JEREMIAH 4:19 - LEKHARABU INTHENG (BSI)

¹⁹ Lung natna! Lung nat hi kei thōktor mak eng! Kamalung! Kamalung hi invaia tuk-tuk ati jo! Kei sip katia om tor mak jo eng; ke’n pengkun rasa hei leh rekōnna anpeng rasa kathei.

JEREMIAH 4:19 ပူးပေါင်းရင်းမြစ်များ

A’NPHUTNA 49:6

Anmani ṭongmarûk hrina kei invei mak ning, Anmani intûpna kei tlamak ning, Ajârchu anmani hi hnuknat a mi anthat Khana indei hōina sehratchehei antuk mankhôi hei.

RENGHEI INHNINA 4:19

Manhret phâkloa naipang khan apa hneng, “Kalu intôn jo! Kalu intôn jo eng!” aleiti. Apa’n asōk inkhat hneng, “Naipang kha anu hneng vathak roh,” ati.

RENGHEI INHNINA 8:11

Hivahi ahria Elisha’n Hazael hneng kasang kanga inlaktak a alei ena, Hazael in kahōia leisak tor mak jo. Manhret lo theiloa Elisha ahmit rathli hong kasōk jo.

HLAHEI 103:1

Karathla, Rōngpu kha choi ka-ân roh! Kapum in ama rahming intheng kha choi ka-ân roh!

HLAHEI 116:7

Kamalung inngam roh, ajârchu Rōngpu kha kei sik hingtuk hrep kaṭha jo.

HLAHEI 119:136

Mipui he’n nadân anjuimak jâra, kahmit rathli kha tuidung kalōng ka-ang.

HLAHEI 119:53

Mi malung kaṭhamak he’n nadân antasukṭhe kha kahmu pha hnuknat in amakhu eng.

HLAHEI 146:1

Rōngpu kha choi ka-ân roh! Karathla, Rōngpu kha choi ka-ân roh!

HLAHEI 16:2

Ke’n Rōngpu hneng kahri, “Nang ka-Rōngpu che kae; neinâk kaṭha kachen rakip hei hi nanga inphut hei kae.”

ISAIAH 15:5

Moab sik a kamalungria kaṭap eng! Mihei kha Zoar khōpuiting leh Eglath Shelishiya khōpuiting katlân jo hei. Ṭhahrep Luhith hlampui ting, anṭap pum a kake hei; ṭhahrep khat in Horonaim ting, malung natpuma ka-ông heia katlânsōt hei.

ISAIAH 16:11

Moab-hei sik a malung inrenga kei inkōi eng, Kir Heres sik a kachâm eng.

ISAIAH 21:3

Hmangtalâra kahmu leh katheihei seng khan ṭitna, natna amannei eng, khava nat dân khachu nuhmei naiha phut ka-ang.

ISAIAH 21:4

Kalu inhaia kaṭi enga innok eng. Ke’n khōhlei ahong tlung kâr kahngâk hla, kha’num ṭitna teilo heite heirônsōt mak.

ISAIAH 22:4

Tûnchu kamipuihei thi jâra malung kana tak a ṭapna sik a kabinga adahlon ruh. Amathlem mak ruh.

JEREMIAH 13:17

Nangni’n nanrangei mak inchu, Nan-inlensak jâra, marûk a kaṭap sik eng; Inhnaktak a kaṭap sik eng, kahmit rathli kalōng sik ajârchu Rōngpu mihei kha rekahringa ankeisôn jo heia kae.

JEREMIAH 20:9

Tâk-kha ke’n hinga, “Rōngpu hi kamahngi sik jo arahminga ṭong hri nôk mak jo ning,” kati pha, naṭong hin kashunga hmei kapōa inhnak a akâng ri eng. Torchena sip katia dena sik katlo, tâk-kha akasôt detor mak eng.

JEREMIAH 23:9

Kei kamalung kakōi jo, khana karatha innok jo. Rōngpu jâra aṭong intheng sik jâra, Ju inrui ka-ang jo eng, mi inkhat ju katamtak ka-in kha kapō jo.

JEREMIAH 4:21

Heituk kasôt mo re intukna hi ka-ena aka-om sik eng khan pengkun mahring hei karangei hi sik?

JEREMIAH 4:5

Ram pumpuia pengkun tum ruh! Rahnaktak leh intheng senga khō ôn ruh! Judah leh Jerusalema mihei kha, rekur tukkhum khōpui heia antlânna sik hripek hei ruh.

JEREMIAH 49:2

Kha’num apui karôn khōpui Rabbah mihei kha re innok rasa kaman theina sik hei pha kha kahong jo, inhmanga dahlona ka-om sik hei khana ankhō kasinhei kha hmei in akâng mathlâk sik hei. Khava sōa Israel in aram kha ahnenga inphut aleikalo heia inphut alomale nôk sik.

