JEREMIAH 4:31 - LEKHARABU INTHENG (BSI)

³¹ Naiha kaphu kapōa nuhmei kaṭap rasa, nuhmei inkhat in sa ahma kakei amatet a a-inkōi rasa kapōa kathei. Khavakha akaphuk sântor lo Jerusalem rasa kae, akut arazit a ati, “Kei inhmang jo eng! Anmani kei kathat sik a kahong jo hei.”

JEREMIAH 4:31 ပူးပေါင်းရင်းမြစ်များ

A’NPHUTNA 27:46

Rebecca’n Isaac hneng, “Esau in a-ompui ram hlop nuhmeihei jâra kana jo eng, kachim jo eng. Jacob inum Hit jōrhei ahong ompui inchu akathi bei sik jo eng kae,” ati.

JOB LEKHARABU 10:1

Kei kahring sik hi kadet-hla jo. Kathangkōi kakhôk hi rangei roh.

HLAHEI 120:5

Nankâra om hi Meshech a om a-emak leh, Cedar mihei kâra om kapō kha kae.

ISAIAH 1:15

“Nangni’n derna nankut nankalâng pha, ke’n enmak chei ning. Heituk nandera achang inum, theipek mak chei ning, ajârchu nankut hei kha thisen in akatoma kae.

ISAIAH 13:8

Anmani, nupui naiha kaphu kapōa, anmani ankhenga inpir sik hei khana lung nat in akatōm sik hei. Anmani ṭitpum a khat leh khat in-en sik hei, inzak a anhmai kanguireng sik hei.

ISAIAH 21:3

Hmangtalâra kahmu leh katheihei seng khan ṭitna, natna amannei eng, khava nat dân khachu nuhmei naiha phut ka-ang.

ISAIAH 26:17

Rōngpu, nang in namanṭap naman-ông ung, naiha phut laia nuhmei inkhat nat kapōa.

ISAIAH 42:14

Pathen in ati, “Pha kasôttak kadai hngera ka-om eng; kamihei leimasôn mak hei eng. Tâk-kha tûnchu ṭōn tlona pha kha kahong jo; nuhmei naiha kaphu kapōa ka-ông eng.

ISAIAH 6:5

Ke’n kati, “Kei sik a inhōrna om mak! Kei inhmang jo eng ajârchu kabeia ṭong ahei kasōk rakip setna kasip, khana setna kasip ṭongkahri mihei kâra kei ka-om eng. Kha’num Reng Rōngpu Chunghnung kha kahmu jo!!”

JEREMIAH 10:19

Jerusalem mihe’n ka-ông heia anti, “Heituk-hrep a a’ntôn jo me mo! Ni’ntônna bi hi dammak jo ning. Khana hivahi nidetor sik tia eini’n nilei mandon!

JEREMIAH 13:21

Nang in naṭhōnhei tia namandon mihei khan antor chea nachunga vai anrôn jo che’nchu, heimo nahri sik? Nuhmei naiha kaphu kapōa nade sik jo kae.

JEREMIAH 14:18

Kei hleiheia kase pha, re shunga antatha hei mihring kalōng kahmu hei; khōpui heia kase pha, sâk loa akathi mi kahmu hei. Sânkathemhei leh thempu he’n anṭōn tlona insaler hei, tâk-kha anmani’n heimo antatlo manhret mak hei.”

JEREMIAH 15:18

Heijâra mo a’nreng ṭhak eng? Heisik a mo ka’ntônna bi akadam theimak? Heisa mo kanatbi akadam mak sik hei? Khō kanglaia kavadung akachâr kapōa ka’nhōrna atlangna sik narei eng mo?”

JEREMIAH 18:21

Tâk-kha Rōngpu, tûnchu, ansahei vonṭâma thi hei rasoh; rehmun a thi hei rasoh. Nupui he’n anpuisehei leh ansahei manhmang hei rasoh; pase he’n natsea thi hei rasoh, khana rether he’n re intukna that hei rasoh.

JEREMIAH 22:23

Lebanona inphut anta heirôn cedar thingkâra kamōnga inhnga che; tâk-kha nat in abôm che pha heituk a lungset ka-om sik jo che mo, nuhmei naiha phut ka-ang sik che.

