JEREMIAH 44:2 - LEKHARABU INTHENG (BSI)

² Chunghnung Rōngpu Israel Pathen in ahri, “Jerusalem leh Judah khōpui ralak-hei seng chunga suksetna kajōng mathlung kha nangni khet in nanhmu jo. Tûn katlunga’m inhmanga laka-om hei, tûte la-omna mak hei

JEREMIAH 44:2 ပူးပေါင်းရင်းမြစ်များ

RENGHEI INHNINA 21:13

Samaria hnenga katlo kapōa, Israel Reng Ahab leh asōnhei hneng katlo kapōa, Jerusalem chunga’m karâkna kapek sik. Thleng inkhat sôp manthengpet a malet khup kapōtak a, ke’n Jerusalema amihei kha kaphetsōt pet sik hei.

SŌKSŌT 19:4

“Rōngpu ke’n Egypt hei hnenga heimo kaleitlo khana marhmu khan ate kha amathla vânga ajōngpui kapōhrep a heikhonga mo kahong ṭhōi cheia hiva hmun kahong mathlung chei ti kha nangni’n nanhmu jo.

ISAIAH 24:12

Khōpui kha inhmang jo, khana khōpui kekot-hei kha’m sukmathlek jo hei kae.

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

JEREMIAH 25:11

Hiva ram pumpui hi hleiram kachang sik, hmit-enna malung tônna kachang sik, khana ram hnenga ka-om jât he’n kum 70 Babylon rengpa sepa antlo sik.

JEREMIAH 34:22

Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”

JEREMIAH 4:7

Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 44:22

Tûnlaitak hin nanram kha inhmanga ka-oma tûte om mak jo hei. Akaṭhamak omchen nantatlo kha Rōngpu’n a-en hnâm tor mak jo jâra, ram kha hmit-enna enngam timak jo khana mihe’n arahming kha inhâksêrna inkhat a anhmang joa kae.

JEREMIAH 44:23

“Nangni’n pathen ralak hnenga inthoina nantōk a aṭongpek rakip kha nanjuimak jâra, Rōngpu dōina setna nantlo jâra hiva thi inramna hi nanchunga ajōng katlung kae.”

JEREMIAH 7:34

Ram kha nêrdiram hongkachang sik. Judah khōpuihei leh Jerusalem hlamdunga, inpâkna leh hōina khana hmōiṭhōi rehōi rasa kamanbâng sik jo hei.

JEREMIAH 8:3

Hiva jât kaṭhamak mi alakahring hei hi, ke’n kakathek manchaina hmun a alaka-om hei hi, kahringa anka-om sik kanek a kathi hnōm chet sik heia kae. Chunghnung Rōngpu ke’n kahri jo kae.”

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

ṬAJAISUINA 1:1

Pha khat a mipui kasip a omna khōpui, Jerusalem kha heikhonga abinga ka-om jo! Pha khat a vânhnōi in kajana anta leipek kha, amanu kha, tunchu renghmei kapōa ka-om jo; Khōpui kâra akalenpen kha sōk changna hrep a katlu jo.

ṬAJAISUINA 1:16

“Khava jâra kahmit a hmit-rathli kasiptak kalōnga kae. Tûte’num amathlem tor mak hei; tûte’num lungngam apektor mak hei. Ka-inrepui he’n kei antor jo eng; kami om hêrmak jo hei.

ṬAJAISUINA 5:18

ajârchu Zion Tlâng abinga dahlona ka-om jo ram a ka-om ram-ui he’n khava suksetna kâra khan kalôn lele hei.

DANIEL 9:12

Nang in kanhnenga leh kanvai karônhei hnenga tlo sik a nahri kha natloa kae. Nang in raleichunga aka-om khōpuihei kanek a Jerusalem kha kakhôk chet a nakarâk a kae.

LEVI-DÂN 26:31

nankhōpui kha kamanhmang sik, nan-inthoina hei kha rahlâng mak ning.

LEVI-DÂN 26:43

Ahma kakeia ram kha amihei mandahlon sik kae, pui katluk a châm a’nhngatna sik a, khana kadân leh kaṭong pek hei anhlonsōt jâra karâkna kha antachen sik kae.

MICAH 3:12

Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.

ZECHARIAH 1:6

Kasōk sânkathem heia inphut, nanpu sōnhei hneng ṭongpek leh gîkna kapek jo hei, tâk heitea lomak hei khava kara inrengna kha anthōk joa kae. Khava sōa anmalung anthlenga Chunghnung Rōngpu kei in anmani chenhlam kasōk karâkna kapek hei kae khana tlo sik a ka’ntlukna kha katlo kae ti hi anhong manhret jo.’”

DÂNRABU INHNINA 29:2

Moses’n Israel mi rakip abek mantûp heia ahri, “Egypt reng, avaikarônhei leh aram shunga khan Rōngpu’n heimo aleitlo kha nanhmu jo.

JOSHUA 23:3

Nangni jâra Rōngpu nan-Pathen in hiva jât-hei seng hnenga heirakip atlo hi nangni’n nanhmu jo. Rōngpu nan-Pathen in nangni sik re atuk pek jo cheia kae.