JEREMIAH 40:5 - LEKHARABU INTHENG (BSI)

⁵ Ke’n kamasôn mak pha, Nebuzaradan in ahri, “Babylon rengpa khan Judah khōpui heia vai karôna amanṭang Shaphan tupa, Ahikam sapa, Gedaliah hneng inle roh. Nang ama leh namihei kâra ka-om thei sik che, khana nase hnōmna hmun rakip a kasethei sik che.” Khava pha ama’n kutchoi ṭhahrep leh bu leh thlai kachoi sik a apek eng, khana kahlam amanhro jo eng.

JEREMIAH 40:5 ပူးပေါင်းရင်းမြစ်များ

RENGHEI INHNINA 22:12

thempu Hilkiah, Shaphan sapa Ahikam, Micaiah sapa Achbor, khana reng karôt a lekha inzetpa Shaphan khana rengpa kahngâk-hei hnenga hiva ṭongpekna hi anei hei:

RENGHEI INHNINA 22:14

Hilkiah, Ahikam, Achbor, Shaphan khana Asaiah hei kha’n Hulda intinu sânkathem, Jerusalem hmunthera aka-omnu inbek intōpui sik a vakase hei. (apuise Harhas tupa, Tikva sapa Shallum kha Bek-inna pōn leh der katinta le’nṭang.) Amanu hneng omchen kasōk kha anleihri pek,

THUHMINGHEI INHNINA 34:20

khana Hilkiah, Shaphan sapa Ahikam, Micaiah sapa Abdon, reng inna lekha inzetpa Shaphan, rengpa inzen Asaiah hei hnenga hiva ṭongpek hi apek jo hei:

EZRA 7:27

Ezra’n ati, “Kanpu kanpahei Pathen, Rōngpu kha choi ka-âna om rasoh! Ama’n rengkalen kha Jerusalema Rōngpu Bek-inn kajana kha hing’hin amannei jo.

EZRA 7:6

Ezra kha Israel Pathen Rōngpu’n Moses hnenga aleipek Dân ṭong kaṭha nenga inhret inkhat kae. Ajârchu Ezra’n Rōngpu apathen vângpek aleichena ama tader rakip rengkalen khan aleipek a kae. Artaxerxes vairônna kum 7 tlukna, Ezra khan thempuhei, Levihei, bek-inn hlakasak hei, bek-inn kahrunghei khana ṭōn katlohei inveina Israel rup khat leh inṭhōia Babylona inphut Jerusalema heikasōk jo hei.

NEHEMIAH 1:11

Tûnchu nang kajana akanei hnōm kei derna leh nasōk ralak-hei derna rangei roh. Tuning hin hmesōna apek roh, khana rengkalen kha kei chunga lungset kathem manchang roh.” Khava lai khan kei hi rengkalen ju katinta leikachang enga kae.

JOB LEKHARABU 22:29

Pathen in inlensak-hei kha akei mathlâk hei, a’nsinsak hei kha ama’n ahuk hei.

ṬONGCHÎK-HEI 16:7

Rōngpu kha namantlai pha, naka-en kadahei kha naṭhōn naman chang tor sik hei.

ṬONGCHÎK-HEI 21:1

Kavadung tui lōngna hlam Rōngpu’n kabeitak a athleng tor kapōa rengpa malung um ama’n asurpek.

JEREMIAH 15:11

Rōngpu, nang sepa kaṭha karazen mak che’nchu, khana kakadōi hei kha bōina leh inrimna anratō pha ankahlanga nahnenga kangekpek mak he’nchu, anmani hâksêrna hei seng kha kachunga tlung rasoh? (

JEREMIAH 26:24

Tâk-kha kei chu Shaphan sapa Ahikam inthōpuina kachen jâra, mipuihei hneng apek manhlut mak hei khana athat mak heia kae.

JEREMIAH 39:14

Reng-innpui sumpuk a inphut anṭhōisōt eng. Kei kha ka-inn katlunga kaṭha katlungna sik a ani ka-ensui sik Shaphan tupa, Ahikam sapa Gedaliah tahrung sik enga anda jo eng. Khava jâra kei mihei kâra ka-om jo eng.

JEREMIAH 40:4

Tûnchu, ke’n nakut chunga a’nkhitna hrui kasōtpek chea kamasō jo che. Nang in kei leh inṭhōia Babylona nahong hnōm inum kahong thei che, ke’n ka-ensui sik che. Tâk-kha nahong hnōm mak inchu, hong rangei mak. Nang in namaduna hmun chenna kasethei che, nakadei sik a ram pumpui hi ka-om jo.”

JEREMIAH 41:1

Khava kum a thla 7 tlukna, Elishama tupa, Nethaniah sapa Ishmael, reng innshung mi, khana reng ṭōnpui karôn inkhat khan pase 10 leh inṭhōia Mizpah khōa Vaikarôn Gedaliah inhmupui sik kahong hei. Anmani ankhenga bu ansâklai,

JEREMIAH 41:2

Ishmael leh pase 10 hei khan chemjâm anradok a Gedaliah kha anthatsōt jo.

ṬŌNTLOHEI 27:3

Ajîng kania Sidon leikatlung ung. Julius khan Paul kha aleilungset a, amadu arangei anpek theina sik, aṭhōn-arehei a’nhmu puina sik aleihnōm pek.

ṬŌNTLOHEI 27:43

Tâk-kha sepei ṭōnkarônpa khan Paul kha ahuksōt hnōm jâra khava tlo sik kha aleikhâm heia kae. Khava kahlânga tui kajâpthei rakip in rakōnga inphut an-inchôm inthlâk a tui anjâp masa a re ankena sik ṭong aleipek hei;

ṬŌNTLOHEI 28:10

Kutchoi hingja anpek ung, khana kan-intôrsōt sik jo pha kanhlam hrona kantarangei sik neinâk-hei rakōnga anthōnpek unga kae.

HEBREWHEI 13:6

Kangamtak a om rih khana hinga ti rih: “Rōngpu hi kei inthōpui kae, kei ṭimak ning! Mihe’n kachunga heimo antatlo tor sik eng?”