JEREMIAH 42:2 - LEKHARABU INTHENG (BSI)

² kahnenga anti, “Lungset a keini tader che hi tlo roh! Keini sik a Rōngpu, ni-Pathen hneng derna nei roh. Akahring seng keini sik a der roh. Pha khat a eini hi leikatam me; nang in nahmu kapōa, tûnchu akatlômtek andahlon jo me.

JEREMIAH 42:2 ပူးပေါင်းရင်းမြစ်များ

RENGHEI INKHATNA 13:6

Reng Jeroboam in sânkathem hneng ati, “Kakut hi adam nôkna sik Rōngpu na-Pathen hnenga aderpek roh!” Sânkathem khan Rōngpu hneng ader a, rengpa kut kha kadam jo.

HLAHEI 119:170

Kaderna che arangei pek roh, Naṭongtep dungjuia eihuksōt roh!

SŌKSŌT 8:28

Rengpa’n, “Nangni ram kahlatak a nanse mak sik achang inchu, ke’n ram thōia Rōngpu nan-Pathen hneng inthoina tōkna sik a kamansesōt sik chei. Kei sik aderpek ruh,” ati.

SŌKSŌT 9:28

Rōngpu hneng aderpek ruh! Keini khō inri leh kahre’n adeng ung hi katluk set jo! Nangni sesōtna sik a kei intep eng; hiva hmun a omsôt mak jo tin chei,” ati.

ISAIAH 1:15

“Nangni’n derna nankut nankalâng pha, ke’n enmak chei ning. Heituk nandera achang inum, theipek mak chei ning, ajârchu nankut hei kha thisen in akatoma kae.

ISAIAH 1:9

Akahrat chunghnung Rōngpu’n mi ṭhahrep kahringa adamak he’nchu, Jerusalem khōpui kha Sodom leh Gomorrah kapōa suk manhmang hêr akachang sik kae.

ISAIAH 37:4

Assyria rengkalen khan aṭōn karôn kalenpen kha akahring Pathen inzak kapek sik ajōngtir. Khava inzak pekna kha Rōngpu na-Pathen khan thei sona khava akahri chunga karâkna pek rasoh. Khava jâra nimihei akahring hei seng sik a Pathen hneng der roh.”

ISAIAH 42:20

Israel, nang in hingtuk hrep nahmu jo, tâk-kha nang sik a heitina mo akae jo hei? Nang in atheina sik kōr nanei, tâk-kha natheikhet kha heimo kae?”

JEREMIAH 15:11

Rōngpu, nang sepa kaṭha karazen mak che’nchu, khana kakadōi hei kha bōina leh inrimna anratō pha ankahlanga nahnenga kangekpek mak he’nchu, anmani hâksêrna hei seng kha kachunga tlung rasoh? (

JEREMIAH 2:27

Thingkung kha kanpa khana hlungpui kha kannu kati nankhenga inzak nanratō sik. Hivahi hong kasōk sik ajârchu kei hnenga nanhong inhe sik kanek a keia inphut katlânsōt jo cheia kae. Tâk-kha khōdengthei nanratō pha leh chu kei hi kahong leh kahukna sik cheia nanbek enga kae.

JEREMIAH 21:2

“Lungsettak a Rōngpu hneng keini sik a ahri pek roh, ajârchu Babylon rengpa Nebuchadnezzar leh aremi he’n kankhōpui anvakimve tlit joa kae. Rōngpu’n keini sik a ṭōn-inlak inkhat atlopek unga Nebuchadnezzar kha rumhrat a aramting amanle theia kae.”

JEREMIAH 36:7

Anmani Rōngpu hnenga andera anṭhatmakna hlam a inphut hong inhe thei khet sik heia kae, ajârchu Rōngpu’n hiva mipuihei hi ama ṭit ka-om tak leh ahnuk inthakna vâng khan amaṭhit jo heia kae.”

JEREMIAH 37:20

Khana tûnchu, Rengpa, kaṭong hri narangei sik leh kamansena che kha natlo sik a kangek che kae. Lungsettak a kei Jonathan inna khum sik a atir male mak jo roh. Natir nôk eng inchu, sona son avakathi nger sik eng kae.”

JEREMIAH 37:3

Reng Zedekiah’n Shelemiah sapa Jehucal leh Maaseiah sapa thempu Zephaniah hei kha kanjât-hei kahlanga Rōngpu kan-Pathen hneng derna kaneina sik, kahnenga akangek sik a ahei tir hei.