JEREMIAH 30:6

Tûn inhnga roh khana mandon roh! Pase’n naite amatet phung mo? Heijâra mo mi rakip in anvon antamatua nuhmei naiha kaphu aka-ang hei? Heijâra mo mi rakip akadângper hei?

JEREMIAH 45:2

Rōngpu, Israel Pathen in ahri, “Eh Baruch,

JEREMIAH 48:41

khana akhōpuihei leh arekur hei kha anhlō sik. Khava kani ning khan Moab remihei kha nupui naiha kaphu kapōa inpir sik hei.

JEREMIAH 49:22

Hmuvânlai inkhat in amathla azera ajōng inthla kapōa indōipuihei khan Bozrah chunga anjōng buhlu sik. Khava kani ning khan Edom remihei kha, nupui naiha kaphu kapōa, ṭit-inpirna annei sik.”

JEREMIAH 49:24

Damascus mihei kha kadôi hei khana anṭit kasea katlân hei. Nupui naiha kaphu kapōa anmani natna leh inrengna ande jo.

JEREMIAH 50:43

Babylon rengpa’n ṭong kha athei jo, khana akut kha amakheia kazeng jo. Nupui naiha kaphu kapōa malung nat in asur jo.

JEREMIAH 6:2

Zion khōpui hi kaṭha hranghra, tâk suk manset sik kae.

ṬAJAISUINA 1:17

“Kakut hei karajit hei, tâk tûte inkhat in a’nthōpui mak hei. Rōngpu’n aram rakip a ka’nrepuihei abek jo hei; Anmani’n kei hi neinâk kachok kapōhrep a anlo enga kae.

ṬAJAISUINA 1:20

“O, Rōngpu, enroh, kei inrengna hi, kamalung inkōina hi! Kasetna hei jâra kamalung hi kakōi jo. Hlam a mikathat ka-om hei; innshunga kapha thina kha ka-om.

ṬAJAISUINA 2:21

Hlamdunga upa naipang kathi ka-om jo hei, Retherhei leh nuhngâk-hei inrepuihei chemjâm vâng kathi jo hei. Nahnuknat ning khan anmani kha lungsetna kasea nathat hei.

HOSEA 13:13

Israel hi hringtheina pha inpek a kae, tâk matetsōt sik jo naidông in, nairabu shunga inphut hongsōk sik akahnōm mak kapōa, khava kalo sik a kamohêr joa kae.

MICAH 4:10

Jerusalem mihei, nuhmei naiha kaphu kapōa inlet ruh inkōi ruh, ajârchu nangni’n khōpui kha nanda hlona ramhânga aka-om sik jo chei kae. Nangni Babylona kase sik chei, tâk khana khan Rōngpu’n nangni nanka-en kada heia inphut ahuk sik chei.

MICAH 4:9

Heisik a mo khangtuk rasa inshângtak a akaṭap che? Nuhmei naiha kaphu kapōa hei sik a mo natna nade? Reng naneimak jâra mo, khana nang mansena kaneihei anthisō jâra mo khanga natlo?

MICAH 7:1

Inhōrna kase jo kae! Kei hi, vomhrui theikunga leh thingkunga akara ṭhōt sik inkhatbek a’nhmu mak vonṭâm kade mi inkhat kapō jo eng kae. Vomhrui leh theichang kara akatui rakip akhenga anṭhōtpet joa kae.

MATTHEW 21:5

“Zion khōpui kha manthei ruh, Enroh, narengpa kha nahnenga kajōng! Ama amalung innem khana shakōrtung leh atere aheichōng, la’nhmangtet lo shakōrtung kae.”

CORINTHIANHEI INKHATNA 9:16

Ke’n ṭong kaṭha kahri jâra inlensakna sik ratha heite neimak eng. Hei-achang inum hiva ṭōn katlo sik a ṭong a’npek jo eng kae. Khana ke’n hiva ṭong kaṭha hi kahri mak a achang inchu heituk a kei sik a inrengna aka-om sik mo!

THESSALONIANHEI INKHATNA 5:3

Mihe’n, “Tûnchu kadai jo, ṭit sik om mak jo,” anti laitak khan manhret manloa inhmangna khan anchunga ajōng suk manhmang sik hei kae! Hivahi nupui nai kanei sik naiha kaphu a’nphut kapōa ajōng katlung sik kae, khana mihei kha tlânsōt tor mak hei ning.