a noti kachangdet jo, Egypt ram a anuhngâkte chang laia noti aleitlo kapōa atlo jo.

DANIEL 7:4

Ahma inkei kha shabakkai apō, tâk hmurai kapōa mathla le’ndo. Ke’n ka-enlai amathlahei kha intan jo hei. Sha kha keitoua ka-oma anlei manngir. Khava sōa mihring mandonna ahnenga anleipek.

DANIEL 7:6

Ke’n ka-enlai, 3na sha alak inkhat hong kasōk a kae. Khavakha rûtnu apō, tâk akhona va mathla kapō mathla 4 indo, khana alu 4 anei. Ama kha vairônna ratha anei kapōa ka-om.

HOSEA 5:14

Judah leh Israelhei chunga shabakkai kapōa kabuhlu sik hei. Kei khet in anhar anhak a kakeihler heia kadahlon sik hei. Ke’n kakeisôn hei pha tûte’num huk tor mak hei ning.

HABAKKUK 1:8

Anshakorhei kha rûtnu kanek a tlân kayâng hei, kahne von kaṭâm hei kanek a kakhôk chet hei. Anshakor remi he’n ram kahlatak a inphut kahong hei; anshakor he’n raleia anke ankatat a kae. Marhmu’n vate asur tinga kapōa jōng inthlur hei.

ZEPHANIAH 3:3

Aṭōnpui karônhei kha shabakkai inhrung kapō hei kae; aṭong katanhei kha jîngkâr katlunga sharu dahlon hnōmlo kahne kalôp hei kapō kae.

MIJAHEI 32:14

Khana tûn nanpahei hmun kha nanloa, set kasip mihei khangther inkhat in Rōngpu hnuknat inhnak kha Israel chunga heirônsōt sik a intluk nôk cheia kae.

ṬONGPHÔNG 13:2

Khava kahmu ranhring kha rûtnu ka-ang, ake kha kavom kepha ka-ang, khana ahmur shabakkai ka-ang. Ama hnenga khan rihren in aratha neina leh alen in-ongna, khana aṭong neina katamtak apek.