JEREMIAH 49:13 - LEKHARABU INTHENG (BSI)

¹³ Kei khet a’ntep eng kae, Bozrah khōpui kha enngam mak nêrdiram inkhat kachang sik; mihe’n sem tlona annei sik khana arahming kha inhâksêrna inkhat a anhmang sik. Ahneng vena khōhei seng kha’m ahei tik chenna sukset kachang sik hei. Rōngpu ke’n kahri jo kae.”

JEREMIAH 49:13 ပူးပေါင်းရင်းမြစ်များ

A’NPHUTNA 22:16

“Hivahi Rōngpu ṭonghri kae, kei katak khet in a’ntep eng kae, khachu nang kalentak a vâng kapek sik che. Ajârchu, hivahi natlosōt jo khana nasapa inkhat rōk kha kahnenga pek sik maner mak che.

ISAIAH 34:6

Ama chemjâm kha inthoina kemōng leh ketak thisen leh anthai in akatōm kapōa anthisen leh anthai khan akatōm sik, Rōngpu’n hiva inthoina hi Bozrah khōpui shunga atōk sik, khana Edom ram a tha manramna hi amasō sik kae.

ISAIAH 45:23

Ka ṭongtep hi akadik kae, khan chu hivahi inthlengmak ning. Kei ka-ena rakip vânga a’ntep eng kae: Mi rakip kahong sik hei khana ankamuk sik eng. khana kaṭong juina sik a intep sik hei.

ISAIAH 63:1

“Tu mo Edom ram a Bozrah khōpuia inphut a akajōng hi? Tu mo songhrep a ret kasen vânga kalûrtak a a’nvon, ratha hratna leh ngarna inṭhōia ahong injôk so?” Ama hi Rōngpu, huksōtna sik a ratha kahrat, aretorna akahri inthang sik a akajōng kae.

JEREMIAH 18:16

Anmani’n hiva ram hi ṭit ka-om tak, ahei tik a donmak sik anmanchang jo. Ahneng kahro he’n anhmu pha anmalung kana sik anmandon-hla jâra anlu ankachuk sik a kae.

JEREMIAH 19:8

Ke’n hiva khōpui chunga hin ṭit ka-om tak suk mansetna kamasō sik, ahnenga avakase mihei khan andet-hla sik khana inlak ansak sik.

JEREMIAH 44:26

Tâk-kha Rōngpu ke’n tlotorna kanei karahming vânga, Egypt a ka-om Israel sa rakip hnenga intepna kanei kae, tûnchu rangei ruh: nangni’n heitik chen’um avea karahming panna, ‘Ke’n akahring ṭhak Chunghnung Rōngpu rahminga intep eng,’ tia intepna mannei mak jo chei ning!

JEREMIAH 48:24

Kerioth khana Bozrah hei seng chunga. Moab khōpui akahla leh akahnai rakip chunga ṭong tanna jōng katlung jo.

JEREMIAH 49:22

Hmuvânlai inkhat in amathla azera ajōng inthla kapōa indōipuihei khan Bozrah chunga anjōng buhlu sik. Khava kani ning khan Edom remihei kha, nupui naiha kaphu kapōa, ṭit-inpirna annei sik.”

JEREMIAH 51:14

Chunghnung Rōngpu’n ahringkhō khet apan a intep jo, Babylon kabuhlu sik mi katamtak, khâikhu jâm kapōa aheiṭhōi sik hei, khana anmani’n retorna ka-ông sik hei.

JOEL 3:19

“Egypt kha nêrdiram hongkachang sik Edom hongkaram sik, ajârchu Judah ram chunga re anleitloa ami ṭhenakase hei anthatpek heia kae.

AMOS 1:12

Khava jâra Teman khōpui chunga hmei kamathlâk sik khana Bozrah rekur aro khum sik.”

AMOS 6:8

Chunghnung Rōngpu’n hiva mansena ka-ôrtak hi apek jo: “Israel mipuihei inlensakna kha kamater; an-innpuihei heitea sak pek mak eng. Akhōpui kalen leh ashunga ka-om rakip an-inrepuihei kapek sik hei.”

OBADIAH 1:18

Jacob leh Joseph mihei kha hmei ka-ang sik hei; Hmei in neinâk kaṭhamak akâng manvâm kapōa Esau mihei kha anthat maram sik hei. Esau sōn leh pâr inkhatbek hringmak hei ning. Rōngpu ke’n kahri jo.