JEREMIAH 42:18 - LEKHARABU INTHENG (BSI)

¹⁸ “Rōngpu, Israel Pathen khan ahri, ‘Jerusalem mihei chunga kahnuk natna leh kahnuk inthakna kajōngsun mathlâk kapōa, nangni Egypt ram a nanse’nchu, nangni chunga kahnuk natna kajōngsun mathlâk sik kae. Nangni, mihring hmit ena mi inrimnatak kachang sik chei; mihe’n sem anmanlo sik chei khana nanrahming kha inhâksêrna anhmang sik jo. Nangni hiva hmun hi hmu nôk mak jo tin chei.’”

JEREMIAH 42:18 ပူးပေါင်းရင်းမြစ်များ

THUHMINGHEI INHNINA 34:25

Anmani’n anhlonsōt enga pathen ralak hnenga inthoina anneia kae, anṭōntlo rakip hei khan kahnuk anmannat a kae. Kahnuknat kha Jerusalem chunga inhnak a kae, khana hivahi bângmak jo ning.

ISAIAH 30:3

Tâk-kha rengpa kha inthōpuina ratha heite neimak ning, khana Egypt hrungna kha suk inhmangna ting inchai sik.

ISAIAH 65:15

Kakadeisōt mihe’n nang rahming kha hâksêrna inkhat a anhmang sik. Chunghnung Rōngpu ke’n, kathat sik che kae. Tâk-kha kaṭong kajuihei khachu ke’n rahming ther kapek sik hei.

JEREMIAH 18:16

Anmani’n hiva ram hi ṭit ka-om tak, ahei tik a donmak sik anmanchang jo. Ahneng kahro he’n anhmu pha anmalung kana sik anmandon-hla jâra anlu ankachuk sik a kae.

JEREMIAH 22:27

Hiva ram hi nangni’n nanhmu hnōm nôk sik, tâk-kha ahei tik a’m hong inlemak tin chei.”

JEREMIAH 23:40

Anchunga ahei tik chenna mahngi theimak sik inzakna leh hmaimôkna kamathlung sik kae.”

JEREMIAH 24:9

Anchunga inhmangna kamasō sik, khavakha raleichunga jât rakip he’n anṭit a inpir sik hei. Mihe’n sem tlona anhmang heia manuina annei sik hei, anmanuisō sik hei, anmani kaman chek-chaina hei hmun rakip a anrahming kha inhâksêrna inkhat a anhmang sik hei.

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 26:6

Nangni’n khanga juiloa nan-om ṭhak inchu, ke’n Shiloa katlo kapōa hiva Bek-inna hin katlo sik kae, raleichunga jât rakip in hiva khōpui rahming hi inhâksêrna inkhat a antahmang sik jo kae.”

JEREMIAH 29:18

Anmani kha re, vonṭâm, leh hrise vânga kamanloi sik hei, vânhnōia akahmu jât rakip in ṭit-inpir sik hei. Hmuntina kakathek chai sik hei, anhnenga akasōk omchen kha mihei malung tônna leh inpirna annei sik. Mihe’n anmanuisō sik hei, khana anrahming kha inhâksêrna annei sik.

JEREMIAH 29:22

Jerusalema inphut Babylona kurkhum a ṭhōisōt jo hei khan mi inkhat anhâksêr hnōm pha, anmani’n anti sik, ‘Nang um Zedekiah leh Ahab Babylon rengpa’n anhring pum a hmeia aro hei kapōa Rōngpu’n ro che rasoh!’

JEREMIAH 33:5

Ṭhahrep chu Babylon mihei leh re intuk sik hei, kahnuknat leh kahnuk inthakna jâra kavōk manjâm sik mihei kalōng khan innhei kha anmansipsō sik hei.

JEREMIAH 44:12

Judah mi dahlona ka-om hei khan, Egypt a anvase leh anvaka-om sik a an-intluk inchu, anmani ankhenga suk manhmangna sik a ahlam ka-en sik. Ankhenga akasin, akalen Egypt a rea achangmak leh ṭâma kathisō sik hei. Anmani enngam changmak hei ning; mihe’n sem anmanlo sik hei; mihe’n anrahming kha hâksêrna anhmang sik jo.

JEREMIAH 44:22

Tûnlaitak hin nanram kha inhmanga ka-oma tûte om mak jo hei. Akaṭhamak omchen nantatlo kha Rōngpu’n a-en hnâm tor mak jo jâra, ram kha hmit-enna enngam timak jo khana mihe’n arahming kha inhâksêrna inkhat a anhmang joa kae.

