JEREMIAH 39:18 - LEKHARABU INTHENG (BSI)

¹⁸ Ke’n kahuk sik che, nang that mak hei tin che. Nahringkhō inhuksōt sik che ajârchu nang in kachunga taksenna naneia kae. Rōngpu ke’n kahri jo kae.”

JEREMIAH 39:18 ပူးပေါင်းရင်းမြစ်များ

THUHMINGHEI INKHATNA 5:20

Pathen hneng taksenna anneia, inthōpuina sik a andera kae, khana Pathen in anderna athei pek heia Hagrihei leh anmani inthōpui hei chunga retorna amannei heia kae.

JOB LEKHARABU 5:20

ṭâmpui asōk pha, ama’n amanhring sik che, re shunga thina inphut ahuk sik che.

HLAHEI 147:11

tâk ama kajana kapek hei chunga, alungset inthlengmak akataksenhei chunga tlaina anei.

HLAHEI 2:12

Ratha innok pum a ahnenga inkun ruh; kha achangmak inchu ahnuk kha inranga hongkana sik, khana nangni inrangtak a kathi sik chei. Ama tahrung sik a ahnenga akase rakip kahōihei!

HLAHEI 33:18

Rōngpu’n aṭong kajuihei leh inthlengtik kaneimak alungsetna chunga taksenna kaneihei kha a-ensui hei.

HLAHEI 34:22

Rōngpu’n amihei kha ahuk sik hei; inhukna kajōnga ahnenga akase rakip ahuk sik hei.

HLAHEI 37:3

Rōngpu kha taksen roh khana akaṭha tlo roh; ram shunga khan om ina hringna chen roh

HLAHEI 84:12

Nang kataksenhei kha heituk a akahōi hei mo, Akahratpen Rōngpu!

HLAHEI 91:7

Nasira mi lishing lishing katluthei hei, lishing sôm khat in nang ankakekhum thei che, tâk nang chu suk manset mak hei tin.

ISAIAH 26:3

Rōngpu, nang in pui katluk lung mōngna pek hei roh mandonna kahnet a kaneihei leh nahnenga taksenna kaneihei hnenga.

JEREMIAH 21:9

Tu-tu achanga khōpuia ka-om mi kha rea achangmak leh ṭâm, achangmak leh hrisea akathi sik kae. Tâk-kha tuna re heikatlo Babylonhei hneng avakahlut a a’npek sōt mihei khachu thasōt mak hei ning; anhringkhō rōk chu inhuk sik hei.

JEREMIAH 38:2

khava Rōngpu ṭonghri kha anleithei jo, khachu, “Tu achang inum hiva khōpuia ka-om mi kha rea, vonṭâma khana hrisea kathi sik. Tâk-kha tu achang inum akatlânsōt a Babylonhei hneng akahlut mi kha thimak hei ning; anhringkhō rōk chu inhuk sik hei.”

ROMANHEI 2:12

Jât-hlop he’n Moses Dân kha neimak hei; Dân kasea setna antlo khana kathihei. Jehudi he’n Dân annei; setna antlo khana Dân in anṭong atan.

EPHESIANHEI 1:12

Kha achang inchu, hma inkeia, Christa inhōrna kanei sik eini’n Pathen lûrna kha choi ka-ân rih!

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.