JEREMIAH 36:7 - LEKHARABU INTHENG (BSI)

⁷ Anmani Rōngpu hnenga andera anṭhatmakna hlam a inphut hong inhe thei khet sik heia kae, ajârchu Rōngpu’n hiva mipuihei hi ama ṭit ka-om tak leh ahnuk inthakna vâng khan amaṭhit jo heia kae.”

JEREMIAH 36:7 ပူးပေါင်းရင်းမြစ်များ

RENGHEI INHNINA 22:13

“Hiva lekha mantheina chungchânga Judah mihei sik leh kei sik a se ina Rōngpu hneng der ruh. Rōngpu kha nichunga ahnuk kana jo ajârchu hiva lekharabu hin tlo sik a ati kha nipu-nipa he’n heitlo mak jo hei.”

RENGHEI INHNINA 22:17

Anmani’n kei andahlon jo eng khana pathen ralak hneng inthoi-insân antlo jo, khana anṭōntlo rakip vânga khan kahnuk anmannat hêr jo. Kahnuknat kha Jerusalem chunga akhe hêr jo, khana daimak jo ning.

THUHMINGHEI INHNINA 34:21

“Kei leh kami Israel leh Judah ram a alaka-om hei sik a vase inna Rōngpu kha vader ruh. Hiva lekha mantheina chungchânga jongsōt ruh. Nipusōn he’n Rōngpu ṭong anjuimak jâra khana hiva lekha hin tlo sik a ahri kha leitlo mak heia Rōngpu’n nichunga ahnuk akana jo kae.”

JEREMIAH 1:3

khana Judah rengpa Josiah sapa Jehoiakim pha shunga ahnenga ṭong ajōng hri nôk a kae. Khava sōa, Josiah sapa Zedekiah reng changna kum 11 katlunga ahnenga Rōngpu’n hmun katamtak a ajōng hria kae. Khava kum a thla 5 tlukna shunga khan Jerusalem mipuihei kha rehringa anleikei heia kae.

JEREMIAH 16:10

“Nang in hivaseng hi nahri pek hei pha, anmani’n heisa mo hinghrep a karâkna inhnak hi pekna sik unga amantluk tia ander sik che. Anmani’n Rōngpu, an-Pathen dōina hei setna mo antatlo jo khana hei sukṭhena mo antanei jo tia ander sik che?

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 21:5

Ke’n kator chenna, kahnuk natna, kahrângna, kahnuk inthakna leh inṭhōia nang kadōia re katuk sik che.

JEREMIAH 25:5

Rōngpu’n nanpa-nanpuhei hnenga aleipek hei ram kha nankarōi achang thangna sik a khana ram a khan nan-om thangna sik a anmani’n nanhringkhō akaṭhamak hlam leh akaṭhamak ṭōn heia inphut nanhong inhesōtna sik anmanthei chei.

JEREMIAH 26:3

Mihei khan ṭong anrangeia an-omchen kaṭhamak kha anhei masō khâk theia kae. Anmani’n khanga antlo’nchu, anṭōntlo ṭhatmak jâra ke’n suk manset sik heia kamantluk kha kamalung kathleng sik.”

JEREMIAH 36:3

Judah mihei chunga ṭōnse masō sik a kamantluk hei hi anmani’n anthei pha, anṭhatmakna hlam heia inphut he’nhesōt thei khet sik heia kae. Khan chu anmani ṭhatmakna hei leh ansetnahei kha karangei mandam sik hei.”

JEREMIAH 37:20

Khana tûnchu, Rengpa, kaṭong hri narangei sik leh kamansena che kha natlo sik a kangek che kae. Lungsettak a kei Jonathan inna khum sik a atir male mak jo roh. Natir nôk eng inchu, sona son avakathi nger sik eng kae.”

JEREMIAH 4:4

Judah leh Jerusalem mihei, nan-Rōngpu kei leh niṭong intepna kha nit ruh, khana kahnenga intōksōt ruh. Kha achangmak inchu, ṭhatmak nantlo jâra kahnuknat kha hmei kakâng kapōa kakâng sik. Kakâng sik, khava kathat tor tûte om mak hei ning.”

JEREMIAH 42:2

kahnenga anti, “Lungset a keini tader che hi tlo roh! Keini sik a Rōngpu, ni-Pathen hneng derna nei roh. Akahring seng keini sik a der roh. Pha khat a eini hi leikatam me; nang in nahmu kapōa, tûnchu akatlômtek andahlon jo me.

ṬAJAISUINA 4:11

Rōngpu kha ahnuk kana hranghra jo; Ziona hmei amansûk a khava khan amankâng manvâm.

