JEREMIAH 4:14 - LEKHARABU INTHENG (BSI)

¹⁴ Jerusalem, nang inhuk theina sik a, namalung kabōk kha sôp jo roh. Heituk kasôt mo setna lungthim rōk namandon hi sik?

JEREMIAH 4:14 ပူးပေါင်းရင်းမြစ်များ

HLAHEI 119:113

Nang kajana pui katluk a akaneimak hei kha kahōt hei, tâk ke’n nadân kha kamadu.

HLAHEI 51:2

Kaṭhat makna hi asôp manthengpek roh, khana kasetna inphut amantheng seng roh.

HLAHEI 66:18

Kasetna hei kha kadon mak inchu, Pathen in kaderna arangei pek mak ning.

ṬONGCHÎK-HEI 1:22

“Mikamohei! Heituk kasôt mo akamo alakachang hnōm chei? Heituk kasôt mo themna kha nanta lahōt sik? Ahei tik a’m inthemchûk hnōm mak chei mo?

ISAIAH 55:7

Mikaṭhamak-hei kha’n anhringkhō hlam kha dahlon hei rasoh, khana anmalung mandon hei kha thlenghei sona. Anmani Rōngpu, ni-Pathen hneng inhe hei rasoh; Ama kha lungsetna pui katluk khana rangei mandamna inrang.

JEREMIAH 13:27

Ama’n amater ṭōn nantlona kha ahmu jo chei. Khōvelhei pathen chingbunga leh phaichama, pase inkhat in a-inn sirpa nuhmei amadu achangmak leh shakor chere kahur in arala atajui kapōa nansena hei kha ama’n ahmu sō cheia kae. Jerusalem mihei, nangni inhmang jo chei! Heitiktâk leh mo nangni a’ntheng sik chei?

JEREMIAH 17:1

Rōngpu’n ahri, “Judah mihei, nansetnahei kha thir kolôm vânga inzet jo; khavakha nanmalung ria hira kangeijap vânga hem inbek jo, namaichâm rakira inhem inbek jo.

JEREMIAH 18:11

Khava jâra tûnchu, Judah mihei leh Jerusalema ka-om mihei hneng anmani dōina sik a khana karâkna sik a intlukdek jo eng tia hripek hei roh. Anmani anset tlona kha anbângna sik, an-omchen leh anṭōn tlohei kha anthlengna sik a manthei hei roh.

JEREMIAH 2:22

Sâbon kaṭhatak vânga nasôp inum, naṭhena bi khachu kahmu ṭhak sik.

JEREMIAH 6:19

Raleichung, rangei roh! Anṭōn mantlukna rakip sik a karâkna inkhat a, hiva mihei chunga inhmangna hi kapek hei kae, ajârchu kaṭong juimak hei khana kaman theina lomak heia kae.

EZEKIEL 18:31

Ṭhatmak nantatlo rakip kha bâng ruh, malung ther leh mandonna ther kha chen ruh. Heisa mo Israel nangni akathi hnōm chei?

ZECHARIAH 8:17

Inkhat in inkhat inhmangna sik a intlo mak ruh. Akadik mak a inhâksêr mak ruh. Maleisei, akadik mak, innâk-inse ke’n kahōt.”

MATTHEW 12:33

“Thing kara kaṭha chenna sik akung kaṭha nantanei nger sik kae; thingkung kaṭhamak nannei inchu akara kaṭhamak nantachen sik kae. Thingkung hi akara vâng khan a’nhret kae.

LUKE 11:39

Khava jâra Rōngpu’n ahnenga, “Tûn nangni Pharisee chei’n kōklei leh thlenghei avângting chu nankanôt mantheng, tâk nanshungting chu innâk-inse tlona sik leh ṭhatmak kasip phet chei.

JOHN 13:9

Simon Peter in amasôn, “Rōngpu, kha achang inchu, kake rōk changloa kakut leh kalu’m asôp pek roh!” ati.

ṬŌNTLOHEI 8:22

Hinghiva akanimak ṭōnmantluk naneina chunga insir roh, khana hinghiva mandonna naneina inphut arangei mandamna sik che Rōngpu hneng inder roh.

ROMANHEI 1:21

Anmani’n Pathen anmanhret, tâk ama chen, kajana kha pek mak hei, manpâk um manpâk mak hei. Khava kanek a anmalung pui katluk a kamoa, anmandona akarōksai kha inthim in amakhusi jo.

CORINTHIANHEI INKHATNA 3:20

khana ṭong intheng ahlop a, “Mi insingsak hei malung mandon kha ahnemna kase kae ti Rōngpu’n amanhret,” tia inzet.

JAMES 4:8

Pathen heihnai ruh, khan chu ama’n ahei hnai sik chei. Eh mikaset-hei; nankut sôp mantheng ruh! Eh a’nhri inṭhat hei, nanmalung mantheng ruh!