JEREMIAH 5:5 - LEKHARABU INTHENG (BSI)

⁵ Kei ratha kanei mihei hneng kase sik eng khana anmani leh inbek sik ung. Anmani’n an-Pathen tamadu kha, an-Rōngpu tamantlo hnōm hei kha anmanhret sik.” Tâk-kha ankhengpet in Rōngpu tlotorna kha donmak jo hei khana juihnōm mak hei.

JEREMIAH 5:5 ပူးပေါင်းရင်းမြစ်များ

THUHMINGHEI INHNINA 36:14

Khava chunga, Judah hlamkakeihei, thempuhei, khana mipuihei khan ankimvea aka-om jât ralak-hei limsyem kamukna setna omchen kha anleijui jo hei, khana Rōngpu ama khet tamanthengsōt Bek-inn kha anmanbōk joa kae.

SŌKSŌT 32:25

Aaron in mipuihei kha manse tor mak jo hei khana an-inrepuihei hmaikunga anbinga mikamo kachang jo hei ti kha Moses’n amanhret jo.

ISAIAH 1:23

Nahlam kakeihei kha indōipui leh mi’nru hei ṭhōnhei kae; anmani’n kutchoi pek leh sêrmarûk sâk rōk antloṭhak a kae. Anmani’n nu leh pa kasehei kha ṭong tanna inna hukphung mak hei, khana renghmei he’n anṭong anmalâr pha rangei pek mak hei.

JEREMIAH 2:20

Chunghnung Rōngpu’n ahri, “Israel, nang in phat kasôttak karatha neina chunga heihnōm mak jo che. kaṭong hi juihnōm mak che khana akamuk hnōm mak che. Tlâng inshâng chung rakip a thingkung ka-êm thōi rakip a, vonchoina pathenhei kha nakamuk joa kae.

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

JEREMIAH 30:14

Nan-inlungset he’n anmahngi jo chei, anmani’n adonmak jo hei. Ke’n nangni inrepuihei kapōa kabuhlu chei; nankarâkna kha inhnak ajârchu nansetnahei katam hranghra khana nanṭhat makna kalen hêr.

JEREMIAH 6:13

Anmani akasin leh akalen ankhenga malung intheng loa sêr hlona antlo; thempuhei leh sânkathemhei kapha’num mipui anhōn hei.

JEREMIAH 8:7

Urôk bek inum inlena pha anmanhret; vaṭhu hei, pengler hei khana vakeng he’n hmun inthonna pha anmanhret. Tâk-kha kamihei nangni chu, nanchunga kavairôn dânhei kha manhret mak chei.

JEREMIAH 9:3

Ankhenga maleisei hrina sik a ahei tik a intluk hei; akadik kanek a malung intheng mak in anrama vai arôn. Rōngpu’n ati, “Kami he’n akaṭhamak inkhat antlosō leh inkhat antlo nôk, kei hi an-Pathen inkhat a alo mak hei.”

EZEKIEL 11:2

Pathen in kahnenga ati, “Akathithei mihring, hiva mihei hin ṭōnse anmantluk a khōpuia mihei hnenga akaṭhamak tinga mansena ṭong anpek hei.

AMOS 4:1

Samaria nupuihei, Bashana kaṭhadek a antavei sehrat pui kapōa akathai hei, akatlasam êngset a akatlohei, sara kasuk inrim hei, anpuise he’n ju anta heichoi pek sik a akahngâk-hei, hiva ṭong hi rangei ruh!”

AMOS 6:1

Ziona kahōitak a ka-om khana Samaria a ka-ôrtak a ka-om nangnihei sik a heituk a ṭit ka-ompek chei mo, jât kalen Israelhei hlamkakei kalenhei, mipui in inthōpuina kangek sik a anta heisor jo hei, nangni!

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MALACHI 2:7

Pathen kadik a manhretna kha mi manthei sik hi thempuhei ṭōn kae. Mipui he’n kei lungdo anmanhretna sik a anhnenga akase sik hei kae, ajârchu anmani kha Chunghnung Rōngpu ṭongkarônhei kae.

LUKE 18:24

Jesu’n amalung inrim kha ahmu pha ati, “Mikahao he’n Pathen Rengram anhlut sik hi heituk a a’ntak jo mo!

LUKE 19:14

Tûnchu, ama mikhet he’n anleihōt jo, khava jâra reng hmun kapek sikpa hneng tirle antira, ‘Ama kanreng kachang sik a madu mak ung’ anva manti jo.