JEREMIAH 48:2 - LEKHARABU INTHENG (BSI)

² Moab lûrna lenna kha katlang jo. Inrepui he’n Heshbon ansur jo khana Moab jât-hei suksetna sik anmantluk jo. Madmen khōpui kha mandai hnger sik kae; akadōia remihei injôk sik hei.

JEREMIAH 48:2 ပူးပေါင်းရင်းမြစ်များ

ISAIAH 15:1

Hivahi Moab chungchânga ṭongpek kha kae. Ar leh Kir khōpui jân khat rōk a suk manhmang jo hei kae, khana Moab ram kha kadai rep a ka-oma kae.

ISAIAH 15:5

Moab sik a kamalungria kaṭap eng! Mihei kha Zoar khōpuiting leh Eglath Shelishiya khōpuiting katlân jo hei. Ṭhahrep Luhith hlampui ting, anṭap pum a kake hei; ṭhahrep khat in Horonaim ting, malung natpuma ka-ông heia katlânsōt hei.

ISAIAH 16:14

Khana tûn Rōngpu’n ahri, “Kum thum shungtak a Moab-hei nei leh hao katamtak inhmang sik jo. Amipui katamtak hei hi ajingte rōk kahring sik hei, khana anmani katlasam sik hei.”

ISAIAH 25:10

Rōngpu’n Zion Tlâng ahrung sik, tâk Moab mihei khachu sapôt kha bonthlōk kâra chōn manhlut kapōa, achōn kahnur sik kae.

JEREMIAH 25:15

Israelhei Pathen, Rōngpu’n kahnenga ahri, “Hinahin kahnuk natna vânga akasiptak ju kōklei ka-om. Ke’n katirna che jât rakip hei hnenga hivahi man in hei roh.

JEREMIAH 25:17

Khava jâra Rōngpu kut a inphut kōklei kha kalo jo, khana Rōngpu’n atirna eng jât-hei hneng kapek jo hei, khana anmani kaman-in jo hei.

JEREMIAH 31:36

Ama’n ṭong atep ti chu raleichung hi angaia a-omlai seng, Israel hi jât inkhat kachang ṭhak sik.

JEREMIAH 33:24

“Ke’n kakadei innshung 2, Judah leh Israel kahlonsōtna hei ṭong mihe’n antahri kha namanhret jo mo? Khava jâra anmani’n kamihei hi hnōi anse heia, jât inkhat hei kae tia mandon mak jo hei.

JEREMIAH 46:28

Kei nanhnenga kahong sik eng khana kahuk sik chei. Ke’n nangni kaman chek-chaina chei ram a jât rakip hei kha kasuk manram sik hei, tâk-kha nangni chu manhmang mak chei ning. Nangni karâkna pek loa damak chei ning, tâk-kha karâkna kapek chei pha, kadâitak a katlo sik. Rōngpu, ke’n kahri jo kae.”

JEREMIAH 48:17

“Khava jât sik a, ahnenga ka-om seng nangni, arahming inthangna inhret nangni seng in ṭajai sui ruh. Ti ruh, ‘Arathahrat vairônna kha insukkhōi jo; alûrna leh ahratna om mak jo.’

JEREMIAH 48:42

Moab kha sukset a ka-om sik, jât inkhat chang nôk mak jo ning, ajârchu ama’n adōi enga kae.

JEREMIAH 48:45

Inthōpui kase rekatlânhei kha pha khat a Reng Sihon vai leirônna khōpui Heshbona inhrungna sik a anjong, tâk khava kha’m hmei kakâng jo. Re indu Moab mihei kur rape khana hmebung chunga heikakâng inthlut jo hei.

JEREMIAH 49:3

Heshbon mihei, pengsōt ruh! Ai kha sukset kachang jo! Rabbah nupuihei, ṭajai sui ruh! Bora pōnse insi una inhngaisui ruh. Inhmak una tlân ruh! Nan-pathen Molech kha athempuhei leh arengsa hei leh rehringa ankei sik hei.

JEREMIAH 49:37

Ke’n anmani kathat hnōm hei, an-inrepuihei kha Elam mihe’n kamanṭit sik hei. Kahnuknat inhnak vâng Elam mihei kha kasuk manhmang sik hei khana kaman ramsō mak hei kârseng remi kajōngtir sik hei.

MIJAHEI 32:37

Reuben phung he’n, Heshbon, Eleale, Kiriathaim,