JEREMIAH 48:44 - LEKHARABU INTHENG (BSI)

⁴⁴ Tu achang inum ṭit-inpirna inphut tlânsōt sik inrei kha khur kōk a katla inhlut sik, khana khur kōk a inphut akakesōt kha chânga in-ôk sik, ajârchu Moab suksetna sik pha kha Rōngpu’n atepsa jo kae.

JEREMIAH 48:44 ပူးပေါင်းရင်းမြစ်များ

RENGHEI INKHATNA 19:17

Hazael mithatna inphut akatlânsōt hei kha Jehu’n athat sik hei, khana Jehu hnenga inphut akatlânsōt hei kha Elisha’n athat sik hei.

RENGHEI INKHATNA 20:30

Akahring seng kha Aphek khōpui kalen shunga katlân hei, khana khan khōpui kur kachima remi 27,000 adehlon nôk hei. Benhadad um khōpuia hin katlân inhlut jo, inn inkhat achortinga den a inthup a ka-om.

ISAIAH 10:3

Pathen in karâkna apek chei pha, nangni’n heimo nantatlo sik? Ama’n ram kahlatak a inphut a, nanchunga khōdeng theina apek chei pha, heimo nantatlo sik? Inthōpuina hmun a sik khonting mo akatlân sik chei? Khon mo nanneihei nantathup sik?

ISAIAH 24:17

Kahri hi rangei ruh, mi rakip! Hinahin ṭit ka-om tak hei, khur inthûk hei, khana châng he’n anhngâk ṭhak chei.

ISAIAH 24:18

Tu achang inum ṭitna inphut akatlân kha khur kōk a katla sik, khur kōk a inphut akatlânsōt khan chânga a’n-ôk sik kae. Chunga inphut khō jōng kasur inbun sik, khana raleichung kunghei innok sik hei.

JEREMIAH 10:15

Khahei kha hnemna kase hei kae donmak sik hei kae; anmani enmansinna sik a Rōngpu kha ajōng pha, suk manhmang sik jo hei kae.

JEREMIAH 11:23

Ke’n Anathoth mihei chunga inrengna mathlungna sik pha katep jo, khavakha ajongtlung pha, anmani tûte hringmak jo hei ning.”

JEREMIAH 16:16

Rōngpu’n ahri, “Ke’n hiva mihei kasur sik, nga kasur mi katamtak kajōngtir sik hei. Khava sōa shachâng kaleng katamtak, tlângbung leh hmebung khana hlungkhur shung heia inphut ankahnong sōt sik a kajōngtir sik hei.

JEREMIAH 23:12

Antajui hlam kha inne sik khana inthim sik, ke’n anmani kamanpai sik hei, khana kapûr sik hei. Ke’n anchunga ṭōnse kamasō sik; anmani karâkna anhmuna sik pha kajōng jo. Rōngpu ke’n kahri kae.

JEREMIAH 46:21

Amanu’n atanek remihei kha’m sehratte kapōa ratha heite neimak hei. Anmani ngir tor mak hei inrepui tor mak hei; ankhenga anhmai anmahea katlân hei. An-inhmangna sik kani, an-insuk inramna sik pha kha hong katlung jo.

JEREMIAH 49:8

Dedan mihei, inle una tlân ruh! Inthup ruh! Ke’n Esau sōn leh pârhei kasukset sik hei ajârchu anmani karâkna kapekna sik pha kha hong katlung jo.

JEREMIAH 50:24

Babylon, nang in kei dōina re natlo, namanhret mak inum na’n-ôkna sik châng kadoa khan inkhit jo che.

JEREMIAH 50:27

Aremi rakip thatpet hei ruh! Thatsōt hei ruh! Babylon mi inhmang jo hei! Ankarâkna sik pha kha jōng katlung jo!” (

JEREMIAH 51:18

Anmani hnemna kase, donmak sik hei kae; Rōngpu kha anchunga ṭōnkatlo ajōng pha leh anmani suk manhmang sik jo hei kae.

JEREMIAH 8:12

Kamihei, hinghiva mater ka-om tak ṭōn hi nantlo jâra inzak chei mo? Changmak, inzak hêrmak chei; nanhmai sennabek kha’m manhret mak chei.! Khava jâra mihlop-hei katlu kapōa nangni akatlu sik chei kae; ke’n karâkna kapek chei pha khan chu, khavakha nan-inchaina kachang sik jo. Rōngpu ke’n kahri jo kae.

ṬAJAISUINA 3:47

Keini hi inhmangna leh inrengna shunga leika-om ung; keini ṭitna leh thina hmun a ka-om ung.

HOSEA 9:7

Mihei khan anrahōi kasōk karâkna anrahlângna sik pha kha kahong jo. Khavakha ahong tlung pha, Israel in amanhret sik! Nang in nati, “Hiva Sânkathem hi mikamo kae. Hivahin mihe’n invetna annei jo.” Mipui nangni’n hingtuk hrep nanmater eng ajârchu nansetna kha khang hrep a kalen jo.

AMOS 5:19

Khavakha mi inkhat in shabakkai a inphut atlânsōt leh kavom a’ntōpui kapō kachang sik! Achangmak leh mi inkhat inna ahong inle pha akut kha mari tamachuk hrep sik a banga avasit kapō kha kae!

MICAH 7:4

Ankâra akaṭhapen leh malung inthengpen he’m heite akahnem mak hardông kapōhrep hei kha kae. Anmani kahrunghei, sânkathem heia inphut gîkna aleipek hei kapōa, Pathen in mihei karâkna apekna sik kani kha kajōng jo. Tûn anmani inhmak jo heia kae.