JEREMIAH 4:1 - LEKHARABU INTHENG (BSI)

¹ Rōngpu’n ahri, “Israel mipuihei, nanhong inle hnōm inchu kahnenga hong inle jo ruh. Kahnenga taksenthei nanchang inchu ke’n kamater limhei kha hlonsōt hei ruh,

JEREMIAH 4:1 ပူးပေါင်းရင်းမြစ်များ

A’NPHUTNA 35:2

Khava jâra Jacob in a-innshung leh ahong inṭhōipui hei hneng, “Miram pathen nantanei hei kha hlonsōt ruh khana nantaksa insi intheng una pōn intheng si ruh.

RENGHEI INHNINA 23:13

Jerusalem nisōa khana Olive Tlâng thlânga Reng Solomon in aleisak maichâm, mater ka-om Sidonhei limsyem Astarte, Moab pathen Cemosh, Ammon pathen Molech hei kamukna hei kha asuk manset jo hei.

RENGHEI INHNINA 23:24

Thempu Kalen Hilkiah’n Bek-inna atahmu sōt lekharabu a’nzet hei kha manse theina sik a Reng Josiah’n, Jerusalema leh Judah ram a kathi rathla kabe hei leh tla kasânhei, innshung pathen rakip leh limhei, khana khōvelhei takamuk neinâk rakip alosōt jo hei.

THUHMINGHEI INHNINA 15:8

Oded sapa Azariah ṭongsân kha Asa’n athei pha, malung ngarna anei jo. Judah leh Benjamin ram shunga leh Ephraim tlângram heia limsyem rakip hei kha ahlon sōt jo hei. Ama khan Bek-inn sumpuk a akangir Rōngpu maichâm kha asyem manthersa a kae.

THUHMINGHEI INHNINA 33:8

Khana Israel mipui he’n kaṭong pek rakip anjuia khana kasōkpa Moses tapek hei, Dân rakip annit inchu ke’n anmani kha anpu sōnhei hneng kaleipek ram shunga inphut mihei manhnongsōt mak hei ning.”

THUHMINGHEI INHNINA 34:33

Reng Josiah khan Israel ramṭhen shunga aka-om mater ka-om limsyem rakip asuk manhmang hei, khana ama hring lai seng, mipui he’n anpu sōnhei Pathen Rōngpu kha anrazenna sik a amanse heia kae.

ISAIAH 31:6

Rōngpu’n ahri, “Israel mihei, nangni kei kadōia setna nantlo khana nanmakhe eng. Tâk-kha tûnchu, kahnenga he’nle jo ruh!

JEREMIAH 15:19

Hiva ṭong hi Rōngpu’n amasôn, “Nang nahe’n le’nchu, kalo manhlut nôk sik che, nang kasōk kachang nôk sik che. Ṭong kahnemmak nahri kanek a, akahnem ṭong thangkōi navahri le’nchu, nang kasân kathem kachang nôk sik che. Mipuihei nahnenga hong inle sik hei, nang in anhnenga vase sik rangei mak ning.

JEREMIAH 15:4

Judah reng Hezekiah sapa Manasseh in Jerusalema aleitlo ṭōn jâra, ke’n raleichunga mi rakip hei hi anhnenga ṭit ka-om tak kamanchang sik jo hei.”

JEREMIAH 18:11

Khava jâra tûnchu, Judah mihei leh Jerusalema ka-om mihei hneng anmani dōina sik a khana karâkna sik a intlukdek jo eng tia hripek hei roh. Anmani anset tlona kha anbângna sik, an-omchen leh anṭōn tlohei kha anthlengna sik a manthei hei roh.

JEREMIAH 24:9

Anchunga inhmangna kamasō sik, khavakha raleichunga jât rakip he’n anṭit a inpir sik hei. Mihe’n sem tlona anhmang heia manuina annei sik hei, anmanuisō sik hei, anmani kaman chek-chaina hei hmun rakip a anrahming kha inhâksêrna inkhat a anhmang sik hei.

JEREMIAH 25:5

Rōngpu’n nanpa-nanpuhei hnenga aleipek hei ram kha nankarōi achang thangna sik a khana ram a khan nan-om thangna sik a anmani’n nanhringkhō akaṭhamak hlam leh akaṭhamak ṭōn heia inphut nanhong inhesōtna sik anmanthei chei.

JEREMIAH 3:1

Rōngpu’n ati, “Pase inkhat in anuhmei a’nṭhenpui joa, khana amanu khan pase hlop inkhat lômnu avachang jo’nchu, avea ompui theimak jo ning. Hivahin ram kha amanbōk sik kae. Tâk-kha, Israel, nang chu indupui katamtak nanei jo hei sōa, tûnchu kahnenga hong inle hnōm jo che!

JEREMIAH 3:12

Israel hneng vasea ṭong vahrina sik a amanthei eng, “Taksenthei kachangmak Israel, kahnenga hong inle roh. Kei lungset kathem eng, kahnuknatmak ning. Nachunga kahnuk mannat ṭhak mak ning.

JEREMIAH 3:14

“Taksenthei kachangmak mihei, hong inle ruh; nangni kami chei kae. Khōpui rakip a mi inkhat ṭim, khana phung rakip a mi 2 ṭim kakadei sik chei, khana ke’n Zion Tlânga kaheiṭhōi male sik chei.

