JEREMIAH 49:1 - LEKHARABU INTHENG (BSI)

¹ Hivahi Rōngpu’n Ammon chunga ahri kha kae: “Israel pasehei khon mo aka-om jo hei? Anram kahrung sik tûte om mak jo hei mo? Heisik a mo anmani’n Molech kabek hei Gad phunghei kha ram antamanhlō hei khana khō antamathlâk hei?

JEREMIAH 49:1 ပူးပေါင်းရင်းမြစ်များ

A’NPHUTNA 19:38

Asanu naipangnu kha’num sapa inkhat anei, arahming Benammi tia aleiphō. Tûnlaia Ammon mihei anpa anpu kha kae.

RENGHEI INHNINA 10:33

Jordan nisōa Arnon Tuidung pang, thlang tinga Aroer khōpui–Gad, Reuben khana Nisō Manasseh-hei omna Gilead leh Bashan ramṭhen inveisa a kae.

RENGHEI INHNINA 24:2

Rōngpu’n asōk sânkathemhei hneng atlosōt sik a aleihri hei kha Babylon, Syrian, Moab, Ammon remi rup-hei Jehoiakim kadōia Judah manhmangna sik ahei tir heia kae.

THUHMINGHEI INHNINA 20:1

Pha chomkhat sō leh Moab leh Ammon remi he’n anmani inthloppui, Meun hei leh Judah chunga re ansō jo.

THUHMINGHEI INHNINA 20:23

Ammon leh Moab-hei khan Edom remihei chunga ansō heia pui katluk a ansuk manhmang jo hei, khava sōa anmani leh anmani rahnak a intuk nôk jo hei.

NEHEMIAH 2:19

Sanballat, Tobiah leh Arab mi arahming Geshum intipa hin keini’n tlo sik a kantamantluk kha anthei phat a, anleimanuisō unga anhri, “Nangni’n heimo kantatlo nantati? Rengkalen kha inrepui sik mo nantati?”

NEHEMIAH 4:7

Sanballat, Tobiah, khana Arab, Ammon khana Ashdod mipui he’n keini’n Jerusalem bang kha hma kasetak a kansak jo ti hi anthei jo, khana banga avâtsam hei kha kanmanbitsō jo hei ti hi anthei phat a, anmani anhnuk kana hêr jo.

HLAHEI 83:7

Gebal, Ammon, Amalek mipuihei, khana Philisti leh Tyre hei.

HLAHEI 9:6

Keini inrepuihei ahei tik a sik om mak jo hei; nang in ankhōpuihei nasuk manhmang jo hei, khana anmani mahngi cher kachang jo hei.

JEREMIAH 12:14

Rōngpu’n ahri, “Ke’n kami Israel kapek hei ram akasukset, Israel inhnaipui hei hneng hri sik ṭhahrep kanei. Ke’n khava mikaṭhamak-hei kha anram shunga inphut, kahar phoisōt kapōa kalosōt sik hei, khana Judah kha anmania inphut kahuksōt sik a kae.

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 27:3

Khava sō leh Edom, Moab, Ammon, Tyre khana Sidon renghei hnenga ṭong mathlungna sik, khavakha Reng Zedekiah inhmupui sik a Jerusalema akahong anpalâi hei hneng manrônna sik a Rōngpu’n amanthei eng.

JEREMIAH 48:1

Moab chungchânga Chunghnung Rōngpu tahri kha hi kae: “Nebo mi lungset ka-om hei, ankhōpui suk manset kachang jo! Kiriathaim sura ka-om jo, arekur rape kahnet kha suk manchima ka-om jo, khana amihei kha inzakna anchen jo;

JEREMIAH 49:23

Hivahi Damascus chungchânga Rōngpu ṭonghri kha kae: “Hamath leh Arpad khōpuia mihe’n, ṭong kahōimak anthei jâra anmalung inrim jo. Tuipui kapōa, madu rangei khan anchunga in-nông inlet a inhnga tor mak hei.

JEREMIAH 49:28

Hivahi Cedar phunghei leh Babylon reng Nebuchadnezzar tahlō ram shunga Hazor vairônna ramhei chungchânga Rōngpu tahri kha kae: “Cedar mihei kha re buhlu hei ruh khana nisōtinga mihei kha suk manhmang hei ruh!

JEREMIAH 49:7

Chunghnung Rōngpu’n Edom chungchânga ahri kha hi kae: “Edom mihe’n anṭongtan kaṭha kha antamanhmang jo mo? An-inse he’n antatlo sik kha manthei tor mak jo hei mo? Ansingna rakip a’nhmangsō jo mo?

EZEKIEL 21:25

“Nangni mikaṭhamak, a’nthengmak Israel vaikarônhei, nangni kani, achaina nanṭong tanna kani kha kajōng jo.

EZEKIEL 25:1

Rōngpu’n kahnenga ahri.

ZEPHANIAH 1:5

Innphu chunga akakea kani leh thla khana ârsihei kamukna akaneihei kha kamanhmang sik hei. Kei inmuk hei khana kei kajui sik a intepna kaneihei, tâk-kha Molech pathen rahminga intepna kaneihei kha’m kamanhmang sik hei.

DÂNRABU INHNINA 2:19

Khan chu nangni’n Lot sōn, Ammonhei ram hnenga vaka-om sik chei. Anmani manbōi mak hei ruh, khana anchunga retuk phutmak ruh, ajârchu anhnenga kapek jo hei ram inkhatbek nangni pek mak chei ning.’ ”

DÂNRABU INHNINA 23:3

“Ammon leh Moab-hei a-emak leh ansōn inkhatbek, khang 10 katlunga Rōngpu mihei kâra invei theimak hei ning.

DÂNRABU INHNINA 23:4

Egypt a inphut nanhlam jōnna nanhnenga bu leh tui aleipek mak hei, khana nangni kahâksêr sik a Mesopotamia ka-om Pethor khōpuia Beor sapa Balaam anleinek a kae.