JEREMIAH 4:7 - LEKHARABU INTHENG (BSI)

⁷ Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 4:7 ပူးပေါင်းရင်းမြစ်များ

RENGHEI INHNINA 24:1

Jehoiakim in reng achanglai Babylon rengpa Nebuchadnezzar in Judah a re aheitlo, kum 3 Jehoiakim kha athōia aleiman-om; khava sōa re aleidōi jo.

RENGHEI INHNINA 25:1

Zedekiah in Babylon rengpa Nebuchadnezzar dōina re aleitlo; khava jâra Zedekiah vairônna kum 9 tlukna thla 10 a ni 10 tluk ning Babylon rengpa Nebuchadnezzar in aremi rakip leh Jerusalema re aleitlo. Anmani’n khōpui vângting rephōr ansak a khōpui kekhumna akimvea bang ansak a kae,

ISAIAH 1:7

Naram kha insuk inhmang jo, khana nakhōpuihei ro mankângsō jo hei kae. Nangni’n khanga nan-enlai, ram hlop mihe’n nanram ankasut jo chei khana heirakip anmansetsō jo.

ISAIAH 5:9

Chunghnung Rōngpu tahri kha ke’n kathei, “Hiva innpui kalen akaṭha hei hi akarōk, a’nsetsō hongkachang sik hei.

ISAIAH 6:11

Ke’n kader, “Hivahi heituk mo alakasôt sik, Rōngpu?” Ama’n amasôn eng, “Khōpuihei a’nhmangsō leh akarōk a a-om mak hma seng, innhei kha mi inkhatbek an-om mak kârseng, ram hi’m hleichi kachâr achangmak kârseng sik kae.

JEREMIAH 2:15

Shabakkaihei kapōa ahnenga inhrung hei; aram kha nêrdiram anmanchang pek, akhōpuihei inram kachang jo hei, dahlonpet a ka-om jo hei.

JEREMIAH 22:6

“Kei hnenga chu Judah reng-innpui hi Gilead kapōhrep a khana Lebanon tlânghei kapōhrep a akaṭha kae, tâk hiva hmun hi akarōksai, tûte omakna kamanchang sik kae.

JEREMIAH 22:7

Hiva hmun kasuk inram sik a mi katir sik hei. Anmani’n anhreicha anheichoia cedar thing kacho kaṭhahei kha antuktan sik, khana hmeishunga anhlon sik hei.

JEREMIAH 25:38

Shabakkai in akhur adahlon kapōa Rōngpu’n amihei adahlon jo hei. Ṭit ka-om re leh Rōngpu hnuknat khan ram kha nêrdiram amanchang jo.

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 26:9

Heisik a mo Rōngpu rahminga Bek-inn hi Shilo kapō hong kae sik khana khōpui hi inhmang sik khana tûte om mak hei ning nati?” Khava sō leh mipuihei khan ankakekhum tlit jo eng.

JEREMIAH 27:8

“Tâk-kha jât inkhat achangmak leh rengram inkhat in ama vairônna thōia ahlutmak inchu ke’n khavahei kha rea, vonṭâma khana hrise nat a karâkna kapek sik heia kha Nebuchadnezzar in amanrampet mak hei kârseng anthōk sik.

JEREMIAH 33:10

Rōngpu’n ahri, “Mihe’n anhria, hiva hmun hi nêrdiram kapōa kachi jo, mihring leh sha om mak jo hei anti. Antahri kha kadik; Judah khōpuihei leh Jerusalem hlampui hei kha akarōkpet a ka-om hei; ramsha leh mihring tûte om mak jo. Kha’num hiva hmun heia hin nangni’n nanthei nôk sik

JEREMIAH 34:22

Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”

JEREMIAH 4:29

Shakor remihei leh the kakâp mihei peng rasa khan mi rakip katlânsō sik jo hei. Ṭhen khat in ramthip a katlân sik hei; alak he’n hlungkare kâra kake sik hei. Khōpui rakip andahlona kadairip sik, khana khan tûte inkhatbek um om nôk mak jo hei ning.

JEREMIAH 44:2

Chunghnung Rōngpu Israel Pathen in ahri, “Jerusalem leh Judah khōpui ralak-hei seng chunga suksetna kajōng mathlung kha nangni khet in nanhmu jo. Tûn katlunga’m inhmanga laka-om hei, tûte la-omna mak hei

JEREMIAH 46:18

Chunghnung Rōngpu kei, reng eng kae. Kei akahring Pathen eng kae. Tabor Tlâng in tlânghei chunga akhupsi hei kapōa Carmel Tlâng in tuipui chunga inshângtak a angir kapōa, nangni nankabuhlu mipa ratha hratna kha khanga kachang sik.

