JEREMIAH 42:10 - LEKHARABU INTHENG (BSI)

¹⁰ ‘Nangni hiva ram a hin, hing’hin nan-omthang hnōm inchu; ke’n nangni kasyemsōt sik chei khana keihler mak chei ning; kaling sik chei khana phôisōt mak chei ning. Nanchunga suksetna kalei mathlung kha kamalung inrim hêr.

JEREMIAH 42:10 ပူးပေါင်းရင်းမြစ်များ

SAMUEL INHNINA 24:16

Rōngpu ngeva khan Jerusalem asuk manhmang sik jo pha, Rōngpu’n ami karâk sik hei kha amalung athleng joa mikathat ngeva hneng “Bâng jo roh! Katluk jo!” ati. Ngeva kha Jebush mi, Arauna saphōr hmun hnenga leika-om.

HLAHEI 102:16

Rōngpu’n Zion kha asakther nôk pha, alenna kha amalâr nôk sik.

HLAHEI 106:45

Anmani jâra khan aṭongtep kha ahong mandonsōt, khana alungset len jâra anchunga amalung athleng nôk.

HLAHEI 37:3

Rōngpu kha taksen roh khana akaṭha tlo roh; ram shunga khan om ina hringna chen roh

HLAHEI 69:35

Ama’n Jerusalem ahuksōt sik, khana Judah khōpuihei kha asak manther sik. Amihei kha khan ka-om sik hei, khana aram kha anchen sik;

SŌKSŌT 32:14

Khava jâra Rōngpu’n amalung athlenga amihei chunga ṭōnse tlo sik a maṭhitna aleinei kha tlomak jo.

JEREMIAH 24:6

Ke’n anmani kha ka-ensui sik hei, khana hiva ram a kaheiṭhōi male nôk sik hei. Ke’n anmani kasyemsōt sik hei, sukset mak hei ning, kaling sik hei, khana phôisōt mak hei ning.

JEREMIAH 26:19

Reng Hezekiah leh Judah mihe’n Micah kha leithat mak hei. Khava kanek a, Hezekiah’n Rōngpu kha kajana aneia ama lungsetna chenna sik aleitlo. Khana Rōngpu’n anchunga inrengna kamasō sik aleiti kha amalung athleng jo. Tûnchu eini’n nibinga ṭit ka-om tak khōdengthei kha nichunga nihei rôn sōt sik jo kae.” (

JEREMIAH 27:11

Tâk-kha tu jât achanga Babylon Rengpa thōia anhlut a ama anrazen inchu, ke’n anmani kha anrama kaman om sik hei khana anhleihei mama an-inthlō sik, khana khan ka-om sik hei. Rōngpu ke’n kahri jo kae.”

JEREMIAH 31:28

Ke’n arajung phoisōtna, keimathlûkna, hlon maletna, suk manhmangna leh ṭhetsōtna chunga ka-ensui kapōa, anmani lingna leh syemsōtna kha’m ka-ensui sik hei kae.

JEREMIAH 33:7

Ke’n Judah leh Israel kamanhao sik hei, hmalaia kapōa kalasyemsōt sik hei.

JEREMIAH 43:4

Khava jâra Johanan leh remi ṭōnkarônhei khana mipuihei anchanga, Rōngpu ṭongpekna Judah ram a om sik kha juimak jo hei.

EZEKIEL 36:36

Khava sōa khō inhnaipui jât, akahringa alaka-om hei khan Rōngpu’n asukset jo khōpuihei kha asyemther hei khana akarōk a aka-om hleipuk-hei kha aling manther hei tia anmanhret sik. Chunghnung Rōngpu ke’n hiva tlo sik a intep jo eng, katlo sik kae.”

HOSEA 11:8

“Israel, ke’n heikhong mo kamasōtor sik che? Heikhong mo ke’n kadahlon tor sik che? Ke’n Adma kasuk manhmang kapōa, nang kasuk manhmang tor sik che mo, achangmak leh Zeboiim kapōa nachunga katlo tor sik mo? Kamalung in kha amantlo mak ning! Kalungsetna che kha kangar hêra kae.

JOEL 2:13

Nanmalung akakōi khan nanchâmna kha malâr rasoh; nanpōn keihler rōk in latluk mak.” Rōngpu nan-Pathen hneng hong inle ruh. Ama chu lungset leh maritna kasip kae; dehratna anei khana aṭongtep anit; pha rakip a rangei mandamna sik a intluk khana karâkna pek mak a kae.

AMOS 7:3

Rōngpu’n amalung athlenga ahri, “Natahmu kapōa sōk mak jo ning.”

AMOS 7:6

Rōngpu’n amalung athleng nôk a ati, “Hivahi’m sōk mak jo ning.”

JONAH 3:10

Pathen in heimo antatlo kha ahmu jo; an-omchen kaṭhamak kha andahlon jo ti hi ahmu jo. Khava jâra ama’n amalung athlenga karâk sik hei atina kha tlomak jo.

JONAH 3:4

Jonah’n khōpui shung kha se aphut jo, ni khat katlung bit a ase pha, ahri manthang jo, “Ni 40 shunga Nineveh suk manhmang sik kae.”

JONAH 4:2

Khava jâra derna anei, “Rōngpu, ke’n inn kadahlona kasemak hma khan hinga natlo sik tia kalei hrisa changmak mo? Khava sik a Spain ram a tlânsōtna sik torchena kaleitlo kae! Ke’n nang hi mi inlungset thei, mi marit kathem Pathen che khana ahei tik a namalung nathlenga karâkna pek mak hei che tia kamanhret che.

ṬŌNTLOHEI 15:16

‘Hivasō leh kei he’nle sik eng, Rōngpu’n ati, khana David rengram kha kamatung ther sik. Akaṭetsa kha kasakther sik khana kamanngar nôk sik.

DÂNRABU INHNINA 32:36

Rōngpu’n anmani ratha katlangsō jo ti kha amanhret a, amihei ahuk sik jo hei. Atlona sik heite neimak jo hei ti ahmu pha, ama inzenhei chunga lungsetna anei sik jo hei.

ṬONGKATANHEI 2:18

Rōngpu’n Israel kha hlamkakei apek phatina, ama kha Rōngpu’n athlop a ama hring lai seng mipuihei kha ankadōihei kut a inphut ahuk hei. Rōngpu’n lungset a aleirôn hei, ajârchu Israelhei kha inrengna leh suk manrimna thōia inkōia ka-om heia kae.