JEREMIAH 49:4 - LEKHARABU INTHENG (BSI)

⁴ Heisa mo taksenthei kachangmak mihei a’nlensak chei? Nanratha hratna kha katlang jo. Heisa mo nanratha hratna chunga a’nngam cheia, tûte’n abuhlu tor mak ning tia nanta taksen?

JEREMIAH 49:4 ပူးပေါင်းရင်းမြစ်များ

HLAHEI 49:6

annei leh hao chunga inngamna kanei mikaṭhamak-hei leh anhaona chunga inlensakna kanei he’n, ankake eng pha ṭitmak hei eng.

HLAHEI 52:7

“Enroh, tu mo inkhat chu a’nhuksōtna sik a Pathen hneng in-ngai loa ka-om, tâk akarōi katamtak chunga khan in-ngai jôk. Aṭhat makna vânga inhukna sik ajong.”

HLAHEI 62:10

Rumhrat chunga hlamrinna kha damak roh; marûk neinâk vânga hnemna chen sik inhōr mak roh, nanei kha ahong pung jo’num khahei chunga inngammak roh.

ṬONGCHÎK-HEI 10:15

Nei in mikaneipa kha akahuk; sara chang in sarapa kha asuk manhmang.

JEREMIAH 21:13

Jerusalem nang, phaicham chunga inshângtak a in-ong che, hlungpui inkhat in phaicham chunga ahei kasōk kapōa. Tâk-kha nang dōina re katuk sik. Nang in tûte’num abuhlu tor mak ning, achangmak leh narekur vōkkhōi tor mak ning nati.

JEREMIAH 3:14

“Taksenthei kachangmak mihei, hong inle ruh; nangni kami chei kae. Khōpui rakip a mi inkhat ṭim, khana phung rakip a mi 2 ṭim kakadei sik chei, khana ke’n Zion Tlânga kaheiṭhōi male sik chei.

JEREMIAH 31:22

Taksenna kaneimak mihei, heituk kasôt mo ala’nkei chio sik chei? Ke’n a’nlak heimo khat, athera kasyem jo, nupui inkhat in pase inkhat ahrung kapōa athera kasyem kae.”

JEREMIAH 48:7

“Moab, nahratna leh nahaona chunga nang inngam che, tâk-kha tûnchu nang kapha antor sik jo che; na-Pathen Chemosh kha areng sapahei, athempuhei leh inṭhōia rehringa ankei sik hei.

JEREMIAH 49:16

Nan-inlensak in ahōn mathlâk jo chei. Nangni mi’n antaṭit sik cheia nantamandon kapōtak a tûte’n ṭitmak jo chei. Nangni hlung karea tlâng inshâng bilik a ka-om chei; hmuvânlai kapōa nangni chung inshângtak a nan-om inum, Rōngpu’n akei mathlâk sik chei kae. Rōngpu’n ahri jo kae.”

JEREMIAH 7:24

Achang ravâng, anmani’n kaṭong rangei mak hei, anmalung um hlutmak a kae. Jui kanek a, anracham setna leh anmalung ṭhatmak khan tlo sik a amanthei hei jôk kha antloa, akaṭhachet sik hei kanek a akasechet kachang heia kae.

JEREMIAH 9:23

Rōngpu’n ahri, “Mikasing he’n ansing jâra a’nlensak mak sik hei kae. Mikahrat he’n anratha hrat jâra, khana mikanei he’n annei anhao jâra a’nlensak mak sik hei kae.

HOSEA 4:16

Israel mihei hi shakor kasîn racham kase kapōhrep hei kae. Heikhonga mo ramhânga kemōnghei kapōa kaveitor sik hei?

TIMOTHY INKHATNA 6:17

Hiva hringkhō neinâk a akahaohei kha an-inlensak makna sik, tâk an-inhōrna kha akahnetmak nei leh hao chunga changloa, eini hōina sik a heirakip pek hnōmtak a anikapek Pathen chung jôk a anneina sik ṭong kha pek hei roh.

ṬONGPHÔNG 18:7

Amanu abinga kalûr leh ka-êma aleiom kapōhrep a khōdeng theina leh malung inrimna kha’m pek ruh. Ajârchu amanu’n abinga ahri: ‘Kei rengnu inkhat a hin a’n-ong eng kae! Kei renghmeinu inkhat changmak eng, malung inrimna nei hêrmak ning!’