JEREMIAH 43:11 - LEKHARABU INTHENG (BSI)

¹¹ Nebuchadnezzar kajōng sik, Egypt ator sik. Nat hrisea akathi sik hei kha nat hrisea kathi sik hei, rehringa khum sik hei kha rehringa ankhum sik hei, khana rea that sik hei kha rea anthat sik hei.

JEREMIAH 43:11 ပူးပေါင်းရင်းမြစ်များ

JOB LEKHARABU 20:29

Hivahi kae mikaṭhamak-hei vâng chen sik, Pathen in anhnenga amanchen hei kha.

JEREMIAH 15:2

Anmani’n ansena sik hmun ander che pha, kaṭong hri hi manthei hei roh: Ṭhahrep hrise nat a kathi sik hei khavakha ansena sik hmun a kae! Ṭhen khat rea kathi sik hei khavakha ansena sik hmun a kae! Ṭhahrep khat vonṭâma kathi sik hei khavakha ansena sik hmun a kae! Alak-hei kha khum sik a anṭhōisōt sik hei, khavakha ansena sik hmun a kae.

JEREMIAH 25:15

Israelhei Pathen, Rōngpu’n kahnenga ahri, “Hinahin kahnuk natna vânga akasiptak ju kōklei ka-om. Ke’n katirna che jât rakip hei hnenga hivahi man in hei roh.

JEREMIAH 25:19

Aralak kōkleia inphut aka-in sik hei rahming kha: Egypt rengpa, aṭōn katlohei leh hlamkakeihei seng. Egypt mi leh Egypt a ka-om ram hlop mihei seng; Uz ram a renghei seng; Philisti khōpuihei, Ashkelon, Gaza, Ekron khana Ashdod a alaka-om hei seng, Edom, Moab khana Ammonhei seng, Tyre leh Sidon renghei seng; Mediterranean ram a renghei seng, Dedan, Temah khana Buz khōpuihei seng, Ansam kabongtek a kavo hei seng; Arabia renghei seng; nêrdiram a ka-om jât-hei seng; Zimri, Elam khana Media renghei seng, sak intongtinga renghei, akahla leh akahnaia ka-om hei, abân bâna renghei seng. Raleichunga ka-om jât rakip in hinna inphut anta-in sik kae. Achaina pena, Babylon reng in hinna inphut a-in sik kae.

JEREMIAH 42:22

Khava jâra tûnchu hivahi mandon ruh: nangni nanse leh nanva om hnōmna ram shunga khan rea, a-emak leh ṭâma, khana natsea akathi sik chei kae.”

JEREMIAH 44:12

Judah mi dahlona ka-om hei khan, Egypt a anvase leh anvaka-om sik a an-intluk inchu, anmani ankhenga suk manhmangna sik a ahlam ka-en sik. Ankhenga akasin, akalen Egypt a rea achangmak leh ṭâma kathisō sik hei. Anmani enngam changmak hei ning; mihe’n sem anmanlo sik hei; mihe’n anrahming kha hâksêrna anhmang sik jo.

JEREMIAH 44:13

Ke’n Jerusalem kha re, ṭâm, natse vânga karâkna kapek kapōa, Egypt a aka-om hei kha karâkna kapek sik hei.

EZEKIEL 29:11

Khava shunga khan mihring leh sha inkhatbek lônmak ning. Kum 40 khana khan heite om mak ning.

EZEKIEL 5:12

Nami ṭhen thuma inkhat nat leh vonṭâma khōpui shunga kathi sik hei; ṭhen khat in khōpui vânga chemjâm vâng tuktan sik hei kae; khana achaina ṭhen khat kha thli kâra kachai kathek sik chei khana chemjâm vânga manlōisōt sik hei kae.

ZECHARIAH 11:9

Khana kemōng rup-hei hneng ke’n kahri jo, “Kei hi nangni kemōng kakhem changmak jo ning. Akathi sik khan thi jo ruh. Suk manhmang sik khan insuk inhmang jo ruh. Akathimak hei seng khan khat leh khat inthat jo hei rasoh.”

ṬONGPHÔNG 13:10

Sur sik a ka-om mi kha sur nger sik kae; khan chu chemjâm vâng that sik a ka-om mi kha chemjâm vâng that nger sik kae. Hivahi Pathen mihei khan antaksenna leh andehratna sik arangei kae.”