JEREMIAH 48:26 - LEKHARABU INTHENG (BSI)

²⁶ Rōngpu’n ahri, “Moab kha ju manrui ruh, ajârchu ama’n adōi enga kae. Moab in amalōk chunga inkhōn sik, khana mihe’n anmanui sik.

JEREMIAH 48:26 ပူးပေါင်းရင်းမြစ်များ

JOB LEKHARABU 15:25

Khava vângset kha Pathen hneng ankut tōm kakhing hei leh Akahratpen Pathen kadonmak hei chen sik kha kae.

JOB LEKHARABU 9:4

Pathen chu hingtuk hrep kasing khana aratha kahrat, tûte’n ama dōina ngir tor mak ning.

HLAHEI 2:4

Marvâna alen in-ongna a inphut Rōngpu’n amanui, khana heite kanimak mantlukna chunga amanuisō hei.

HLAHEI 59:8

Tâk-kha Rōngpu, anmani namanuisō hei; khana khōvelhei kha namanuisō hei.

HLAHEI 60:3

Namihei kha khōdeng namanthei hêr jo hei; ju inrui kapōa keini kanhek kanhek a kalôn jo ung.

HLAHEI 75:8

Rōngpu’n ahnuk natna kahu kangar tak kōklei kha akut a amatu, khavakha asun a mikaṭhamak rakip in an-in; atui rahme katlunga an-inpet.

SŌKSŌT 5:2

“Tu mo Rōngpu kha?” tia rengpa khan ader hei. “Ke’n heisik a mo ama ṭong karangeia Israelhei kamansesōt sik hei? Ke’n Rōngpu kha manhret mak eng khana Israel mansesōt mak ning,” ati.

SŌKSŌT 9:17

Tûn katlunga hinum heite donlo chea kamipuihei mansesōt sik lahnōm mak che.

ISAIAH 10:15

Tâk-kha Rōngpu’n ati, “Hreicha khan akahmang mipa kanek a kalen jôk eng atithei sik mo? Hôrai inkhat in akahmang mipa kanek a akakhôkdet mo? Hembung inkhat in mi inkhat kadom mak; mi khan hembung kha akadom kae.”

ISAIAH 19:14

Rōngpu’n anmani kha inhmakna sik mansena kha aman pek hei. Khava jâra, Egypt in ṭōn kadikmak rōk atloa ju inrui inkhat in amalōkna chunga akatlu kapōa kachang jo.

ISAIAH 28:8

Ani’n-ongna dokhânghei kha anmalōk kasip sō jo, hmun inthengneng inkhatbek damak hei.

ISAIAH 29:9

Nachôndân kha tlo ṭhak ina mikamo chang roh! Tlo ṭhak ina hmit kachoa om roh! Ju rahme khat inloa avet-avaia kalôn-invai chang roh!

ISAIAH 51:17

Jerusalem, thōi roh! Nabinga ṭhang inna thōisōt roh! Rōngpu’n ahnuknat a nata in sik a apek che, karâkna kōklei kha nalei in jo; nang in ju nalei in joa amanlôn manvet jo che

ISAIAH 63:6

Kahnuknat a jât pumpui kachōn rachi heia kakathek jo hei. Ke’n anhringna thisen kha raleichunga kasun mathlâk jo.”

JEREMIAH 48:39

Moab kha kakōidâk jo! Kaṭap jo! Moab hmaimôkna inpek jo. Inset a ka-om jo, khana akimvea ka-om jât he’n anmanuisō jo. Rōngpu ke’n kahri jo kae.”

JEREMIAH 48:42

Moab kha sukset a ka-om sik, jât inkhat chang nôk mak jo ning, ajârchu ama’n adōi enga kae.

JEREMIAH 50:29

The leh sai kachoihei kha Babylon anbuhluna sik a manthei hei ruh. The leh sai kathem mi rakip tirsōt hei ruh. Babylon khōpui kha ûmsi ruh, tûte masō mak hei ruh. Aleitlona kha ahnenga tlo male ruh, milak arazen hei kapōa ama razen ruh, ajârchu Israelhei A’ntheng Inkhat, kei dōina inlensaktak a omchen atloa kae.

JEREMIAH 51:39

Anmani akalôp hei mo? Ke’n revei sâktlâng inkhat kamantluk pek sik hei, khana ju kaman rui heia kamanhōi sik hei. Anmani khō manhret loa kaje sik hei, thōimak jo hei ning.

JEREMIAH 51:57

Ke’n avaikarônhei, ami kasinghei, ahlam kakeihei, khana aremihei ju kaman rui sik hei. Anmani kaje sik hei khana thōimak hei ning. Rn ke’n kahri jo kae; Kei Akahratpen Rōngpu eng kae.

JEREMIAH 51:7

Babylon hi kakut chunga sana kōklei inkhat, vânhnōi ralei ju amanrui hei khava kapō kha kae. Jât he’n aju kha an-ina amanvet hei.

ṬAJAISUINA 1:21

“Kei inkōina hi arangei pek roh; lungngamna anikapek sik tûte om mak. Nang in kachunga inrengna napek eng jâra ka-inrepui hei inpâk hei. Naṭong tepna kani kha heimatlung roh; kei kapōa khōdeng manthei hei roh.

ṬAJAISUINA 3:15

Ama’n kasâk leh ka-in sik a apek eng kha inrengna kakhôktak rōk hi kae jo.

ṬAJAISUINA 4:21

Edom leh Uz mihei manui ruh; nan-inpâk torlai hin inpâk jo ruh nan-inrengna sik pha kha’m kahong jo; nangni’m inzak a pōn leh der kasea laka-om sik chei.

DANIEL 11:36

“Syria rengpa’n alungdo hrep a kachôn sik. Ama’n pathen rakip kanek a, Chunghnung Pathen kanek a’m kalen eng tia inlensak sik. Pathen in akarâkna sik pha ahong mak kârseng ama’n khanga atlo tor sik. Pathen in amantluk kha atlo nger sik kae.

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

DANIEL 8:10

Ama’n marvân remihei, ârsihei, inrepuina sik pui katluk a ratha aleinei, ama’n ṭhahrep hei chu raleia ajōng hlon mathla heia ake vânga achōnpha hei.

NAHUM 3:11

Nineveh, nang um ju inrui khō inhret maktak a katlu sik che! Nang um naka-en kada heia inphut inphesōt sik a natlo sik.

HABAKKUK 2:16

Nangni kajana chen kanek a khava phuhlōna khan inzakna’n amakhu sik chei. Rōngpu khet in nangni karâkna kōklei kha asyempek sik chei, khana nangni kajana kha inzakna hongkachang sik jo.

THESSALONIANHEI INHNINA 2:4

Ama khan kamuk neinâk rakip leh Pathen inti hei kha ahonghōt sik hei, anchung katōngpena ama abinga hong ka-om sik a kae. Pathen Bek-inn shunga kapha kahlut sik khana in-ong sik Pathen a’nchangsak sik kae.

ṬONGPHÔNG 16:19

Khana khōpui kalenpen kha sem thuma kakōi jo, khan chu ram rakip a khōpuihei kha insuset sō jo hei. Babylon akalen kha Pathen in amandonsōt khana ama hnuk natna kōkleia inphut ju kha aleiman-in.