JEREMIAH 39:8 - LEKHARABU INTHENG (BSI)

⁸ Khava lai khan Babylon mihe’n reng-innpuihei leh mipuihei innhei kha hmeia anro heia Jerusalem kurpui banghei kha ansuk manchim jo hei.

JEREMIAH 39:8 ပူးပေါင်းရင်းမြစ်များ

RENGHEI INHNINA 25:8

Babylon Reng Nebuchadnezzar vairôn kum 19 tlukna thla 5 tlukna ni 7 ning rengpa rehlam kakeipa, rengpa mansena kaneipa, Nebuzaradan in Jerusalema leikahlut a kae.

THUHMINGHEI INHNINA 36:19

Ama’n Bek-inn leh khōpuihei hmei aleiro hei, reng-innpuihei leh karōihei seng khana khōpui bang aleivōk-khōi hei.

NEHEMIAH 1:3

Anmani’n antamanthei eng khachu khava akahringa aka-om hei khana an-inn ramting ahong inle hei kha khōdeng katheitak a ka-om hei, khana anhnenga aka-om ram hlop mihe’n anhnōise hei tia anleihri. Anmani’n anhrisa a, Jerusalem bang kha kakōia laka-om ṭhak khana akekot-hei kha anro mankâng ninga inphut lasyemsōt mak hei anti.

HLAHEI 79:7

Ajârchu, anmani’n namihei kha anthat hei; khana naram ansuk manram jo.

ISAIAH 5:9

Chunghnung Rōngpu tahri kha ke’n kathei, “Hiva innpui kalen akaṭha hei hi akarōk, a’nsetsō hongkachang sik hei.

JEREMIAH 17:27

Tâk-kha anmani’n kaṭong antajui nger sik kae, khana serning kani kha kani intheng inkhat a antaser nger sik kae. Anmani’n khava ning khan phurhrik heite sōngkot a anta’nrôn manhlut mak sik kae, anheirôn manhlut inchu, ke’n Jerusalem sōngkot-hei kha hmei vâng karo sik hei kae. Hmei khan Jerusalem innpuihei kakâng sik hei, tûte’n hmei kha thator mak hei ning.”

JEREMIAH 21:10

Ke’n hiva khōpui hi hukmak sik, tâk-kha suk manhmang sik a intluk jo eng. Hivahi Babylon rengpa hneng kapek sōt sik jo, khana ama’n aro manvâm pet sik jo. Rōngpu, ke’n kahri jo.”

JEREMIAH 32:29

khana hmeia anro sik. Anmani’n anro mankâng sik, innphu chunga Baal hnenga marim katui anroa khana pathen ralak-hei hneng ju tōkna anneia, mipui he’n kahnuk anmannatna jo innhei kha leh inṭhōia antaro manhmang sik hei kae.

JEREMIAH 34:2

Rōngpu, Israel Pathen khan Judah Reng Zedekiah hnenga sea ṭong vahrina sik a amanthei eng, “Rōngpu ke’n hiva khōpui hi Babylon rengpa kut chunga kapek sōt sik, khana ama’n aro khum sik kae.

JEREMIAH 34:22

Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”

JEREMIAH 37:10

Nang in Babylon remihei nator heia, a’ntôn rōk hei kha rephōra anjea an-om inum, khahei kha kaṭhōisōt nôk sik heia kha khōpui hi anlaro mankâng manvâm sik.”

JEREMIAH 38:18

Tâk-kha nang in nahlutmak inchu, hiva khōpui hi Babylonhei kut chunga pek sōt sik kae, anro mathlâk sik, khana nang um anhnenga inphut tlânsōt mak tin che.”

JEREMIAH 5:10

Kamihei vomhrui rahōn katuktan sik a inrepuihei kahei tir sik hei, tâk-kha akhenga chu mantuktan pek mak hei ning. Abâk-hei chu tuktan petna sik a kamanthei sik hei, ajarchu abâk-hei khachu keita changmak hei.

JEREMIAH 7:20

Khava jâra Chunghnung Rōngpu ke’n hiva Bek-inn chunga kahnuk natna kha kasun mathlâk sik jo. Ke’n hivahi mipuihei leh ranhringhei chunga, khana thingkung leh hmuchihei chunga kapha’m kasun mathlâk sik kae. Kahnuknat hi hmei kasûk tûte’n athat tor mak kapō kha kachang sik.

ṬAJAISUINA 1:10

Amanu inrepui he’n akarōi buk rakip anchomsō jo. Anmani’n Bek-inna anheihlut kha ahmu hei, Rōngpu’n jât-hlop heihlut sik ahnōm makna hmun akhan.

ṬAJAISUINA 2:2

Judah ram a khō rakip lungsetna kasea Rōngpu’n amanhmang jo Khana ram inhrungna rephōr rakip asukkhōi jo. Rengram leh avaikarônhei kha inzakna apek jo hei.

ṬAJAISUINA 2:7

Rōngpu’n amaichâm kha ahlon sōt jo, khana a-Bek-inn adahlon jo; Abanghei kha inrepuihei tasuk manset sik a kahnōm jo. Pha khat a inpâk a kanlei kamukna kha inrepui he’n retorna ka-ông jo hei.

EZEKIEL 16:41

Anmani’n na-inn hei kha hmei vâng anro sik khana nang karâkna kha nuhmei rup he’n anhmu sik. Nang noti changna kha kamanbâng sik che khana na’nlungsetpui hei hnenga marûk sêr napek hei kha’m kamanbâng sik che.

EZEKIEL 23:47

Mipuihei khan hlung vâng denghlon hei rasoh khana chemjâm vâng buhlu hei rasoh, ansahei thapek hei ruh khana an-inn hmei ro pek hei ruh.

EZEKIEL 33:21

Keini rehringa sura kanva omna kum 12, thla 10, ni 5 tluk ning Jerusalema inphut akatlânsōt mi inkhat kahonga khōpui kha katlu jo tia ahri pek eng.

AMOS 2:5

Achang jâra, Judah hei chunga hmei kajōng mathlâk sik, Jerusalem rekur kakângsō sik.”

MICAH 3:12

Khava jâra, nangnihei jâra, Zion hi hlei kapōa khōi sik kae. Jerusalem kha inram kapōa akatlek akakōi rōk in inbuk sik khana Bek-inn tlâng kha ratu ramhâng hongkachang sik jo.