JEREMIAH 4:22 - LEKHARABU INTHENG (BSI)

²² Rōngpu’n ati, “Kamihei hi kamohei, amanhret mak hei. Anmani naipang kamo ka-ang hei; anmani manhretna neimak hei. Anmani ṭōnse tlona chu kathemhei, tâk-kha ṭōn kaṭha tlona chu them mak hei.”

JEREMIAH 4:22 ပူးပေါင်းရင်းမြစ်များ

A’NPHUTNA 39:16

Joseph kapu kha ahong mak hma seng pōn kha amanu’n a’nda a kae.

SAMUEL INHNINA 13:3

Tâk ama’n ṭhōn inkhat aleinei, ama kha David upa Shammah sapa, ṭhatmak a mikasing tak Jonadab kae.

HLAHEI 36:3

Anṭonghri kha ṭhamak khana maleisei kasip phet; akasing leh akaṭha ṭōntlo hêrmak jo hei.

HLAHEI 36:4

Jekhum chunga anje pha akadik mak ṭōn kha anmantluk; anṭōntlo inkhatbek akaṭha om mak, khana akaṭhamak inkhatbek antathei kada om mak.

HLAHEI 53:4

Pathen in ader, “Anmani’n manhret mak hei mo? Hiva ṭhatmak katlohei hi heite inhret mak hei mo? Anmani hin kamihei anchom heia hringna annei, khana kahnenga adertet mak hei.” ati.

HLAHEI 82:5

“Heituk a khō inhret mak chei mo! Heituk a invet chei mo! Nangni chu ṭhatmak a pui katluk chei, khana raleichunga hin akadik ṭongtan om mak jo.

ṬONGCHÎK-HEI 28:5

Mikadik mak in ṭongtan kadik kha heimo ti manhret mak hei, tâk Rōngpu inmuk hei khan chu kaṭha anmanhret.

ISAIAH 1:3

Se he’n ankapu anmanhret, shakōrtung he’n akapu’n phi apekna hmun amanhret. Kami Israel tamanhret kanek a antamanhret jo kae. Kamihei chu manhret ṭhak mak hei.

ISAIAH 27:11

Thing bâk-hei kha hong kachâra katlek jo hei, khana nuhmei he’n thing ti sik a anchom mantûp jo hei. Ajârchu mipui he’n heite manhret mak hei, ankasyem Pathen in lungset a rônmak hei ning khana maritna malârmak ning.

JEREMIAH 10:8

Ankhenga kamohei khana invet hei. Thinga lim syem heia inphut anmani’n heimo themna antahmu sik?

JEREMIAH 13:23

Mihe’n anvun lâr antathleng tor sik mo achangmak leh rûtnu’n aje kaṭe amanhmang tor sik mo? Anmani’n anthleng tor inchu, setna rōk akatlo nangni he’num akadik tlona inthemchûk thei sik chei.

JEREMIAH 2:8

Thempu he’n, ‘Rōngpu khon mo aka-om?’ tia inder mak hei. Kathempu khet he’n amanhret mak jo hei. Vaikarôn he’n kei kadōia inṭang hei; Sânkathem he’n Baal rahminga ṭong ansân akahnem mak limsyem ankamuk hei.

JEREMIAH 4:21

Heituk kasôt mo re intukna hi ka-ena aka-om sik eng khan pengkun mahring hei karangei hi sik?

JEREMIAH 5:21

Nanmalung manhlut ruh, heite inhret mak hei, hmit chu akaneihei, ahmu chu hmulo hei, kōr chu akaneihei, athei chu theilo hei.

JEREMIAH 5:4

Khan chu ke’n kamandon, “Hihei hi sara leh a’nhret mak rōk hei kae. Anmani kamotak a kachôn hei; an-Pathen in heimo arangei ti hi manhret mak hei, An-Pathen in heimo amantlo hnōm hei ti kha manhret mak hei.

JEREMIAH 9:2

Kami heia inphut kasesōt a nêrdiram a omna sik hmun kahmu’nchu tia kamandon. Anmani ankhenga taksenthei kachangmak, mikahōn mipuihei kae.

