JEREMIAH 4:27 - LEKHARABU INTHENG (BSI)

²⁷ Rōngpu’n ati jo khachu, ralei pumpui hi ramthip kachang sik jo, tâk-kha manhmang cherna chu changmak ning.)

JEREMIAH 4:27 ပူးပေါင်းရင်းမြစ်များ

THUHMINGHEI INHNINA 36:21

Khava jâra Rōngpu’n Jeremiah sânkathem hnenga ṭong alei manhridek kha hui katlung jo: “Ram hi kum 70 ramhânga ka-om sik, nit loa aleika-om jo Châmhngat kani inhngatna kha nit mathlungna sik a kae.”

NEHEMIAH 9:31

Kha’num, nang lungsetna alen jâra, anmani hlonsōt mak hei che khana manhmang mak hei che. Nang hi lungset leh maritna kasip Pathen che kae!

ISAIAH 17:6

Mi katlomtek rōk kahring sik hei, khana Israel kha olive theikung antaṭhōtsōa alêra inkhat 2 rōk akara aka-om achangmak leh abâk thōi intonga ajingtehrep akara aka-om kha ka-ang sik. Israel Pathen Rōngpu ke’n kahri kae.”

ISAIAH 24:1

Rōngpu’n raleichung hi asuk manset a akarōk a ada sik kae. Ama’n raleichung hi amalet a achunga ka-om mihei hi inchek inchaidâk sik jo hei.

JEREMIAH 18:16

Anmani’n hiva ram hi ṭit ka-om tak, ahei tik a donmak sik anmanchang jo. Ahneng kahro he’n anhmu pha anmalung kana sik anmandon-hla jâra anlu ankachuk sik a kae.

JEREMIAH 25:11

Hiva ram pumpui hi hleiram kachang sik, hmit-enna malung tônna kachang sik, khana ram hnenga ka-om jât he’n kum 70 Babylon rengpa sepa antlo sik.

JEREMIAH 30:11

Kei nanhnenga kahong sik eng khana kahuk sik chei. Ke’n kachai kathekna chei ram a jât rakip ankhenga kasuk manhmang sik hei, tâk-kha nangni chu suk manram mak chei ning. Ke’n nangni karâkna pek loa damak chei ning; tâk-kha karâkna kapek chei pha, injentak a katlo sik. Rōngpu ke’n kahri jo kae.”

JEREMIAH 4:20

Châmna inkhatsō leh inkhat in ajui; ram pumpui inhmangsō jo. Manhret manloa kanpōn-innhei insuk inhmang jo hei; pōnzâr hei ahar-ahak a inhler jo hei.

JEREMIAH 4:7

Shabakkai in a’nthupna hmun a inphut ajōng kasōk kapōa jât-hei kasuk inhmang sik kha heikasōk jo. Judah kasukset sik a ama kha kahong. Judah khōpuihei kha suk manhmanga ka-om sik hei, khana khan tûte inkhat om mak hei ning.

JEREMIAH 44:6

Khava jâra ke’n kahnuknat leh kahnuk inthakna kha Judah khōpuihei chunga leh Jerusalem hlampui heia hmei vânga karo hei kae. Khahei kha tuning katlunga inhmanga, hmit a enngamlotak a ka-om jo hei.

JEREMIAH 46:28

Kei nanhnenga kahong sik eng khana kahuk sik chei. Ke’n nangni kaman chek-chaina chei ram a jât rakip hei kha kasuk manram sik hei, tâk-kha nangni chu manhmang mak chei ning. Nangni karâkna pek loa damak chei ning, tâk-kha karâkna kapek chei pha, kadâitak a katlo sik. Rōngpu, ke’n kahri jo kae.”

JEREMIAH 5:10

Kamihei vomhrui rahōn katuktan sik a inrepuihei kahei tir sik hei, tâk-kha akhenga chu mantuktan pek mak hei ning. Abâk-hei chu tuktan petna sik a kamanthei sik hei, ajarchu abâk-hei khachu keita changmak hei.

JEREMIAH 5:18

Rōngpu’n ahri, “Khanga achang inum khava kanihei khan chu kamihei kha ankhenga chu suk manhmang mak hei ning.

JEREMIAH 7:34

Ram kha nêrdiram hongkachang sik. Judah khōpuihei leh Jerusalem hlamdunga, inpâkna leh hōina khana hmōiṭhōi rehōi rasa kamanbâng sik jo hei.

JEREMIAH 9:11

Rōngpu’n ati, “Jerusalem hi sukset neinâk manbukna inkhat kamanchang sik, ram-uihei omna hmun kamanchang sik, Judah khōpuihei kha nêrdiram kachang sik hei, tûte inkhat omakna hmun kachang sik.”

ṬAJAISUINA 2:7

Rōngpu’n amaichâm kha ahlon sōt jo, khana a-Bek-inn adahlon jo; Abanghei kha inrepuihei tasuk manset sik a kahnōm jo. Pha khat a inpâk a kanlei kamukna kha inrepui he’n retorna ka-ông jo hei.

EZEKIEL 11:13

Ke’n ṭong kasânsōt lai khan, Pelatiah kha kathihlon jo. Kei kabinga kahmai raleiting kamakhup a ka-ông eng, “Changmak, Chunghnung Rōngpu! Israel shunga a’nhlei alakahring hei hi nathatsō sik hei mo?”

EZEKIEL 20:17

“Tâk-kha anchunga lungsetna kanei. Ke’n khava nêrdiram shunga khan anmani that hnōm mak hei eng.

EZEKIEL 33:28

Ram kha ramkarōksaia kada sik, khana anratha neina an-inlensakna kha’m kamanchai sik jo. Israelhei tlânghei kha ramse kachang sik a kha tûte inkhat petan tor mak hei ning.

EZEKIEL 6:14

Kadik, kakut karajitsōt sik khana anramhei kasuk manhmang sik hei. Sak tinga nêrdiram a inphut Ribla khōpui katlunga ramhânga kada sik, Israelhei omna hmun rakip inkhatbek ṭhensōt mak ning. Khava sōa mi rakip in kei hi Rōngpu eng kae tia anmanhret sik jo eng.”

LEVI-DÂN 26:31

nankhōpui kha kamanhmang sik, nan-inthoina hei kha rahlâng mak ning.

LEVI-DÂN 26:44

Kha’num, ankadōihei ram a an-omlai khan pui katluk a dahlonna leh suk manhmangna chu tlomak ning. Khanga enchu anmani leh kalei intepna khana kei anmani Pathen Rōngpu ka-ena kha amanbâng sik joa kae.

ZEPHANIAH 1:18

Rōngpu’n ahnuknat amalâr ning khan, ansana dangkahei kha’num anmani huk tor mak hei ning. Ahnuk natna hmei khan raleichung pumpui asuk manhmang sik. Raleichunga aka-om rakip hei sik a achaina, manhret manloa abângna amanchang sik.