JEREMIAH 49:2 - LEKHARABU INTHENG (BSI)

² Kha’num apui karôn khōpui Rabbah mihei kha re innok rasa kaman theina sik hei pha kha kahong jo, inhmanga dahlona ka-om sik hei khana ankhō kasinhei kha hmei in akâng mathlâk sik hei. Khava sōa Israel in aram kha ahnenga inphut aleikalo heia inphut alomale nôk sik.

JEREMIAH 49:2 ပူးပေါင်းရင်းမြစ်များ

SAMUEL INHNINA 11:1

Akum nôk a zerthla renghei anngaia re katlo ansesōt ri pha, David in Joab leh aṭōn karônhei khana Israel remihei kha atir jo hei; Ammonhei kha antor heia Rabbah khōpui kha anhlō jo. Tâk David chu Jerusalema leika-om.

HLAHEI 48:11

Zion mihei kha inpâk hei rasoh! Nang in akadik a ṭong tanna nanei; Judah khōpui shunga hōina nei hei rasoh!

HLAHEI 97:8

O Rōngpu, naṭongtan dik jâra, Zion mipui inpâk hei, khana Judah khōpui kalenhei kha anning kaṭha.

ISAIAH 11:14

Anmani inchun sik heia kha tlaitlâk tinga Philistihei anbuhlu sik khana nisōtinga ka-om hei kha anhnong kachek sik hei. Anmani’n Edom leh Moab mihei antor sik hei, khana Ammon mihe’n anṭong anjui sik.

ISAIAH 17:1

Rōngpu’n ahri, “Damascus kha khōpui changsôt mak jo ning; suk manset hei manbukna hrep kachang sik jo.

JEREMIAH 4:19

Lung natna! Lung nat hi kei thōktor mak eng! Kamalung! Kamalung hi invaia tuk-tuk ati jo! Kei sip katia om tor mak jo eng; ke’n pengkun rasa hei leh rekōnna anpeng rasa kathei.

JEREMIAH 49:1

Hivahi Rōngpu’n Ammon chunga ahri kha kae: “Israel pasehei khon mo aka-om jo hei? Anram kahrung sik tûte om mak jo hei mo? Heisik a mo anmani’n Molech kabek hei Gad phunghei kha ram antamanhlō hei khana khō antamathlâk hei?

EZEKIEL 21:20

Hlam inbâk inkhat khan rengpa hneng Ammonhei khōpui Rabbah sorna hlam kha amanthei sik khana hlam inkhat khan Judah sorna hlam, rape a’nkhârkhum Jerusalem tlungna amalârpek sik.

EZEKIEL 21:25

“Nangni mikaṭhamak, a’nthengmak Israel vaikarônhei, nangni kani, achaina nanṭong tanna kani kha kajōng jo.

AMOS 1:14

Khava jâra Rabbah khōpui bangrape chunga hmei kahei mathlak sik, arekur kakângsō sik. Khava sōa re tuk ning rasa inhnaktak kasōk sik, retlo kha thlipui kapōa inhnak sik.

OBADIAH 1:19

“Thlang tinga Judah mihe’n Edom anhlō sik; tlaitlâk tinga hmebung thōia mihe’n Philisti ansur sik; Israel in Ephraim leh Samaria anchen sik; Benjamin mihe’n Gilead anhlō sik.

MIJAHEI 10:9

Nanram shunga re nankōn pha leh, nanjōng kasō nan-inrepui heia inphut inhrungna sik, rekōn manhretna sik apengkun hi tum ruh. Nan-Pathen Rōngpu ke’n, nankadōi heia inphut ka’nthōpui sik chei khana kahuk sik chei.

MIJAHEI 21:25

Khava jâra Israel he’n Amor khōpui rakip Hashbon leh akimvea khōpui rakip inveina anloa khō ansyema ka-om jo hei.

DÂNRABU INHNINA 13:16

Khava hmun a ka-om hei nei leh hao rakip heichoisōt ruh khana khōpui telaia buk ruh. Khava sōa khōpui leh ashunga ka-om rakip Rōngpu nan-Pathen hneng inthoina kapōa ro manvâm ruh. Khavakha pha rakip sik a manhmang thang sik kae khana ave nôk a saksōt mak sik jo kae.

DÂNRABU INHNINA 3:11

(Reng Og hi Rephaim reng inchaina kae. Ama kalōng sik rakōng kha adung metre 4 kasei, avai kha sedâna tena dungjuia metre 2 kapō inpek hlung vâng ansyem kae. Khavakha tûn katlung Ammonhei khōpui Rabbah a nilahmu ṭhak a kae.)

JOSHUA 17:11

Issachar leh Asher ramṭhen shunga, Manasseh in Beth Shan leh Ibleam, khana ankimvea hmunpui hei, inṭhōia Dor (tuipanga khō inkhat), Endor, Taanak, Megiddo, khana ankimvea khōpuihei aleichensa hei.

JOSHUA 17:16

Anmani’n anmasôn, “Tlângram so keini sik a lenrei mak, tâk phaichama aka-om Canaanhei so thir shakor gâri annei hei, Beth Shan leh akimve khōpui heia ka-om hei khana Jezreel Phaichama ka-om heia kae.”