JEREMIAH 3:22

Rōngpua inphut a’nhesōt hei nangni seng hong inle ruh; ama’n nangni amandam sik chei khana taksenthei amanchang sik chei. Nangni’n nanhri, “Ôk keini Rōngpu hneng kahong sik ung, ajârchu ama kan-Pathen kae.”

JEREMIAH 35:15

Ke’n nanhnenga injônjet a kasōk sânkathemhei kajōngtir hei, anmani’n nanhlam jui kaṭhamak masōna sik, akadik kha nantlona sik anhri pek chei. Nangni leh nanpu sōnhei hneng kapek chei ram a hin, nan-om ṭhak theina sik a, nangni’n pathen ralak kamuk mak ruh khana razen mak hei ruh tia an-gîk ṭhak chei. Tâk-kha nangni’n kei ṭonghri chu rangei mak chei, heitea donmak cheia kae.

JEREMIAH 36:3

Judah mihei chunga ṭōnse masō sik a kamantluk hei hi anmani’n anthei pha, anṭhatmakna hlam heia inphut he’nhesōt thei khet sik heia kae. Khan chu anmani ṭhatmakna hei leh ansetnahei kha karangei mandam sik hei.”

JEREMIAH 4:4

Judah leh Jerusalem mihei, nan-Rōngpu kei leh niṭong intepna kha nit ruh, khana kahnenga intōksōt ruh. Kha achangmak inchu, ṭhatmak nantlo jâra kahnuknat kha hmei kakâng kapōa kakâng sik. Kakâng sik, khava kathat tor tûte om mak hei ning.”

JEREMIAH 7:5

“Nan-omdân leh nanṭōn tloje hei hi thleng ruh. Nangni inkhat leh inkhat malung inthengtak a inzen ruh.

JEREMIAH 7:7

Nangni’n nanmalung nanthleng inchu, nanpusōn he’n antachen ṭhak sik a kapek jo hei ram shunga kaman omṭhak sik chei.

EZEKIEL 11:18

Anmani an-inle pha leh, akachok, mater ka-om limsyem anta leinei seng kha andahlon sik jo hei.

EZEKIEL 18:13

khana sêrpûk aṭhōia amasō. Ama kahring sik mo? Changmak, hringmak ning. Ama’n hiva mater ka-om ṭōn rakip atlo jo, khava jâra ama kathi sik. Ama kha abinga thina sik a themmô pek sik kae.

EZEKIEL 43:9

Tûnchu anmani’n pathen ralak kamukna kha akabâng sik hei kae khana anrenghei kathi kalōng kha antalosōt sik kae. Khanga antlo’nchu, kei ankâra ahei tik a ka-om sik eng.”

HOSEA 14:1

Israel mihei, Rōngpu nan-Pathen hneng hong inle ruh. Nanset na’n amanpai cheia amantlû jo chei.

HOSEA 2:2

Kasahei, ama kanuhmei achangmak jo’num, khana kei apuise kachangmak jo’num, nannu kha hripek ruh. Ajôngna leh anoti changna kha abângna sik jôr ruh.

HOSEA 7:16

Keia inphut inhe heia ratha kaneimak pathen hneng kase ri hei. Anmani hi inngamna omlo, intlunjenlo sai kapō hei kae. Ajârchu anhlam kakeihei kha rahe kasetak a kaṭong hei, re leh sha shunga kathi sik hei, Egypt he’n anhnōise sik hei.”

JOEL 2:12

Tâk Rōngpu’n ahri, “Buhngōi, ṭap leh ṭajai sui pum a, malung inthengtak a nanmalung thleng ruh.

ZECHARIAH 1:4

Nanpu sōnhei kapō angmak ruh. Tenlaia inphut kaṭong kha sânkathem he’n antamanthei jo hei kae, ṭōnse tlopuma an-om makna sik, setna ṭōntloa anhring nôk makna sik a anmanthei hei. Tâk-kha anmani’n kaṭong arangei mak hei khana ajuimak hei.

DÂNRABU INHNINA 27:15

“‘Tu inkhat in hlung leh thing khana thir vânga lim asyema marûk a akamuk inchu Rōngpu hâksêrna kha achunga tlung rasoh. Rōngpu’n limsyem ahōt a kae.’ “Khana mipui he’n ‘Amen!’ tia anmasôn sik.

DÂNRABU INHNINA 4:30

Nangni’n inrengna nanratō pha khana khan heirakip nanhnenga asōk pha, khava sōa rōk Rōngpu hneng hong inle sik chei khana aṭong nanhei jui sik.

JOSHUA 24:14

“Joshua’n ahrisa a, “Tûnchu, Rōngpu kha kaja ruh khana malung inthengtak a leh taksentak a ama razen ruh. Mesopotamia leh Egypt a nanpusōn he’n antakamuk pathenhei kha hlonsōt ruh, khana Rōngpu rōk kha razen ruh.

ṬONGKATANHEI 10:16

Israel he’n ram hlop pathenhei kha andahlona Rōngpu kha ankamuk jo; khana Israelhei inrengna chunga ama kachâm joa kae.

SAMUEL INKHATNA 7:3

Samuel in Israel mipuihei hneng ati, “Nangni’n Rōngpu hneng nanmalung pumpuia nanhong inle’nchu ram hlop hei pathenhei leh pathennu Astarte hei kha nantahlonsōt sik hei kae. Nantaksa pumpui Rōngpu hnenga a’npek sōt sik chei kae khana ama rōk nantakamuk sik kae, khana ama’n Philistihei ratha neina inphut ahuksōt sik chei.”