JEREMIAH 5:31 - LEKHARABU INTHENG (BSI)

³¹ Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 5:31 ပူးပေါင်းရင်းမြစ်များ

RENGHEI INKHATNA 22:6

Hiva Jâra sânkathem 400 kapō hei abek hei, khana ader hei, “Kei akase enga Ramoth kabuhlu sik mo, kabuhlu mak sik mo?” Anmani’n anmasôn, “Buhlu roh. Rōngpu’n torna apek sik che.”

ṬONGCHÎK-HEI 17:4

Mikaṭhamak he’n akaṭhamak mantlukna ṭong kha anrangei, khana malei kasei he’n maleisei ṭong anrangei.

ISAIAH 10:3

Pathen in karâkna apek chei pha, nangni’n heimo nantatlo sik? Ama’n ram kahlatak a inphut a, nanchunga khōdeng theina apek chei pha, heimo nantatlo sik? Inthōpuina hmun a sik khonting mo akatlân sik chei? Khon mo nanneihei nantathup sik?

ISAIAH 20:6

Khavakha ahong tlung pha, Philisti ramri katlunga ka-om mihe’n anti sik, “Enruh, Assyria reng kalenpa a inphut ani kahuk sik a ni’nngaina mihei so heimo kati jo hei! Heikhonga mo eini akahringtor sik me?” Kût a.

ISAIAH 33:14

Ziona ka-om mikaset-hei anṭit lôt a innok jo hei. Anmani’n anti, “Pathen ṭongtan hi ahei tik a hmei kakâng kapō kae. Eini khava hmeia inphut akahringtor nâk sik me mo?”

ISAIAH 43:27

Ahma kakei napusōn hei kha’n setna antlo jo; nahlam kakei he’n kei dōina setna antloa kae.

ISAIAH 47:7

Nang in ahei tik a rengnu akachang ṭhak sik chea le’ndon che, khana hiva omchenhei hi namalunga damak hei che, achangmak leh khahei kha heikhonga mo a’nchai sik ti mandon mak che.

JEREMIAH 12:4

Heituk kasôt mo kanram akachâra aka-om sik, hlei rakip a kahar akachâr sik hei? Ranhringhei leh vahei kathi jo hei, kanmihei ṭhatmak jâra, ‘Eini tatlo hi, Pathen in hmumak, tia akahri mipuihei kha.’”

JEREMIAH 14:14

Tâk-kha Rōngpu’n amasôn eng, “Sânkathemhei khan karahminga maleisei antahri kae; ke’n tir mak hei eng, anhnenga ṭongpekna heikhat achangmak leh mi hnenga ṭong inkhat avakahri sik pek mak hei eng. Anmani’n hnunga kasōk sik omchen antahrisōt kha kei hnenga inphut changmak, hmangna kase anmandonna kha antahrisōt kae.

JEREMIAH 26:7

Thempuhei, sânkathemhei khana mipui he’n Bek-inna kaṭong hri kha anlei rangeia kae,

ṬAJAISUINA 1:9

Amanu intheng makna kha kabeitak a inhmusōt, tâk-kha avâng setna kha heitea donmak a kae. Ama tlâksukna hi ṭit ka-omhêr; tute’num ama bômtor mak. Aka-en kada he’n antor jo, khana Rōngpu hneng inthōpuina sik ka-ônga kae.

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

ṬAJAISUINA 4:13

Tâk-kha hivahi kasōk jo, ajârchu anthempuhei kaset hei khana ansân kathemhei ṭhena annei, ṭhenakase hei thina sik antlo jâra kae.

ṬAJAISUINA 4:18

Kan-inrepui he’n ani-en ravet ṭhak a ka-om hei; hlam a kapha sōk tor mak ung. Keini pha kha inchai jo; a’nchaina kani kha kahong jo.

EZEKIEL 13:10

“Heirakip kaṭhapet antia kamihei sânkathem he’n hlamlea anṭhōi hei. Heirakip akaṭhapet chu chang hêrmak! Kami he’n hlung kaṭha inmat loa bang kha ansyem khana sânkathemhei khan sunu vânga ankano makhu.

EZEKIEL 13:6

Anmani hmangtalâr kha dikmak, khana hnungṭong antahri kha maleisei kae. Anmani’n kei ṭong antahri kae anti, tâk ke’nchu tir mak hei eng. Kha achang inum anṭong kha akadik sik a inhōr hei!

EZEKIEL 22:14

Ke’n nangni manchaina katlo pha nangni’n inngamna a-emak leh nankut kalâng torna sik a ratha katluk a nannei sik tia a’ndon chei mo? Rōngpu ke’n kahri jo kae, khana kaṭong kha katlo nger sik.

HOSEA 4:9

Mipuihei kapōa nangni’m inrimna nantachen sik kae! Ke’n karâkna kapek sik chei khana nanṭōn tlona dungjuia tloman kapek sik chei.

HOSEA 6:10

Israel a hiva ṭit ka-om ṭōn intlo hei hi kahmu jo: kami he’n limsyem ankamuk a anbinga insu innim jo hei.

HOSEA 9:5

Khana Rōngpu kajana revei sâktlâng tlona pha kha ahong pha, anmani’n heimo antatlo sik jo?

MICAH 2:11

“Hiva mihei hin maleisei leh hōnna kasip sânkathem khana, ‘Nangni sik a ju leh theitui kalōng sik’ tia kasânsōt hei kha anmadua kae.’

MICAH 2:6

Mihe’n kahnenga anhrilea anti, “Kanhnenga hrile mak roh. Khava rakip chungchânga hrile mak jo roh. Pathen in hmai kayum renga adamak ning.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

ZEPHANIAH 3:4

Asânkathemhei kha inṭangpuina neilo hei, mikahōnhei kae; thempu he’n a’ntheng kha anmanbōk, anbinga hnemna langa Pathen Dân kha anmahe.

DÂNRABU INHNINA 32:20

Ama’n ati, ‘Ke’n anmani inthōpui nôk mak jo hei ning.’ ‘khava sōa heimo kachang hei ti kha ka-en sik hei, sova ṭong inngeimak leh taksenthei kachangmak mihei so.

DÂNRABU INHNINA 32:29

Heijâra mo anhmai akabōk ti kha hmumak hei; hei omchen mo kasōk kha manhret mak hei.