EZEKIEL 12:3

“Tûnchu, akathithei mihring,” rekatlânhei kapōa naphur bôm mantluk roh, khana jân achangmak lai se phut jo roh. Nasesōt kha mi rakip in hmu hei che rasoh. Rahe kase mihei kha’num hmu hei che rasoh.

EZEKIEL 13:13

Tûnchu hivahi Chunghnung Rōngpu tahri kha kae, “Kahnuknat a nanchunga thlipui kamanhrâng sik, khō kamansûr sik, bang kha suk manhmangna sik kahre kamathlâk sik.

EZEKIEL 20:33

“Chunghnung Rōngpu kei akahring Pathen khet kachang jâra gîkna kapek chei kae, kahnuknat pum a kut kangar tak a, karatha neina rakip vâng nanchunga vai karôn sik kae.

EZEKIEL 22:20

dangka, sumsen, thir, ngen khana tin mantheng sōtna ratap shunga antathōn manhlut hei kapōa, hmei in thir hei amanjor hei kapōa, kahnuk natna leh kasuk manrimna hei khan amanjor sik hei.

EZEKIEL 5:13

“Kei kamalung atluk mak lai seng kahnuk natna leh karahe setna ratha rakip kha nang in namanhret sik. Heirakip hi asōksō pha, taksenthei nachangmak jâra Rōngpu ke’n kahnuknat nahnenga kahri kae ti hi nang in nahong manhret sik jo.

EZEKIEL 8:18

Anmani’n kahnuk natna rathahrat rakip anhmu sik. Ke’n anmani ṭhensōt mak hei ning khana lungsetna inkhatbek malârmak ning. Anmani’n antor chenna kare inrek a derna kahnenga annei sik, tâk ke’n rangei mak hei ning.”

DANIEL 9:13

Moses Dân a ale’nzet karâkna rakip hei kha napek jo ung. Tâk tûn katlunga’m O Rōngpu kan-Pathen, kansetna heia inphut inhesōtna a-emak leh nadikna juia namalung mantlaina sik latlomak ung.

DANIEL 9:18

Eh Pathen, kantahri arangei pek roh; keini ajōng enroh, keini inrengna kan-omna leh narahming karôn khōpui inrimna hi jōng enroh. Keini’n akadik kantlo jâra changloa, nang in lungset kathem nachang jâra derna hi kannei che.

HOSEA 5:15

“Kami he’n ansetna jâra katluk a khōdeng theina aneia kei annihei jongmak kârseng ke’n kadahlon sik hei. Ankhōdeng theina shunga kei annihong jong khâk sik eng.”

JOEL 2:12

Tâk Rōngpu’n ahri, “Buhngōi, ṭap leh ṭajai sui pum a, malung inthengtak a nanmalung thleng ruh.

JOEL 2:13

Nanmalung akakōi khan nanchâmna kha malâr rasoh; nanpōn keihler rōk in latluk mak.” Rōngpu nan-Pathen hneng hong inle ruh. Ama chu lungset leh maritna kasip kae; dehratna anei khana aṭongtep anit; pha rakip a rangei mandamna sik a intluk khana karâkna pek mak a kae.

JONAH 3:8

Mi rakip, ran rakip borapōn a’nsi sik hei kae. Mi rakip in Pathen hneng rahnaktak a antader sik kae, ṭhatmak omchen leh ṭōntlo antamasō sik kae.

ZECHARIAH 1:4

Nanpu sōnhei kapō angmak ruh. Tenlaia inphut kaṭong kha sânkathem he’n antamanthei jo hei kae, ṭōnse tlopuma an-om makna sik, setna ṭōntloa anhring nôk makna sik a anmanthei hei. Tâk-kha anmani’n kaṭong arangei mak hei khana ajuimak hei.

DÂNRABU INHNINA 31:16

Rōngpu’n Moses hneng ahri, “Nang inranga kathi sik jo che, nathisōa mipuihei hi kei hneng taksenthei changmak hei ning, anmani leh intepna kaleisyem kha anvōkkhōi sik. Kei andahlon sik eng, anvahlutna sik ram a jât-hlop hei pathen anvakamuk sik hei.

DÂNRABU INHNINA 31:17

Khavakha asōk pha, anchunga kahnuk kana sik; kadahlon sik hei, anmani suk manram kachang sik hei. Ṭit ka-om inrimna katamtak anchunga jōng katlung sik, khava sōa chu an-Pathen ke’n ka-ompui mak jâr heia hiva omchen hi akasōk jo kae tia anhong manhret sik jo.