JEREMIAH 9:3

Ankhenga maleisei hrina sik a ahei tik a intluk hei; akadik kanek a malung intheng mak in anrama vai arôn. Rōngpu’n ati, “Kami he’n akaṭhamak inkhat antlosō leh inkhat antlo nôk, kei hi an-Pathen inkhat a alo mak hei.”

JEREMIAH 9:5

Anmani ankheng in anṭhōnhei hlamlea anṭhōi hei; tûte inkhat in akadik inti hrimak hei; maleisei hrina sik a anmalei kha anman themchûk, anset tlo kha haimak hei ning. Anmani’n innâk-inse inkhat bânna inkhat, mihōnna inkhatsō leh inkhat antloa kae. Rōngpu’n atia ami he’n ama anhlonsōt jo.

EZEKIEL 16:30

Hivahi Chunghnung Rōngpu tahri kha kae: “Nang in inzak inhret mak noti kapōa hiva rakip hi natlosō jo.

HOSEA 4:1

Hiva ram a ka-om mihei chunga Rōngpu’n mô pekna inkhat anei. Israel, kaṭong hri hi rangei roh: “Ram shunga hin hlamrinna, khana inlungsetna om mak a kae, khana mipuihei hin kei hi Pathen tia ahnōm mak hei.

HOSEA 4:6

Kami he’n anhnōm mak eng jâra inhmang jo hei. Nangni thempu chei in kei ahnōm mak chei khana kaman theina chei rahlâng mak chei, khava jâra ke’n kahlonsōt jo chei khana nansahei leh kathempuhei kha kahlonsōt heia kae.

HOSEA 5:4

Mipuihei ṭhatmak tlona khan an-Pathen hneng hong inle sik a inphut akhar hei. Lim kamukna hin anmani asur manhnak jo hei, Rōngpu kha manhretna neimak hei.

AMOS 3:10

Rōngpu’n ati, “Hiva mihei hi ṭōnse tlona leh innâk-insea neinâk anta heichomsōt vâng rōk a an-innpuihei kasip sōa kae. Heikhonga malung mantheng sik ti kapha’m manhret mak hei.

MICAH 2:1

Hmit harpuma akaje khana akaṭhamak ṭōn mantlukna kaneihei sik a heituk a ṭitpek ka-om hei mo! Jîngkâr ahong pha, pha kaṭha anhmutak leh ṭhatmak anmantlukna kha antlosōt a kae.

MICAH 7:3

Anmani ankhenga ṭhatmak tlona kathemhei. Vaikarôn leh ṭongkatan he’n sêrmarûk sâk sik ander. Aṭong kase, ratha kanei mi khan amanthei heia, anmani inchun heia ṭōn anmantluk a kae.

LUKE 16:8

“Malung intheng mak nei katinta khan kasing tak a atlo jâra akapupa khan amanpâk jo; ajârchu hiva raleichung mihei hin khōvâr mihei kanek a rirûk a anṭōn anmatu heia kae.”

JOHN 16:3

Anmani’n ke’m khana kapa’m anmanhret mak jâra, nanchunga hiva ṭōnhei hi anta hongtlo sik kae.

ROMANHEI 1:22

Anmani’n kasing ung anti tâk kamohei;

ROMANHEI 1:28

Khava mihei khan akadik Pathen manhretna kha anmalung shunga andahnōm mak jâra, antatlo mak sik kha antlona sik Pathen in malung kaṭhamak kha apek jo hei kae.

ROMANHEI 16:19

Ṭong kaṭha kadik a nantajui kha mi rakip in anthei jo, hiva jâra kei nanchunga inpâk eng. Nangni akaṭha chunga akasing sik chei leh akaṭhamak chunga ṭhenakase akachang sik chei kamadu.

ROMANHEI 3:11

mikasing tûte om mak khana Pathen inmuk tûte om mak.

CORINTHIANHEI INKHATNA 14:20

Sōpuihei, mandonna ting naipang angmak ruh; akaṭhamak chunga chu naipang ang ruh, tâk nanmalung mandonna khan chu pui katluk chang ruh.

DÂNRABU INHNINA 32:28

“Israel hi singna kase jât inkhat kae; singna neitet mak hei.

DÂNRABU INHNINA 32:6

Mikamo, mandonna kaneimak mihei, Hinga mo Rōngpu kha nantatlo sik? Ama chu nanpa, nankasyem kae, ama’n nangni jât inkhat a asyem chei kae.