JEREMIAH 38:14

Pha khat nôk a Reng Zedekiah’n Bek-inn hlutna kot 3 tlukna hmun a ava manṭhōi nôk eng, khana ama’n ahri, “Ke’n nang ṭong kader sik che, akadiktak namanthei sik enga kamadu.”

JEREMIAH 40:15

Khava sōa Johanan in marûk katia ahnenga ahri pek, “Kei se eng sona Ishmael vathatsōt rong, khana tûte’num tu tatlo mo ti kha manhret mak hei ning. Heisa mo ama’n athatsōt sik che kha nihnōm pek sik?”

JEREMIAH 42:20

ti chu nangni’n thina theitak a nansukṭhe jo. Nangni’n Rōngpu ni-Pathen hneng nansik a akader sik a nanleingek eng, khana ama ṭongpek rakip nanjui sik tia le’ntep chei.

ṬAJAISUINA 1:1

Pha khat a mipui kasip a omna khōpui, Jerusalem kha heikhonga abinga ka-om jo! Pha khat a vânhnōi in kajana anta leipek kha, amanu kha, tunchu renghmei kapōa ka-om jo; Khōpui kâra akalenpen kha sōk changna hrep a katlu jo.

EZEKIEL 12:16

Anmani jât-hlop hei kâra an-omlai hmalaia anṭōn leitlo hei kha heituk a mater ka-om mo tia anhong manhretna sik khana kei hi Rōngpu eng kae tia anhnōmna sik, anmani ahlek chu rea, ṭâma, nat leh sat heia inphut kamanhring sik hei.”

HOSEA 8:10

Tâk-kha tûn ke’n kakhôm manchun sik hei khana karâkna kapek sik hei. Assyria rengpa’n akarâk hei pha leh, nat a inkōi sik jo hei.

LEVI-DÂN 26:22

Ke’n thitheina shahei nankâra kajōng tîr sik, nansahei anthat sik hei, nanranhei ansuk manhmang sik hei, nangni akatlômtek ka-om sik cheia kha nanhlampui hei kha andahlonsō sik jo.

AMOS 7:2

Kahmangtalâr a khan ram shunga phidông rakip khâikhu he’n antasâkpet kha kaleihmu, khan ke’n kati, “Chunghnung Rōngpu, namihei rangei mandam hei roh! Anmani heikhong inmo akahringtor sik hei? Anmani katlôm hei khana katlasam hêr hei!”

MATTHEW 24:22

Tâk Pathen in kanihei kha amantlôm jo; amantlôm mak inchu, tûte hring tor mak ning. Hei-achang inum ami kadeisōt hei sik jâra Pathen in kanihei kha asukmanbong pek sik hei.

ṬŌNTLOHEI 8:24

Simon in Peter leh John hneng, “Hiva nanta hri rakip hei hi kachunga inkhatbek atlung makna sik, lungsettak a Rōngpu hneng aderpek ruh,” aleiti.

DÂNRABU INHNINA 28:62

Marvâna ârsi jahrep nanhong chang jo tâk inum, ahlekte rōk kahring sik chei, ajârchu Rōngpu nan-Pathen kha aṭong juimak cheia kae.

DÂNRABU INHNINA 28:63

Rōngpu’n nangni manpung sik leh manhao sik aleimadu kapōa, nangni suk manhmang sik leh suk manset sik kha ahei madu sik. Nangni tahlō sik ram a inphut alosōtreng sik cheia kae.

DÂNRABU INHNINA 4:27

Jât-hei kâra Rōngpu’n amanchek chai sik chei, khana khan nangni, ṭhahrep chu kahring sik chei.

JAMES 5:16

Khava jâra nangni inkhat leh inkhat nansetnahei inhri sōttō una, nandam theina sik inderpek ruh. Mikadik derna khan ratha kaneitak a ṭōn atlo.

SAMUEL INKHATNA 12:19

khana Samuel hneng anti, “Apu, lungsettak a keini kanthimakna sik a Rōngpu na-Pathen hnenga aderpek roh. Tûnchu kanmanhret jo, kansetna alak-hei chunga reng inkhat kandera setna kantlo jo.”

SAMUEL INKHATNA 12:23

Kei sik a chu, nangni sik derna neiloa oma, ama dōina setna tlo sik hi Rōngpu’n ahnōm pek mak a kae. Khava kanek a, akaṭha leh akadik nantatlo sik kha kamanthei sik chei.

SAMUEL INKHATNA 7:8

khana Samuel hneng anti, “Rōngpu ni-Pathen hnenga derṭhak inna om roh, Philisti heia inphut anihûkna sik me.”