JEREMIAH 44:6

Khava jâra ke’n kahnuknat leh kahnuk inthakna kha Judah khōpuihei chunga leh Jerusalem hlampui heia hmei vânga karo hei kae. Khahei kha tuning katlunga inhmanga, hmit a enngamlotak a ka-om jo hei.

JEREMIAH 44:8

Nangni’n nan-omna sik a nanta heijōn Egypt a limhei nankamuk a pathen ralak hnenga inthoina nantōk a heisik a mo kahnuk nanta mannat? Raleichunga jât he’n sem manlonâ sik chei leh nanrahming kha inhâksêrna anhmangna sik chei, nanbibinga insuk inhmangna sik a hivahi nantatlo mo kae?

JEREMIAH 6:11

Anmani chunga nahnuk natna khan ke’m atôn eng, Rōngpu, ke’n, khavakha detor mak eng.” Khava sōa Rōngpu’n kahnenga ahri, “Hlampuia naipanghei leh rether intûp hei chunga kahnuknat kha sun mathla roh. Sanghram hei, annuhmei leh anpuisehei kha ṭhōisōt sik hei kae, akaterber hei kapha’m ṭhōisōt sik jo hei kae.

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

ṬAJAISUINA 2:4

Inrepui inkhat kapōa ama’n kanlangting the kâp sik aradin ung; Kanhōina leh kantamadu rakip athatpek jo ung. Jerusalema hin hmei kapōhrep a ahnuknat kha kande.

ṬAJAISUINA 2:6

Keini’n ama kankamukna Bek-inn kha ahar-ahak a amakhōi jo; Aman kani intheng hei leh Châmhngat kanihei amanbâng jo. Rn leh thempuhei rakip inum ahnuk kana jo ti anmanhret jo.

ṬAJAISUINA 4:11

Rōngpu kha ahnuk kana hranghra jo; Ziona hmei amansûk a khava khan amankâng manvâm.

EZEKIEL 20:34

Ke’n nankhenga kamantûp cheia nan-inchai kathekna ram rakip a inphut kaheiṭhōi male chei pha karathahrat leh kahnuk natna kha kamanhmu sik chei.

EZEKIEL 22:22

Ratap shunga dangka kajor kapōa, Jerusalema kajor sik hei, khava sōa Rōngpu hnuknat antachen kae tia anmanhret sik jo.”

DANIEL 9:11

Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

DANIEL 9:27

Khava vaikarôn khan mi katamtak hei leh kum 7 inhnōmna kahnettak annei sik, khana hiva pha hi aṭimkhat a’nchai pha, ama’n inthoina leh tōkna man om mak jo ning. Ṭitpui inkhat Bek-inn inshângpen chunga anda sik khana khava kada mi kha Pathen in ama sik a amantluk pek achaina pha kha aratō mak kârseng khanga ka-om sik.”

HOSEA 7:16

Keia inphut inhe heia ratha kaneimak pathen hneng kase ri hei. Anmani hi inngamna omlo, intlunjenlo sai kapō hei kae. Ajârchu anhlam kakeihei kha rahe kasetak a kaṭong hei, re leh sha shunga kathi sik hei, Egypt he’n anhnōise sik hei.”

NAHUM 1:6

Ama hnuk natna hmun a, tu mo akahringtor sik? Ama hnuknat ṭit ka-om tak a khan tu mo akahringtor sik? Hmeimale kapō ahnuknat kha ahei bunthlōn, ahmai kunga hlunghei um innoi heia vaiphin kachang hei.

ZECHARIAH 8:13

Eh Judah leh Israel mihei! Akathlengsa pha khan ramlak mihe’n inkhat leh inkhat khōmâk insântō heia, ‘Judah leh Israelhei chunga inhmangna akatla kapōa nangni chunga tlung rasoh!’ inti hei. Tâk-kha ke’n kahuk sik jo chei, khana jât-hlop hei khan khat leh khat, ‘Judah leh Israel he’n mahâmṭhat antachen kapōa nantachen chang rasoh!’ inti sik jo hei. Khava jâra inngamna nei ruh khana ṭitna neimak ruh.”

MIJAHEI 5:27

Nuhmeinu kha akajông achang inchu, tui khan nat inhnaktak ahong rôn sōt sik, aphumpui hong kapōrsōt sik khana naikōk kha’m hong inkinrep sik jo. Amihei kâra arahming kha hâksêr akachang sik kae.

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.