JEREMIAH 50:22

Ram shunga re intuk rasa inthei, khavakha suk inhmangna inhnaktak kae.

JEREMIAH 6:24

Jerusalem mihe’n anti, “Ṭong kha keini’n kanthei, kankut kangōi jo, nupui naiha kaphu a’nkōi leh akana ka-ang jo ung.

JEREMIAH 8:18

Kei malung inrim hi dam tor mak ning, Kei kamalunga akana eng kae.

JEREMIAH 8:21

Kei kamalung kakōi jo, ajârchu kamihei kha suk mannōi kachang jo hei, kei inhngaisui eng, inhmakban jo eng.

JEREMIAH 9:1

Kalu hi tuikhur aleichanga, kahmit hei hin tuiripût anleichang inchu, kami antatha jo hei sik a, sûn leh jân leikaṭap sik eng.

JEREMIAH 9:10

Ke’n kati, “Tlânghei sik a ralûm dena kanei sik ramhâng hei sik a kaṭap sik eng, ajârchu khahei kha kachârsō jo hei, khana tûte’m khana khan sele mak jo hei. Ranhring rasa intheimak jo, vahei leh ranhringhei katlânsō jo hei.”

ṬAJAISUINA 1:16

“Khava jâra kahmit a hmit-rathli kasiptak kalōnga kae. Tûte’num amathlem tor mak hei; tûte’num lungngam apektor mak hei. Ka-inrepui he’n kei antor jo eng; kami om hêrmak jo hei.

ṬAJAISUINA 1:20

“O, Rōngpu, enroh, kei inrengna hi, kamalung inkōina hi! Kasetna hei jâra kamalung hi kakōi jo. Hlam a mikathat ka-om hei; innshunga kapha thina kha ka-om.

ṬAJAISUINA 2:11

Kaṭap reina kahmit inthling jo, karathla hi inrim jo. Kamihei suk inhmangna jâra inrenga katluber eng. Naipang leh naidông he’n khōpui hlamdunga sorsam invei hei.

DANIEL 4:19

Hing’hin, Belteshazzar tia’m a’nhret Daniel kha inpirna aneia ṭong heite hrisōt tor mak joa kae. Rengpa’n ahnenga ati, “Belteshazzar, hiva rahmang leh atina khan namalung manrim mak rasoh.” Belteshazzar in amasôn, “Reng Kalûr, rahmang kha nang chunga changloa nang kadōihei chunga akatla chang rasoh.

DANIEL 7:15

Hmangtalâr kaleihmu khan amanrim eng, kei amanbōi hêr eng.

DANIEL 7:28

Hivahi omchen kasōk abângna kha kae. Kei kaṭihêr enga kadângper jo eng, khana khavahei seng kha kamalunga kada heia kae.

DANIEL 8:27

Kei kamalung katlasam hêra kani katamtak leikana eng. Khana kathōi enga rengpa’n anganse eng ṭōn vakatlo sik a kase jo eng, tâk hmangtalâr khan kamalung asuk manbōia heite manhret loa ka-om eng.

AMOS 3:6

Mipui in ṭitna neiloa re pengkun kha khōpui shunga a’nhring mo? Rōngpu’n ahei tir mak inchu khōpui kha khōdeng theina akasōk sik mo?

HABAKKUK 3:16

Hiseng hi kathei jo, kei innok eng; ṭit jâra karakam innok jo. Kataksa hi innok inthing jo, kake intlunhrek a thontor mak eng. Pathen in keini ani kabuhlu hei akarâkna sik pha kha ahong tlung sik kha sip katia kanhngâk sik.

MIJAHEI 10:9

Nanram shunga re nankōn pha leh, nanjōng kasō nan-inrepui heia inphut inhrungna sik, rekōn manhretna sik apengkun hi tum ruh. Nan-Pathen Rōngpu ke’n, nankadōi heia inphut ka’nthōpui sik chei khana kahuk sik chei.

ROMANHEI 10:1

Kasōpuihei, kami khet hei hi hukmanhring anchang sik kha ke’n heituk-hrep kamalung pumpuia kamadu jo mo! Ke’n heituk-hrep a anmani sik Pathen kader jo mo.

CORINTHIANHEI INKHATNA 14:8

Khana pengkun katum khan bekna mahring kha amanchênmak inchu, re katuk sik a tu mo a’ntluk sik?

GALATIANHEI 4:19

Kasa marit hei! Vōi khat nôk, nu inkhat in anai neia ade kapōa nanshunga Christa nunchen a’nsyemsōt mak lai seng khava natna leh a’n-anghrep kha nangni sik a kadea kae.

ṬONGKATANHEI 5:21

Kishon tuidung kalen in atlen jo hei, tuitlân inhnak Kishon tuidunga khan. Ke’n rahnaktak a hmating kanama kanamsôn sik!