JEREMIAH 42:6 - LEKHARABU INTHENG (BSI)

⁶ Kantlaina sik achanga khana kantlai makna sik achang inum, ahnenga aderpek roh kantati Rōngpu ni-Pathen kha keini’n kanjui sik. Keini’n ama kanjui inchu heirakip kaṭhachôm sik.”

JEREMIAH 42:6 ပူးပေါင်းရင်းမြစ်များ

HLAHEI 128:2

Naṭōntlo khan namadu kha apek sik che; kahōi sik che khana kakhang sik che.

HLAHEI 78:36

Tâk-kha anṭonghri hei chu maleisei rōk kae; malung inthenga antahri inkhatbek om mak.

SŌKSŌT 24:7

Khava sōa intepna lekharabu, shunga Rōngpu ṭongpek a’nsun hei kha aloa mipuihei hneng kare inshângtak a atei pek hei. Anmani’n, “Keini’n Rōngpu kha kanjui sik khana aṭongpek rakip kha kantlo sik,” anleiti.

ISAIAH 3:10

Mikadik-hei kha kahōi sik hei, anmani sik a heirakip inzen sik. Anṭōn tlona chunga inpâkna anchenpui sik.

JEREMIAH 22:15

Cedar thing vânga innhei nasak inchu, mihlop-hei kanek a inn kaṭhachet nasak jâra khava khan akaṭhachet reng amanchang che mo? Napa’n hringkhō pui katluktak kha ahmang. Ama chu ahei tik a akadik leh akaṭha atlo, khana atlona rakip a khangsōtna aleinei.

JEREMIAH 43:4

Khava jâra Johanan leh remi ṭōnkarônhei khana mipuihei anchanga, Rōngpu ṭongpekna Judah ram a om sik kha juimak jo hei.

JEREMIAH 7:23

Tâk-kha kei anmani Pathen kachangna sik khana anmani kei mipui anchang theina sik a, kaṭong anjuina sik a chu ṭong kaleipek hei. Khana anmani sik a ṭhatthei achangna sik a, kaṭong pek hei dungjuia an-omna sik a kamanthei hei.

ROMANHEI 7:13

Khan chu akaṭha kha kei sik a thina akachang jo mo? Changmak! Khava katlosōt khachu setna kae; setna ngai kha kadiktak a a’nlârsōt theina sik, setna khan akaṭha kha ahmangchâk a kei chunga thina ahei rôn sōt kae. Khang’khan ṭongpek kha ahmangchâk a setna kha akakhôk chet setna hongkachang jo.

ROMANHEI 7:7

Khan chu, Dân kha binga setna pui katluk kae niti sik mo? Changmak! Tâk-kha Dân khan setna kha heimo kae ti amanthei eng. Ajârchu Dân khan, “Minei chunga thangset tlomak roh,” aleiti mak inchu, ke’n thangset inti kha kalei manhret mak sik kae.

ROMANHEI 8:7

Khava jâra anmihring ngai tamadu vairôn hei khachu Pathen kadōi hongkachang hei; ajârchu Pathen Dân kha juimak heia kae, khana inchêntak a ajui um juitor mak hei.

DÂNRABU INHNINA 5:27

Moses, inle roh, Rōngpu ni-Pathen in ahri rakip kha varangei roh. Khava sō leh hei inle ina, heimo ahri seng kha keini hneng amanthei roh. Keini’n kanrangei sik a kha kanjui sik.’

DÂNRABU INHNINA 5:29

Hiva kapōa ahei tik a anmandon ṭhak inchu nu! Anmani leh ansōnhei sik ahei tik a akaṭha achangna sik a ankaja ṭhak enga kaṭong pek rakip anjui inchu anmani leh ansōn anpârhei sik a kaṭha sik.

DÂNRABU INHNINA 5:33

Nansik a heirakip aṭhatna sik leh nanta hlō sik ram shunga nan-om ṭhak theina sik a, khahei rakip kha jui ruh.

JOSHUA 24:24

Khava sōa mipui he’n Joshua hneng anti, “Keini’n Rōngpu kan-Pathen kanrazen sik. Keini’n aṭongpek-hei kanjui sik.”