JEREMIAH 49:19

Shabakkai inkhat Jordan panga ratu hmanga inphut a, phidông kekna ahei kasōk kapōa, kei kahong sik eng, khana Edomhei kha anrama inphut sōkphutrōia kamanphut sik hei. Khava pha ke’n hlamkakei inkhat kakadeisōt khan jât-hei chunga vai arôn sik kae. Kei leh tetor sik tu mo aka-om? Tu’n mo kei adōingam sik eng? Vaikarôn tu’n mo kei adōitor sik eng?

JEREMIAH 5:6

Khava jâra ratua inphut shabakkai he’n anthat sik hei; nêrdiram a kahne he’n ahar-ahak a ankeihler sik hei, rûtnu’n ankhōpuihei anhlō sik hei. Khava mihei khan ansōksōt inchu anmani ankeihler sik hei ajârchu ansetna katam hêr jo khana ave-avea Pathena inphut inhesōt heia kae.

JEREMIAH 50:17

Rōngpu’n ahri, “Israel mihei kha, shabakkai in ahnong kachek kemōng kapō hei kae. Hmapena, Assyria rengkalen in abuhlu hei, khava sōa Babylon Reng Nebuchadnezzar in anru asekhōi pek hei.

JEREMIAH 50:44

“Jordan tuidung panga, ratu kahmanga inphut shabakkai inkhat, phidông kekna ram a ahei kasōk kapōa, Rōngpu kei kajōng sik eng, khana Babylon mihei kha ankhōpuia inphut sōkphutrōia katlân sik hei. Khava pha ke’n kakadeisōt hlamkakei inkhat khan jât chunga vai arôn sik jo. Tu’n mo kei ate tor sik eng? Tu’n mo kei adōingam sik eng? Tu vaikarôn inmo kei ating tor sik eng?

JEREMIAH 8:16

Nikadōi hei kha Dan khōpuia ka-om jo hei; anshakorhei hnar kakhông rasa eini’n nithei. Anshakorhei anhonghnai jo pha ram pumpui kaṭia innok jo. Nikadōi he’n niram leh ashunga ka-om seng, nikhōpuihei leh amipuihei seng suk mansetsō sik a kahong jo hei.”

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

EZEKIEL 12:20

Tûna mi siptakna khōpuihei kha suk manhmang sik hei kae, khana ram kha ramhâng manchang sik kae. Khan chu kei hi Rōngpu eng kae tia anmanhret sik jo.”

EZEKIEL 21:31

Kahnuk natna kha nanchunga hmei kasûk kapōa kahei masō pha nangni’n nanmanhret sik jo. Khana ke’n nangni mikathat-hei, suksetna akathemhei kut a kapek sōt sik chei.

EZEKIEL 32:2

Ama’n ati, “Akathithei mihring, Egypt reng hnenga gîkna inhnaktak vapek roh. Kahnenga inphut hiva ṭong hi pek roh: nang jât-hei kâra shabakkai kapōa ka-omchen che, tâk-kha nang tuidunga a’nlet vângvei Ole napō chet a kae. Nang in nake vâng tui kha namannim khana tuidung kha namanbōk a kae.

DANIEL 5:19

Ama kha hinghrep leikalen, phung tin jâttin, ṭong rakip a mi rakip in ama anleiṭit a innok hei. Ama’n athat hnōm mi kha athat; amanhring hnōm kha amanhring. Kajana achangmak leh hmesetna apek hnōm kha apek a kae.

DANIEL 7:4

Ahma inkei kha shabakkai apō, tâk hmurai kapōa mathla le’ndo. Ke’n ka-enlai amathlahei kha intan jo hei. Sha kha keitoua ka-oma anlei manngir. Khava sōa mihring mandonna ahnenga anleipek.

LEVI-DÂN 26:31

nankhōpui kha kamanhmang sik, nan-inthoina hei kha rahlâng mak ning.

LEVI-DÂN 26:33

Nanchunga re kamasō sik, mihei ram a kaman chek-chai sik chei. Nanram kha nandahlon sik, nankhōpuihei inhmanga ka-om sik hei.