JEREMIAH 37:7 - LEKHARABU INTHENG (BSI)

⁷ “Egypt remihei nang inthōpui sik a kahong hei, tâk an-innting inle sik hei.

JEREMIAH 37:7 ပူးပေါင်းရင်းမြစ်များ

RENGHEI INHNINA 22:18

Rengpa sik a chu, Rōngpu Israel Pathen ke’n hivahi kahri pek kae: lekharabu shunga a’nsun kha narangei jo,

RENGHEI INHNINA 24:7

Egypt rengpa leh aremihei kha avea Egypt a inphut vâng sōk mak jo hei, ajârchu Euphrates Tuidunga inphut sak tinga Egypt ramri katlunga ramṭhen rakip Babylon reng thōia ka-om joa kae.

ṬONGCHÎK-HEI 21:30

Mihring singna, themna kanei, ari inthûk a hmuna hei kha Rōngpu’n adōi che’nchu heite anhnemna om mak.

ISAIAH 30:7

Egypt hei tahei pek inṭangpuina kha hnemna kase kae. Khava jâra ke’n Egypt kha arahming hlop kaphō, ‘Tûr kaneimak Rihren’ Rōngpu’n kati jo.”

ISAIAH 36:6

Egypt in a’nthōpui sik eng tia inngam che, tâk-kha peng khōnghre kapōhrep kae, khavakha katlek sik a kha nakut asun kathi sik. Egypt rengpa hnenga akahlut mi seng kha khanga kati sik.

JEREMIAH 2:18

Egypt a navase leh heimo akahnem sik tia namandon, Nile tuidunga tui va-in sik mo nati? Assyria navase leh heimo akahnem sik tia namandon, Euphrates tuidunga tui va-in sik mo nati?

JEREMIAH 2:36

Nang in jât-hlop pathen nasora nabinga naman namantlôm a kae. Assyria tatlo che kapōa, Egypt inum malung tlâksamna ahongpek sik che.

JEREMIAH 2:37

Egypt a inphut inhe chea, inzak a nalu namakhup sik. Nang in nataksen hei kha, Rōngpu, ke’n kahlonsōt jo hei; anmania inphut nang in hnemna heite chenmak tin che.”

JEREMIAH 21:1

Judah reng Zedekiah’n Malchiah sapa Pashhur leh Maaseiah sapa Zephaniah thempu kha hiva ngekna hi leh kahnenga ahei tir hei:

JEREMIAH 21:2

“Lungsettak a Rōngpu hneng keini sik a ahri pek roh, ajârchu Babylon rengpa Nebuchadnezzar leh aremi he’n kankhōpui anvakimve tlit joa kae. Rōngpu’n keini sik a ṭōn-inlak inkhat atlopek unga Nebuchadnezzar kha rumhrat a aramting amanle theia kae.”

JEREMIAH 37:3

Reng Zedekiah’n Shelemiah sapa Jehucal leh Maaseiah sapa thempu Zephaniah hei kha kanjât-hei kahlanga Rōngpu kan-Pathen hneng derna kaneina sik, kahnenga akangek sik a ahei tir hei.

JEREMIAH 37:5

Babylon remi he’n Jerusalem kha ankekhum jo, tâk Egypt remi he’n anramri anhei rakanna kahong jo hei ti ṭong anthei pha, anmani inle jo hei.

JEREMIAH 37:6

Khava pha Rōngpu, Israel Pathen khan kahnenga Zedekiah hneng hri sik ṭong amanthei eng,

ṬAJAISUINA 1:7

Binga ka-om a’nhmangsō jo Jerusalem in tunchu hmalaia alûrna kha amandonsōt jo. Aka-en kadahei kut a atlûk pha, ama inthōpui sik tûte leiom mak hei; amanu tlâksukna kha akator he’n anmanuisōa kae.

ṬAJAISUINA 4:17

Akahong hêrmak sik jo inthōpuina sik, kanhle mak hma seng kanlei en. Tûte inkhat ani kabôm sik omlolai, keini’n jât inkhat inthōpuina kanleihngâk ṭhak a kae.

EZEKIEL 17:17

Babylon he’n mi katamtak thatna sik a ralei khur ancho pha Egypt remi kahrat hei kapha’num re dōina kha inthōpui tor mak hei ning.

EZEKIEL 29:16

Israel in inthōpuina sik a anhnenga inhngana nei hêrmak jo hei ning. Egypt mahâmsetna khan, Israel in Egypt hei hneng inhngana anta leinei kha heituk a akadik mak jo mo tia mandonsōtna amannei sik hei. Khana Israel in kei hi Rōngpu eng kae tia amanhret sik jo eng.”

EZEKIEL 30:22

Tûnchu, hivahi Chunghnung Rōngpu ke’n kahri kha kae: kei Egypt reng kadōi jo eng kae. Ke’n ama kutbân 2 hrep kavōk mathlek pek sik, akaṭha kha leh akatleksa kha leh, khana chemjâm kha akut a inphut katla sik.