JEREMIAH 4:8 - LEKHARABU INTHENG (BSI)

⁸ Khava jâra bora pōnse kha insi ruh, ṭap ruh, inkōi ruh ajârchu Rōngpu hnuk natna kha Judah inphut inhesōt mak a kae.

JEREMIAH 4:8 ပူးပေါင်းရင်းမြစ်များ

HLAHEI 78:49

Kathi ṭong karônpa inkhat kapōa, ahnuknat inhnak kha ajōng bunthlōn heia, amanreng hêr hei.

ISAIAH 10:4

Nangni rehmun a anthat sik chei, achangmak leh rehringa ankei sik chei. Kha achang jo’num Rōngpu hnuk natna kha labâng dekmak ning; karâkna pekna sik a akut akalâng hi sik.

ISAIAH 13:6

Malung kana tak a ông ruh. Akahratpen suk mansetna amasōna sik kani, Rōngpu kani kha kahnai jo.

ISAIAH 22:12

Chunghnung Rōngpu’n akaṭap sik leh ṭajai kasui sik a, khan chu lu kavo leh borapōn akasi sik a abek chei.

ISAIAH 32:11

Kahōitak a, inrengna neiloa ka-om jo chei; tâk tûnchu ṭitpum a innok ruh! Nanpōn sōt una nankhōna pōnse invei ruh.

ISAIAH 5:25

Rōngpu kha amihei chunga ahnuk kana, khana karâkna sik a abân arazit a kae. Tlângbung innok sik hei, khana akathi kalōnghei kha hlampuia inchap dâk a indahlon sik hei. Kha achang inum Rōngpu hnuknat kha labâng mak ning, karâkna pekna sik a abân alakalek hi sik a kae.

ISAIAH 9:12

Nisō ting Syria khana tlaitlâk ting Philisti he’n Israel madena sik anbei ka-âng jo hei. Kha achang inum Rōngpu hnuk natna kha la’nchai mak; karâkna pekna sik heia akut akalâng ṭhak a kae.

ISAIAH 9:17

Khava jâra Rōngpu’n retherhei kha mantlânsōt mak hei ning, khana renghmei leh nu leh pa kase inkhatbek chunga lungsetna malârmak ning, ajârchu mi rakip Pathen neimak hei, ṭhamak hei, khana antahri rakip akaṭhamak rōk kae. Kha achang inum Rōngpu hnuk natna kha la’nchai mak ning, tâk karâkna pekna sik a abân alakalâng ṭhak sik.

ISAIAH 9:21

Manasseh mihei leh Ephraim mihei inkhat leh inkhat inbuhlu hei, khana anmani inchun heia Judah anbuhlua kae. Achang ravâng Rōngpu hnuknat kha la’nchai dekmak, karâkna pekna sik a akut alakalâng hia kae.

JEREMIAH 25:34

Ṭap ruh, nangni hlamkakeihei, kamihei kemōng kakhemhei, rasa inshângtak a ṭap ruh. Ralûm de una vaiphin kâra inkhōn ruh. Nangnihei thatna sik pha kha kahong jo, kemōngche kapōa anrachen sik jo chei.

JEREMIAH 48:20

Anmani’n anmasôn sik chei, ‘Moab katlu jo, ama sik a ṭap ruh, hmaimôk inpek jo. Arnon Tuidung panga khōtlâng ôn ruh, Moab sukset kachang jo vati ruh.’

JEREMIAH 6:26

Rōngpu’n amihei hneng ahri, “Borapōn insi una ravut chunga inkhōn ruh. Sapa sangkhat thina chunga malung kana tak a ṭap kapōa ṭap ruh, ajârchu nankasuk inhmang sik a akajōng inkhat khan manhret manloa abuhlu sik chei.

ṬAJAISUINA 1:12

Ahnenga akase rakip hei hneng kaṭap a ati, “Kei ajōng enroh.” Kei tade kapōa tûte’num natna hi demak hei, Rōngpu’n ahnuknat pha kachunga hiva natna apek eng hi.

EZEKIEL 21:12

Inrengtak a ông roh, mihringsa; hiva chemjâm hi kamihei sik mantluk jo khana Israel hlamkakeihei thatna sik a kae. Anmani thatsō sik jo hei kae kami ankhenga leh inṭhōia. Inreng pum a nan-ôp kaben ruh!

EZEKIEL 30:2

Ama’n ati, “Akathithei mihring, Chunghnung Rōngpu ke’n kahri ṭong hi sânsōt roh khana phôngsōt roh. Hiva ṭonghei hi ông pum a nahri sik kae: Ṭit ka-om kani kha kajōng jo!

JOEL 1:13

Maichâma ṭōnkatlo thempuhei, borapōn insi unna ṭap jo ruh! Bek-inna se unna jân kathang ṭajai sui ruh! Nan-Pathen hneng tōk sik a hmuchi leh ju om mak jo.

AMOS 8:10

Nanrehōi hei kha kathi hrena kamanchang sik, nan-inpâkna hlahei kha inrengna leh ṭapna kamanchang sik. Nanlu kamankek sik, borapōn kamansi sik chei, khana ansanei inkhat rōk thina ṭajai kasui nu leh pahei kapōa kamanchang sik chei. Achaina kani kha inrengna kachang sik.

MICAH 1:16

Judah mihei, nanlungset nansahei sik a ṭajai suina nansam vomankek hei ruh. Hmuthong kapōhrep a nanlu mankek ruh, ajârchu nansahei kha rehringa anṭhōisōt sik jo hei.

MIJAHEI 25:4

Moses hneng aleiti, “Israel hlamkakeihei seng kha ṭhōi hei ina kei ṭong juina, sûn kanivâr thōia that hei roh; kha achang inchu mipuihei chunga kahnuk namak ning.”