JEREMIAH 5:22 - LEKHARABU INTHENG (BSI)

²² Kei Rōngpu eng kae, heisik a mo nantaṭit mak eng? Heisik a mo kahma kunga ṭitpum a a’nnok mak chei? Tuipui ramri sik a ke’n nêrdi hei kha kabuk hei, arakantor mak sik, aka-om ṭhak sik a ramri kae. Tui-ôngpui in asuk lele, tâk-kha khavakha khe tor mak; tui in-nông kha ka-ông thei sik, tâk-kha suk khōitor mak a kae.

JEREMIAH 5:22 ပူးပေါင်းရင်းမြစ်များ

A’NPHUTNA 1:9

Khava sōa Pathen in ṭong apek a, “Ralei ram kachâr a’nlâr theina sik chungvân thōia tui kha hmun khat a inpunkhôm rasoh,” atia khanga leikachang jo.

RENGHEI INKHATNA 13:28

khana achōnga sânkathem kalōng kha hlamlen chunga inthlōnga a-om leh shakōrtung leh shabakkai he’n aleikangir sap hei kha avahmu jo hei. Shabakkai khan akathi kalōng kha’m sâk mak, shakōrtung kha’m thatmak.

JOB LEKHARABU 26:10

Ama’n tuipui hmai chunga kōikim inkhat amazet a vâr kha inthima inphut aṭhensōt.

JOB LEKHARABU 37:24

Ama hmaikunga mi rakip in ṭittak a anngirna leh kasing ung kati hei hneng ama’n heitea asakmakna hei hi ngak sakna sik om mak a kae.

JOB LEKHARABU 38:8

Tuipui kha aheilen makna sik ralei von shunga inphut aheipût pha tu’n mo kot kha akhâr?

HLAHEI 104:9

Raleichung ankachûm nôk makna sik a, antarakan hêrmak sik ramri nasyempek hei.

HLAHEI 119:120

Nang jâra kei kaṭi eng; naṭongtan sik jâra ṭitna kasip eng.

HLAHEI 33:7

Ama’n tui-ôngpui rakip hmun khat a amanchun hei; tui-ôngpui inthûk hei kha mantûpna innden shunga akhum hei.

HLAHEI 46:3

tuipui in-nông inhnak a a-ông inum, hmebunghei inhnaktak a a’nnok inum, eini’n ṭitmak min.

HLAHEI 99:1

Rōngpu hi reng kae; mihe’n anṭit a innok hei. Ama areng in-ongna mathla kanei ranhringhei chunga in-ong khana ralei hi innok.

ṬONGCHÎK-HEI 8:29

khana atep pekna kakhea tuihmai kha akemakna sik tui-ôngpui hnenga ama’n ṭong apek lai, raleichung hmun adenglai khan kei leika-om jo eng.

ISAIAH 50:2

“Heisa mo kami he’n anta leihnōm mak, ankahuk sik a anhnenga kaselai? Heisik a mo kabeklai hei anta leimasôn mak eng? Anmani huksōtna sik a karatha akatlasam hêr eng mo? Ṭongpek inkhat a tuipui kamanchâr tor, khana tui om mak jâra ashunga ka-om ngahei kha anthina sik a, tuidung kha nêrdiram kamanchang tor.

ISAIAH 64:2

Anmani hmei kaluma tui kachōr kapōa innok inthing sik hei. Jōng ṭum ina narathahrat kha na’nrepuihei hneng malâr roh, khana jât-hei hi na-âng shunga mannok hei roh.

ISAIAH 66:5

Nangni aṭong kajui leh akaṭit hei Rōngpu’n heimo ahri hi rangei ruh: “Nangni kei hneng taksenthei nanchang jâra, nanmi ṭhahrep in anhōt chei, khana nangni leh heite tlosap mak hei. Anmani’n anmanuisō cheia anhri, ‘Keini’n nan-inpâkna kha kanhmuna sik a Rōngpu’n alenna malâr sona, huksōt chei rasoh.’ Kha’num, anmani jôk hmesetna antachen sik kae.

JEREMIAH 10:7

Jât rakip reng nang hi tu’n mo akaja mak sik che? Nang chu kaja sik a narahōi kae. Nang kapō tûte om mak, jât rakip a mikasinghei kâra, khana anrenghei kâr a’m om mak.

JEREMIAH 2:19

Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 31:35

Rōngpu’n sûna vâr sik a kani kha asyem thla leh ârsihei kha jân a akavâr sik heia asyem. Ama’n tui-ôngpui akachok a aman-ông; ama rahming kha Chunghnung Rōngpu kae.

DANIEL 6:26

Karam shunga mi rakip in Daniel Pathen nantaṭit sik khana nantakaja sik kae tia ke’n ṭong kapek chei kae. “Ama kha akahring Pathen kae, khana ama’n aheitik a vai arôn sik. Ama rengram aheitik a inhmang mak ning, khana aratha neina aheitik a bângmak ning.

AMOS 4:12

“Kha achang jâra, Israelhei, ke’n karâkna kapek sik chei kae. Ke’n hivahi katlo sik jo achang jâra, kaṭong tanna khan nanngirna sik a intluk ruh!”

AMOS 9:6

Rōngpu’n a-inn marvân heia asak, khana raleichunga chungvân amankhu. Ama’n tuipuia tui kha abek khahei kha raleichunga asun mathlak. Ama rahming kha Rōngpu kae.

JONAH 1:16

Hivahin rakōng katôrhei khan Rōngpu kha anṭit hêr joa inthoina anneia ama kanrazen sik tia intepna annei jo.

NAHUM 1:4

Ama’n tuipui ṭong apek a, kachâr ri! Ama’n tuidunghei amanchâr ri hei. Bashan hleipuk kha invōi, Carmel Tlâng kha hong ka-êng, khana Lebanon reipâr hei kaṭi ri hei.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MARK 4:39

Jesu kangira thlipui hneng ṭong aleipek, “Dai hnger roh!” khan chu tui in-nông hneng ati, “Innok mak roh!” Khana thli kha kahai jo khana kadai hnger jo.

LUKE 12:5

Tu mo ṭit sik kha manhmu chei rong: taksa athatsōa, rathla kha hmeikhura hlon manhlutna ratha kanei, Pathen kha ṭit ruh. Ataksen ruh, nantaṭit sik kha ama kha kae!

DÂNRABU INHNINA 28:58

“Hiva lekharabu shunga a’nzet mantheina rakip hi taksentak a nanjuimak inchu khana det-hla leh ṭit ka-om Rōngpu nan-Pathen rahming hi nankaja mak inchu,

ṬONGPHÔNG 15:4

Rōngpu, tu’n mo nang aṭitmak sik che? Nalenna kaphông sik tu mo akada sik? Nang rōk a’ntheng che kae. Jât rakip na-ânga kahong sik hei khana anhong kamuk sik che, ajârchu mi rakip in naṭōn kadik anhmua kae.”