JEREMIAH 48:29 - LEKHARABU INTHENG (BSI)

²⁹ Moab kha inlensak hranghra! A’nlensakna, a’n-êng setna, khana heituk a ersōna kahrok mihei mo, khana heituk a anbinga a’ndon hei mo ti kha katheisō jo.

JEREMIAH 48:29 ပူးပေါင်းရင်းမြစ်များ

HLAHEI 138:6

Khang hrep a chung inshâng nachang inum, inhnemtak a ka-om hei kha na-ensui hei, khana mi inlensak khan nanga inphut inthup tor mak.

ṬONGCHÎK-HEI 18:12

Tûte inkhatbek um a’nsinsak mak lai seng mi’n kajana neimak hei; racham kase hei chu inhmangna hlam antahro jo kae.

ṬONGCHÎK-HEI 21:24

Mi inlensak inkhat amanhmu roh, ke’n mi racham kase, mi in-or khana mandonna kaneimak kamanhmu sik che.

ṬONGCHÎK-HEI 30:13

Anbinga kaṭha hêr ung tia indon mi ka-om hei, heituk a akaṭha ung tia a’ndon hei mo!

ṬONGCHÎK-HEI 8:13

Rōngpu kajana nei hi akaṭhamak materna kha kae; êngkase leh mi inlensak, akaṭhamak omchen leh ṭong kadikmak kamater.

ISAIAH 13:11

Rōngpu’n ahri, “Raleichunga inrengna kamathlung sik khana mikaṭhamak-hei ansetna jâra ankhenga karâkna kapek sik hei. Mi inlensak rakip kasuk manhnem sik hei, khana êngkase leh mikaṭhamak-hei kha karâkna kapek sik hei.

ISAIAH 16:6

Judah mihe’n anhri, “Moab mihei kha heituk a a’nlensak hei mo ti kanthei. Anmani an-êng kase khana inlûrsak hei ti kanmanhret, tâk an-inlensakna kha akarōk kae.”

DANIEL 4:37

“Khana tûnchu, Nebuchadnezzar ke’n marvân Pathen kha choi ka-ânna, kajana khana lûrna kapek jo. Atlo rakip kha akadik leh akaṭha rōk kae, khana inlensaktak a akatlohei kha thōi amathlaktor heia kae.”

LUKE 14:11

Ajârchu binga a’nlensak mi kha mansinsak kachang sik, khana abinga a’nsinsak mi kha choi manshâng sik kae.”

JAMES 4:6

Tâk-kha Pathen tapek maritna kha kangar chet jôk. Ajârchu ṭong intheng in hinga ahri, “Pathen in a’nlensak kha akhar, tâk a’nsinsak kha maritna apek.”