JEREMIAH 49:31 - LEKHARABU INTHENG (BSI)

³¹ ‘Hong ruh! Eini’n sova kahōitak a leh inhuktak a aka-om mihei so, nibuhlu sik hei! Ankhōpui so sōngkot leh akhârna neimak hei, inhrungna omtet lo kae.’

JEREMIAH 49:31 ပူးပေါင်းရင်းမြစ်များ

HLAHEI 123:4

Mikanei he’n keini hi pha kasôttak anmanuisō jo ung; khana mi inlensak kankasuk inrim he’n anrasei jo ung.

HLAHEI 73:12

Mikaṭhamak-hei khachu hing’hin kati heia kae. Katluk a annei, khava chunga anhmusa chet-chet a kae.

ISAIAH 32:11

Kahōitak a, inrengna neiloa ka-om jo chei; tâk tûnchu ṭitpum a innok ruh! Nanpōn sōt una nankhōna pōnse invei ruh.

ISAIAH 32:9

Hringkhō kahōia kahmang nuhmeihei, inrengna intō mak hei, kaṭong hri hi rangei ruh.

ISAIAH 42:11

Nêrdiram leh akhōpui he’n Pathen kha manpâk ruh; Cedar a mipui he’n ama kha manpâk hei rasoh! Sela khōpuia ka-om hei khan tlâng bilik a inphut inpâk a ông hei rasoh!

ISAIAH 47:8

“Hivahi rangei roh, hōina rōk indu nang, kahring leh inhuktak a ka-om eng kati nang. Nang in Pathen kapōhrep a kalen eng nati, nang kapō alak inkhatbek om mak nati. Nang in heitik a renghmeinu changmak ning tia indon che achangmak leh nasahei thina jâra inrengna chenmak ning nati.

JEREMIAH 48:11

Rōngpu’n ahri, “Moab hi kahōia hong ka-om ṭhak, rehringa tûte’n keiphung mak hei. Moab hi jube shunga kachokloa aka-om ju inhlei, jube inkhat a inphut inkhat a sun manrōk loa aka-om kapō kae. Amarim kha lase phung hêrmak, khana atui um katui ṭhak a kae.

EZEKIEL 30:9

“Khava kani kha ahong pha khana Egypt kha a’nsuk inhmang pha, khanga akasōk sik a taksenna kaneimak Ethiopia mihei mathōna sik rakōng shunga ṭongkarôn mi katir sik hei. Khava ṭit ka-om tak kani kha kajōng jo!”

EZEKIEL 38:11

Mipui he’n kamōnga inhrungtak a an-omna ram, khava inthōpui kase ram leh inhrungna kase kur a’nkhârmak khōpuihei chunga khan re tlona sik a intluk sik che.

EZEKIEL 39:6

Magog leh tuipui panga bōina kasea aka-om ram rakip hei chunga hmei karo manphut sik jo, khana mi rakip in kei hi Rōngpu kae tia anmanhret sik eng.

MICAH 7:14

Namihei, nakadeisōt jo hei kemōng kakhempa inkhat kha chang roh, Rōngpu. Ramhânga an-inchai kathek a an-om inum ankimvea ram thai omna, ram kaṭha ka-om hei. Tenlaia kapōa, Bashan leh Gilead phidông kekna ramlena sehei sona invei hei rasoh.

NAHUM 1:12

Hivahi ami Israelhei hneng Rōngpu’n ati kha kae: “Assyrianhei kha anhrat a antam inum, anmani suk manset heia manhmang sik hei kae. Kamihei inrengna kapek jo chei, tâk khavakha vōi khat tlo nôk mak jo ning.

ZEPHANIAH 2:15

Aratha neina chunga abinga a’nlensak khana inhuktor eng tia a’ndon khōpui chunga akasōk sik kha khavakha kae. Ami he’n ankhōpui kha raleichunga akalenpen kae tia anmandon. Ramshahei omna akachang sik hmun kha, heituk a dahlon hmun akachang sik jo mo! Khava hnenga akase akahong rakip in malung natna anneia ankahnung inle sik hei.

MIJAHEI 23:9

Hlungpui inshânga inphut anmani kajōng hmu hei; hmebunga inphut kajōng ensuitor hei. Anmani anbing rōk a akahring jât-hei kae; jât-hlop hei kanek a mahâmṭhat anchenna kha inhret hei.

DÂNRABU INHNINA 33:28

Khava jâra Jacob sōnhei kamōnga ka-om hei, bōirōk a radaitui in ralei tui apekna hmun a hmuchi leh vomhrui ju siptakna ram a inngama ka-om hei.